མི་དམངས་ཉིན་རེའི་ཚགས་པར་ཁང་དུ་པུ་ལུའུ་སེའར་ནས་ཟླ་5ཚེས་4ཉིན་གློག་འཕྲིན་འབྱོར་གསལ། ཚེས་3ཉིན་ཡོ་རོབ་མནའ་འབྲེལ་ཨུ་ཡོན་ལྷན་ཁང་གི་ནུས་རྒྱུ་ལས་དོན་ལ་འགན་འཁུར་མཁན་ཀྲོན་ཡོན་ཅིང་ཐེ་ཨའོ་ཐིང་ཀེས་ཡོ་རོབ་མནའ་འབྲེལ་གྱིས་ཟླ་བ་དྲུག་པ་ནས་བཟུང་མངའ་ཁོངས་ནང་གི་ཉིང་རྡུལ་གློག་ཁང་ཡོད་དོ་ཅོག་ལ་གནོན་ཤུགས་ཀྱི་ཚད་ལེན་ཚོད་ལྟ་བྱེད་འགོ་འཛུགས་རྒྱུ་རེད་ཅེས་བཤད་པ་རེད།

    ཨའོ་ཐིང་ཀེས་བདེ་འཇགས་ནི་ཡོ་རོབ་མནའ་འབྲེལ་ཁོངས་མིའི་རྒྱལ་ཁབ་27གྱི་ཐུན་མོང་གི་ཁེ་ཕན་ཡིན་པར་བརྟེན་ཡོ་རོབ་མནའ་འབྲེལ་གྱིས་ཁོངས་མིའི་རྒྱལ་ཁབ་ཀྱི་ཉིང་རྡུལ་ནུས་སྤྱོད་འགན་འཁུར་མཁན་སྒྲིག་གཞི་དང་མཉམ་ལས་བྱས་ཏེ་བདེ་འཇགས་གཙོ་བོར་བཟུང་བའི་གནོན་ཤུགས་ཚད་ལེན་ཚོད་ལྟ་ནན་པོ་བྱ་རྒྱུ་འགན་ལེན་བྱ་རྒྱུ་དང་ཚད་ལེན་ཚོད་ལྟའི་མཇུག་འབྲས་ཟླ་བ་བཅུ་གཉིས་པར་འཚོག་རྒྱུའི་ཡོ་རོབ་མནའ་འབྲེལ་གཙོ་བདག་གི་ཚོགས་འདུར་འབུལ་རྒྱུ་ཡིན་པ་རེད་ཅེས་བཤད་པ་རེད།

    ཤེས་རྟོགས་བྱུང་བར་གཞིགས་ན། གཟའ་འཁོར་རྗེས་མར་པུ་ལུའེ་སེའར་འཚོག་རྒྱུའི་ཡོ་རོབ་མནའ་འབྲེལ་གྱི་ནུས་རྒྱུ་པུའུ་ཀྲང་གི་ལས་འཛིན་ཚོགས་འདུའི་ཐོག་ཚད་ལེན་ཚོད་ལྟའི་ཚད་གཞིར་གྲོས་བསྡུར་ཞིབ་ཕྲ་བྱ་རྒྱུ་ཡིན་པ་རེད།