ཤིན་ཧྭ་གསར་འགྱུར་ཁང་ཝ་ཧྲིང་ཐོན་ནས་ཟླ་5ཚེས་19ཉིན་གློག་འཕྲིན་འབྱོར་གསལ། རྒྱལ་སྤྱིའི་དངུལ་ལོར་ཐེབས་རྩ་རྩ་འཛུགས (IMF)ཀྱིས་ཚེས་18ཉིན་གྱི་ཕྱི་དྲོ་གསལ་བསྒྲགས་སྤེལ་ནས་མིག་སྔར་ཆགས་སྤྱོད་ཀྱི་ཉེས་གསོག་དབང་གིས་འཛིན་བཟུང་བྱས་པའི་སྤྱི་འདོམས་ཏུའོ་སྨི་ཉི་ཁེ ·སི་ཐེ་ལའོ་སི －ཁ་ཨེན་གྱིས་རྩ་འཛུགས་དེའི་ཏུང་ཧྲི་ལྷན་ཚོགས་ལ་ཡི་གེ་དངོས་སུ་སྤྲིངས་ནས་ལས་གནས་ནས་དགོངས་པ་ཞུ་རྒྱུ་ཡིན་ཞེས་བརྗོད་ཡོད་པ་དང་དུས་མཚུངས་ཁོང་གི་ཉེས་གསོག་ཐད་སྐྱོན་འདོན་ཞུ་གཏུག་བྱས་པ་ཁས་མ་བླངས་པ་རེད།

    IMFཡིས་གསལ་བསྒྲགས་སྤེལ་བའི་ནང་རྩ་འཛུགས་དེས་ཉེ་དུས་སྤྱི་འདོམས་གསར་པ་འདེམས་སྒྲུག་བྱ་རྒྱུའི་སྐོར་གྱི་ལག་བསྟར་ཏུང་ཧྲི་ལྷན་ཚོགས་ཀྱི་གོ་རིམ་བརྡ་ཁྱབ་གཏོང་རྒྱུ་ཡིན་པ་དང་དུས་ཚོད་དེའི་རིང་གཡོད་ཧན ·ལི་ཕུའུ་སི་ཅིས་ལས་ཚབ་སྤྱི་འདོམས་ཀྱི་འགན་མུ་མཐུད་འཁུར་རྒྱུ་རེད་ཅེས་བརྗོད་ཡོད་པ་རེད།