ཤིན་ཧྭ་གསར་འགྱུར་ཁང་ཝ་ཧྲིང་ཐོན་ནས་གློག་འཕྲིན་འབྱོར་པ་གཞིར་བཟུང་། ཨ་རིའི་གཞུང་ཕྱོགས་ཀྱིས་སྡོམ་རྩིས་གསར་ཤོས་བྱས་པར་གཞིགས་ན། ཨ་རིའི་ལྷོ་རྒྱུད་ཀྱི་ས་ཆ་མང་ཆེ་བར་རླུང་དམར་ལྡང་ནས་ཉུང་ཐར་ཡང་མི་342རྐྱེན་ལམ་དུ་ཤོར་ཡོད་པ་རེད།

    གནས་ཚུལ་སྤེལ་བར་གཞིགས་ན། ཡ་ལ་པ་མ་ཀྲོའུ་རུ་མི་1700ལྷག་ཙམ་ལ་རྨས་རྐྱོན་ཕོག་པ་དང་མི་འགའ་ཤས་གར་སོང་ཆ་མེད་དུ་གྱུར་ཡོད། ཀྲོའུ་དེའི་ཐ་སི་ཁ་ལུའུ་སི་གྲོང་ཁྱེར་ལ་གནོད་འཚེ་ཚབས་ཆེན་ཕོག་ཡོད་པས་མིག་སྔར་ཉུང་མཐར་ཡང་མི་45རྐྱེན་ལམ་དུ་ཤོར་ཡོད། ཨ་རིའི་ཙུང་ཐུང་ཨའོ་པ་མས་ཚེས་29ཉིན་ཐ་སི་ཁ་ལུའུ་སི་གྲོང་ཁྱེར་ལ་བསྐྱོད་དེ་ཀྲོའུ་ཀྲང་ལུའོ་པོ་ཐེ ·པེན་ཐེ་ལི་དང་དེ་བཞིན་ཀྲོའུ་གཞན་དང་ས་གནས་སྲིད་གཞུང་གི་དཔོན་རིགས་ལ་མཇལ་འཕྲད་གནང་ནས་གེགས་ཁུལ་གྱི་གནས་ཚུལ་ཤེས་རྟོགས་གནང་བ་མ་ཟད། གནོད་འཚེ་ཕོག་པའི་མང་ཚོགས་ལ་ཡང་གཟིགས་ཡོད། ཁོང་གིས་བྱེད་ཐབས་སྣ་ཚོགས་སྤྱད་དེ་གེགས་ཁུལ་ལ་སླར་གསོ་དང་བསྐྱར་སྐྲུན་བྱེད་རོགས་བྱ་རྒྱུ་ཡིན་ཞེས་གསུངས་པ་རེད།