1986ལོའི་ཟླ་4ཚེས་26ཉིན་གྱི་ཚོད་ལྟ་ཞིག་གི་ནང་དེ་སྔའི་སུའུ་ལེན་གྱི་ཆེའར་ནོའུ་པེ་ལིའི་ཉིང་རྡུལ་གློག་ཁང་གི་རྡུལ་ཕྲན་ནུས་འདོན་སྒྲིག་ཆས་བཞི་པ་འབར་གས་བྱུང་ནས་དེ་མ་ཉིད་དུ་མི་30ཤི་བ་དང་ཏུན་8ལྷག་ཙམ་གྱི་འགྱེད་འཕྲོའི་དངོས་པོ་ཕྱིར་ཤོར་ཡོད། ཐེངས་དེའི་ཉིང་རྡུལ་ཕྱིར་ཤོར་བའི་དོན་རྐྱེན་དེས་གློག་ཁང་མཐའ་འཁོར་གྱི་སྤྱི་ལེ་ངོས་སྙོམས་གྲུ་བཞི་མ་ཁྲི་དྲུག་ལྷག་ཙམ་གྱི་ས་ཆར་སྦགས་བཙོག་བཟོས་པ་དང་མི་ཁྲི་320ལྷག་ཙམ་ལ་ཉིང་རྡུལ་གྱི་འགྱེད་འཕྲོའི་གནོད་འཚེ་ཕོག་སྟེ་མིའི་རིགས་ཀྱིས་ཞི་བའི་ངང་ཉིང་རྡུལ་ནུས་པ་སྤྱོད་པའི་ལོ་རྒྱུས་ཐོག་སྔར་བྱུང་མྱོང་མེད་པའི་གོད་ཆག་ཆེན་པོ་ཞིག་ཏུ་གྱུར་ཡོད། དོན་རྐྱེན་ཐོན་རྗེས་དེ་སྔའི་སུའུ་ལེན་སྲིད་གཞུང་དང་མི་དམངས་རྣམས་ཀྱིས་རྗེས་འཇུག་གི་བྱེད་ཐབས་རབ་དང་རིམ་པ་སྤྱད་པའི་ཐོག་སྦགས་བཙོག་གི་དངོས་པོ་གཙང་སེལ་དང་མེད་པ་བཟོས་པ་མ་ཟད། འབར་བའི་རྡུལ་ཕྲན་ནུས་འདོན་སྒྲིག་ཆས་བཞི་པ་ཨར་འདམ་ལྕགས་རྩིབས་ཀྱིས་བཏུམས་པ་དང་ཉིང་རྡུལ་གློག་ཁང་གི་བར་ཐག་སྤྱི་ལེ་30སའི་ཁུལ་དེ་ལོགས་ཁུལ་དུ་བྱས་པས་མི་མང་པོ་ཞིག་གིས་ཁུལ་དེར “འཆི་གནས ”ཞེས་བརྗོད་ཀྱི་ཡོད། 2011ལོའི་ཟླ་བ་བཞི་པར་ཆེའར་ནོའུ་པེ་ལིའི་ཉིང་རྡུལ་གྱི་དོན་རྐྱེན་ཐོན་ནས་ལོ་25ཏག་ཏག་འཁོར་བའི་ལོ་ཡིན་པ་དང་མི་རྣམས་ཀྱི་སེམས་ནང་གི་རྨ་ཁ་རིམ་གྱིས་གསོས་པའི་དུས་དེར་ཕུའུ་ཏའོ་ཉིང་རྡུལ་གྱི་ཉེན་ཁས་སླར་ཡང་འཇིག་རྟེན་སྐྱེ་བོ་ཀུན་ལ་ཉིང་རྡུལ་གྱི་བདེ་འཇགས་ནི་མིའི་རིགས་ཀྱིས་ཞི་བའི་ངང་ཉིང་རྡུལ་ནུས་པ་སྤྱོད་པའི་བརྒྱུད་རིམ་ཁྲོད་ཀྱི་ལྷུ་ཚིགས་གལ་ཆེན་ཞིག་ཡིན་པ་བསྟན་ཡོད། དེའི་དུས་སུ་ང་ཚོས་ཆེའར་ནུའོ་པེ་ལིའི་ཉིང་རྡུལ་གྱི་དོན་རྐྱེན་ནང་གནོད་འཚེ་ཕོག་པའི་མི་རྣམས་ཀྱི་ཡ་ང་བའི་སྐྱོ་སྣང་གིས་དུས་རྟག་ཏུ་ང་ཚོར་ཉིང་རྡུལ་གྱི་བདེ་འཇགས་དེ་རྒྱལ་ཁབ་གཅིག་གི་གནད་དོན་ཁོ་ན་མིན་པར་དེ་ནི་འཛམ་གླིང་ཡོངས་ལ་འཕྲད་པའི་གནད་དོན་ཡིན་པའི་དྲན་སྐུལ་བྱས་ཡོད།

    འདི་ནི་2006ལོའི་ཟླ་4ཚེས་18ཉིན་པེ་ཨུ་རུ་སུའི་རྒྱལ་ས་མིང་སི་ཁེའི་བྱིས་པའི་སྐྲན་དང་ཁྲག་རྒྱུན་ནད་ལྟེ་གནས་ནང་གི་ནད་ཕོག་པའི་བྱིས་པ་ཡིན་ཞིང་། བྱིས་པའི་སྐྲན་དང་ཁྲག་རྒྱུན་ལྟེ་གནས་དེ་ནི་ཆེའར་ནུའོ་པེ་ལིའི་ཉིང་རྡུལ་གྱི་དོན་རྐྱེན་ནང་གནོད་འཚེ་ཕོག་པའི་བྱིས་པ་སྐྱོབ་ཆེད་བསྐྲུན་པ་ཞིག་ཡིན་པ།

    2006ལོའི་ཟླ་4ཚེས་26ཉིན་ཝུའུ་ཁེ་ལན་གྱི་རྒྱལ་ས་ཅི་ཕུའི་ཆེའར་ནོའུ་པེ་ལིའི་ཉིང་རྡུལ་གློག་ཁང་གི་དོན་རྐྱེན་ནང་རྐྱེན་ལམ་དུ་ཤོར་བའི་མིའི་དྲན་གསོའི་རྡོ་རིང་གི་མདུན་དུ་ནང་མི་ཚོས་རྐྱེན་ལམ་དུ་ཤོར་བའི་འདས་པོའི་འདྲ་པར་འཁྱེར་ནས་དུར་མཆོད་ཀྱི་བྱེད་སྒོའི་ནང་ཞུགས་པ།