མི་དམངས་ཉིན་རེའི་ཚགས་པར་ཁང་དུ་པེ་ཅིང་ནས་ཟླ་5ཚེས་4ཉིན་གློག་འཕྲིན་འབྱོར་གསལ། གོང་ཚེས་ཉིན་ཕྱི་འབྲེལ་པུའི་མགྲིན་ཚབ་པ་ཅང་ཡུས་ཀྱིས་ཨ་རིའི་རྒྱལ་སྤྱིའི་ཆོས་ལུགས་རང་དབང་ཨུ་ལྷན་གྱི་ལོ་འཁོར་གྱི་སྙན་ཞུའི་ནང་ཀྲུང་གོ་དང་འབྲེལ་བ་ཡོད་པའི་ནང་དོན་ཐད་གསར་འགོད་པའི་དྲི་བར་ལན་བསྐྱོན་པ་རེད།

    གསར་འགོད་པ་ཞིག་གིས་ཉེ་ཆར་ཨ་རིའི་རྒྱལ་སྤྱིའི་ཆོས་ལུགས་རང་དབང་ཨུ་ལྷན་གྱིས་2011ལོ་འཁོར་གྱི “རྒྱལ་སྤྱིའི་ཆོས་ལུགས་རང་དབང་གི་སྙན་ཞུ ”འགྲེམས་སྤེལ་བྱས་པའི་ནང་ཀྲུང་གོ་དང་འབྲེལ་བ་ཡོད་པའི་ནང་དོན་ནང་སླར་ཡང་ཀྲུང་གོར་ཚིག་མཚོན་བཏབ་ཡོད་པས་ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ་ཞེས་དྲིས་པརེད།

    ཅང་ཡུས་ཀྱིས་ཀྲུང་གོ་སྲིད་གཞུང་གིས་ཁྲིམས་ལྟར་སྤྱི་དམངས་ཀྱི་ཆོས་དད་རང་མོས་འགན་ལེན་བྱེད་ཀྱི་ཡོད། ཀྲུང་གོ་མི་དམངས་ལ་ཁྲིམས་ལྟར་ཆོས་དད་རང་མོས་གང་ལེགས་བྱེད་རྒྱུ་ཡོད། ང་ཚོས་ཨ་རིའི “རྒྱལ་སྤྱིའི་ཆོས་ལུགས་རང་དབང་ཨུ་ལྷན ”ཟེར་བ་དེར་ཕྱོགས་ཞེན་གྱི་ལྟ་བ་དོར་ནས་དོན་དངོས་ལ་བརྩི་འཇོག་གིས་སྙན་ཞུ་སྤེལ་བ་སོགས་ཀྱི་བྱེད་ཐབས་སྤྱད་དེ་ཀྲུང་གོའི་ནང་སྲིད་ལ་ཐེ་ཇུས་བྱེད་མཚམས་འཇོག་རྒྱུའི་ཁ་ཏ་བྱ་རྒྱུ་ཡིན་ཞེས་གསུངས་པ་རེད།