མི་དམངས་ཉིན་རེའི་ཚགས་པར་ཁང་དུ་པུ་རུ་སེར་ནས་ཟླ་ 5 ཚེས་ 16 ཉིན་གློག་འཕྲིན་འབྱོར་གསལ། ཡོ་རོབ་ཀྱི་སྒོར་མོ་བཅོལ་ཁུལ་གྱི་ནོར་སྲིད་དཔོན་གྱི་ཚོགས་འདུ་དེ་ཚེས་ 16 ཉིན་པུ་རུ་སེར་རུ་འཚོགས་ཤིང་། ཡོ་རོབ་ཀྱི་སྒོར་མོའི་ཚོགས་པའི་ཀྲུའུ་ཞི་རུང་ཁེ་ཡིས་ད་ལྟ་དབྱི་ཐ་ལིའི་ལྟེ་བའི་དངུལ་ཁང་གི་ཧང་ཀྲང་གི་འགན་འཁུར་མཁན་མ་ལི་ཨའོ ·ཏེ་ལ་ཅི་སྐབས་རྗེས་མའི་ཡོ་རོབ་ལྟེ་བའི་དངུལ་ཁང་གི་ཧང་ཀྲང་གི་འགན་འཁུར་རྒྱུའི་འོས་སྦྱོར་བྱས་པར་ཡོ་རོབ་ཀྱི་སྒོར་མོ་བཅོལ་ཁུལ་རྒྱལ་ཁབ་17 གྱི་ནོར་སྲིད་དཔོན་གྱིས་གཅིག་གྱུར་ཐོག་མོས་མཐུན་བྱས་ཡོད་ཅེས་བཤད་པ་རེད།