མི་དམངས་ཉིན་རེའི་ཚགས་པར་ཁང་དུ་ཧྲོའར་ནས་ཟླ་5ཚེས་17ཉིན་གློག་འཕྲིན་འབྱོར་གསལ། ཧན་གོ་རུ་འཚམས་འདྲི་གནང་བཞིན་པའི་ཁྲའོ་ཞན་གནད་དོན་གྱི་ཨ་རིའི་ཆེད་བསྐོས་ཕོ་ཉ་པུའོ་སི་ཝུའོ་སིས་ཚེས་17ཉིན་གསར་འགོད་པར་ཚོགས་འདུའི་ཐོག་ཁྲའོ་ཞན་ལ་འབྲུ་རིགས་རོགས་སྐྱོར་བྱ་རྒྱུའི་གནད་དོན་ཐད་ཨ་རི་དང་ཧན་གོའི་དབར་ཐུན་མོང་གི་ངོས་འཛིན་བྱུང་བས་ཕྱོགས་གཉིས་པོས་སླད་ཕྱིན་ཡར་རྒྱས་བྱུང་སྐབས་ཡོངས་བསྒྲགས་བྱ་རྒྱུ་ཡིན་ཞེས་གསུངས་པ་རེད།

    པུའོ་སི་ཝུའོ་སིས་ད་དུང་ཁྲའོ་ཞན་གྱི་ཡོའུ་གར་བཟོའི་རྣམ་གྲངས་དེ་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་འབྲེལ་ཡོད་གྲོས་ཆོད་དང་ཁྲའོ་ཞན་གྱི་དེ་སྔའི་འབྲེལ་ཡོད་ཁས་ལེན་དང་འགལ་ཡོད་པ་དང་གནད་དོན་དེའི་ཐད་ཀྱི་ཨ་རིའི་ལངས་ཕྱོགས་ནི་ཐོག་མཐའ་བར་གསུམ་དུ་འགྱུར་ལྡོག་སྤུ་ཙམ་ཡང་མེད། ཁྲའོ་ཞན་གྱི་འགྲོ་བ་མིའི་ཐོབ་ཐང་གི་ལས་དོན་ཐག་གཅོད་བྱ་རྒྱུའི་འགན་འཁུར་མཁན་ཨ་རིའི་རྒྱལ་དོན་ཁང་གི་ཆེད་བསྐོས་ཕོ་ཉ་ལུའོ་པུའོ་ཐེ ·ཅིན་གྱིས་ཉེ་དུས་སུ་ཁྲའོ་ཞན་གྱི་འབྲུ་རིགས་དཔྱད་དཔོག་ཚོགས་ཆུང་གི་སྣེ་འཁྲིད་དེ་ཁྲའོ་ཞན་དུ་འཚམས་འདྲི་བྱེད་མིན་ཐད་པུའོ་སི་ཝུའོ་སིས་ཨ་རིའི་རྒྱལ་དོན་ཁང་གིས་ཉིན་འགའི་ནང་འབྲེལ་ཡོད་ཀྱི་གནས་ཚུལ་ཁྱབ་བསྒྲགས་བྱ་རྒྱུ་རེད་ཅེས་གསུངས་པ་རེད།

    པུའོ་སི་ཝུའུ་སི་ཚེས་16 ཉིན་གྱི་དགོང་མོ་ཧན་གོ་རུ་འབྱོར་ནས་དུས་ཡུན་ཉིན་3གྱི་འཚམས་འདྲི་གནང་བ་དང་ཚེས་17 ཉིན་ཁོང་གིས་ཧན་གོའི་ཕྱི་འབྲེལ་ཚོང་དོན་པུའི་ཁྲའོ་ཞན་ཕྱེད་གླིང་གི་ཞི་བའི་འབྲེལ་གཏུག་པུའུ་ཀྲང་ཝུའེ་ཧྲེང་ལུའོ་སོགས་ཧན་གོ་ཕྱོགས་ཀྱི་དཔོན་རིགས་དང་གྲོས་མོལ་གནང་བ་རེད།