ཤིན་ཧྭ་གསར་འགྱུར་ཁང་ཐེ་ཧེ་རན་ནས་ཟླ་5ཚེས་17ཉིན་གློག་འཕྲིན་འབྱོར་གསལ། ཚེས་17ཉིན་དབྱི་རན་གྱི་ཕྱི་འབྲེལ་པུའི་མགྲིན་ཚབ་པ་མེ་ཧོ་མན་ཕ་ལ་སི་ཐེས་དབྱི་རན་གྱིས་ནུབ་ཕྱོགས་རྒྱལ་ཁབ་དང་ཕྱོགས་གཉིས་ཀྱི “གཅིག་མཐུན ”གྱི་རྨང་གཞིའི་ཐོག་གྲོས་མོལ་དང་མཉམ་ལས་བྱ་རྒྱུ་གྲ་སྒྲིག་བྱས་ཟིན་ལ་གྲོས་མོལ་ཐད “ཕན་ནུས་ཐོན་པ ”བྱ་རྒྱུ་ཡིན་ཞེས་བཤད་པ་རེད།

    དེ་ཉིན་མེ་ཧོ་མན་ཕ་ལ་སི་ཐེས་ཕྱི་འབྲེལ་པུའི་འཆར་ཅན་གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག་ནུབ་ཕྱོགས་ཀྱིས་དབྱི་རན་ལ་དམིགས་པའི་བཀག་སྡོམ་གྱིས་དབྱི་རན་གྱིས་རང་ཉིད་ཀྱི་ཉིང་རྡུལ་དབང་ཆ་དོན་གཉེར་བྱ་རྒྱུར་བཀག་འགོག་བྱེད་མི་ཐུབ་པ་དང་དབྱི་རན་ལ་བཀག་སྡོམ་བྱེད་པ་དེ་ནི་ལམ་ནོར་ཞིག་ཡིན་པས་བཀག་སྡོམ་གྱིས་དབྱི་རན་གྱི་ཆོད་སེམས་དང་སྙིང་སྟོབས་ལ་ཤུགས་རྐྱེན་ཐེབས་མི་སྲིད། གནས་ཚུལ་གང་འདྲ་ཞིག་གི་འོག་ཏུའང་དབྱི་རན་གྱིས་ནུབ་ཕྱོགས་རྒྱལ་ཁབ་ཀྱི་གནོན་ཤུགས་ལ་མགོ་སྒུར་མི་སྲིད་པ་དང “ནུབ་ཕྱོགས་རྒྱལ་ཁབ་ཀྱིས་ཀྱང་བཀག་སྡོམ་བྱས་པ་དེ་ངལ་བ་སྟོང་ཟད་ཡིན་པའི ”རྣམ་འགྱུར་བསྟན་ཡོད་ཅེས་བཤད་པ་རེད།

    མེ་ཧོ་མན་ཕ་ལ་སི་ཐེས་རེས་སྐོར་གསར་པའི་གྲོས་མོལ་སླར་ཡང་འགོ་ཚུགས་མིན་དེ་ནུབ་ཕྱོགས་རྒྱལ་ཁབ་ཀྱི་འདོད་བློར་རག་ལུས་ཡོད་ཅེས་བཤད་པ་རེད།

    ཚེས་4ཉིན་དབྱི་རན་དུ་རྒྱུན་སྡོད་རྒྱལ་སྤྱིའི་རྡུལ་ཕྲན་ནུས་པའི་སྒྲིག་གཞིའི་འཐུས་མི་སུའུ་ཏན་ཉི་ཡེས་བཙན་འཕྲོག་བྱེད་མི་ཆོག་པའི་དབྱེ་རན་གྱི “ཉིང་རྡུལ་དབང་ཆར ”བརྩི་འཛོག་དང 《ཉིང་རྡུལ་མཚོན་ཆ་ཁྱབ་གདལ་མི་གཏོང་བའི་ཆིངས་ཡིག 》གི་རྨང་གཞིའི་ཐོག་ཨ་རི་དང་། དབྱིན་ཇི། ཧྥ་རན་སེ། ཨུ་རུ་སུ། ཀྲུང་གོ འཇར་མན་བཅས་རྒྱལ་ཁབ་དྲུག་དང་ཉིང་རྡུལ་ཐད་གྲོས་མོལ་བྱ་རྒྱུའི་གྲ་སྒྲིག་བྱས་ཟིན་ཞེས་བཤད་པ་རེད།