ཤིན་ཧྭ་གསར་འགྱུར་ཁང་པུ་རུ་སེར་ནས་ཟླ་5ཚེས་1ཉིན་གློག་འཕྲིན་འབྱོར་གསལ། ཡོ་རོབ་མནའ་འབྲེལ་གྱི 《སྲོལ་རྒྱུན་རྩི་ཤིང་སྨན་གྱི་བཀའ་རྒྱ 》དེ་ཟླ་5ཚེས་1ཉིན་ནས་བཟུང་ཁྱོན་ཡོངས་ནས་ལག་བསྟར་བྱས་པ་དེ་ཐོག་ནས་ཆ་རྐྱེན་མཐོ་པོ་བཏོན་པའི་གནས་ཚུལ་འོག་ཐོ་འགོད་བྱས་མེད་པའི་ཀྲུང་ལུགས་སྨན་ཡོ་རོབ་མནའ་འབྲེལ་གྱི་ཁྲོམ་རར་སྨན་རྫས་སུ་བྱས་ཏེ་འཚོང་བ་དང་བེད་སྤྱོད་བྱེད་མི་ཆོག་པ་མཚོན་པར་བརྟེན་ཡོ་རོབ་མནའ་འབྲེལ་གྱི་གཏན་འབེབས་གསར་པ་ལག་བསྟར་བྱས་པ་དེས་ཀྲུང་ལུགས་སྨན་ཡོ་རོབ་ཁྲོམ་རར་འཚོང་རྒྱུར་ཚོད་འཛིན་ནན་པོ་ཕོག་རྒྱུ་ནི་གདོན་མི་ཟ་བ་ཞིག་རེད།

    ལས་རིགས་མི་སྣ་གཅིག་གིས་ཐོ་འགོད་ཆ་རྐྱེན་མཐོ་དྲགས་པ་དེ་ཀྲུང་ལུགས་སྨན་ཐོ་འགོད་བྱེད་དཀའ་བའི་རྒྱུ་རྐྱེན་གཙོ་བོར་གྱུར་ཡོད། ཡོ་རོབ་མནའ་འབྲེལ་གྱིས་སྤྱི་དམངས་ཀྱི་བདེ་ཐང་ལ་སྲུང་སྐྱོང་བྱ་རྒྱུར་ཁ་གཡར་ནས 《སྲོལ་རྒྱུན་རྩི་ཤིང་སྨན་གྱི་བཀའ་རྒྱ 》ལག་བསྟར་བྱས་པ་དེ་ཁུངས་ལུང་མེད་པ་ཞིག་ཡིན་པ་དང་ཚོང་དོན་སྲུང་སྐྱོང་རིང་ལུགས་ཀྱི་བྱ་སྤྱོད་ཅིག་ཡིན། ཕྱི་ལུགས་སྨན་གྱི་འཛིན་སྟངས་ཐོག་ནས་རྦད་དེ་གཅིག་པ་མིན་པའི་ཀྲུང་ལུགས་སྨན་ལ་ལྟ་སྟངས་འཛིན་པ་དེའང་ལུགས་དང་མི་མཐུན་པ་ཞིག་རེད་ཅེས་བཤད་པ་རེད།