མི་དམངས་ཉིན་རེའི་ཚགས་པར་ཁང་དུ་པང་ཁོག་ནས་ཟླ་5ཚེས་16ཉིན་གློག་འཕྲིན་འབྱོར་གསལ། གོང་ཚེས་ཉིན་ཐེ་ལན་ཝུའེ་ཐའེ་ཏང་ལག་བསྟར་ཨུ་ཡོན་ལྷན་ཁང་གིས་དབྱིང་ལུའུ ·ཤིས་ན་ཝ་ཏང་ནང་ཁུལ་གྱི་དབྱི་ཡོན་འདེམས་བསྐོའི་ནང་ཞུགས་མཁན་གྱི་འོས་མི་ཨང་དང་པོར་འོས་སྦྱོར་མཐའ་གཅིག་ཏུ་བྱས་པ་དེ་ཐོག་ནས་དབྱིང་ལུའུ ·ཤིས་ན་ཝ་ཐེ་ལན་འདེམས་བསྐོ་ཆེ་མོའི་ཁྲོད་ཝུའེ་ཐའེ་ཏང་གི་ཙུང་ལིའི་བདམས་ཐོན་པར་གྱུར་པ་མཚོན་ཡོད་པ་རེད།
ཉིན་དེ་རང་དུ་ཐེ་ལན་དམངས་གཙོ་ཏང་གིས་ད་ལྟ་འགན་བཞེས་བཞིན་ཡོད་པའི་ཙུང་ལི་ཨ་ཕི་ཧྲི་ཏང་དེའི་དབྱི་ཡོན་འདེམས་བསྐོའི་ནང་ཞུགས་མཁན་གྱི་འོས་མི་ཨང་དང་པོར་གཏན་འཁེལ་བྱས་ཤིང་། ད་རེས་ཐེ་ལན་གྱི་འདེམས་བསྐོ་ཆེ་མོའི་ཁྲོད་ཝུའེ་ཐའེ་ཏང་དང་དམངས་གཙོ་ཏང་གི་ཏང་ཤོག་ཆེ་གྲས་གཉིས་ཀྱི་སྟོབས་ཤུགས་དེ་ཏང་ཤོག་འབྲིང་ཆུང་གཞན་དག་ལས་རྣམ་པར་རྒྱལ་ཡོད། དེར་བརྟེན་དབྱིང་ལུའུ་དེ་ཨ་ཕི་ཧྲི་ཡིས་སྐབས་རྗེས་མའི་སྲིད་གཞུང་གི་ཙུང་ལི་བརྩོན་ལེན་བྱེད་པའི་ཁ་གཏད་སྟོབས་ཆེན་ཞིག་ཏུ་འགྱུར་རྒྱུ་ཡིན་པ་རེད།