མི་དམངས་ཉིན་རེའི་ཚགས་པར་ཁང་དུ་པང་ཁོག་ནས་ཟླ་4ཚེས་21ཉིན་གློག་འཕྲིན་འབྱོར་གསལ། ཏུང་ཅིང་ནས་གནས་ཚུལ་འབྱོར་གསལ། ཏུང་ཅིང་གློག་ཤུགས་ཀུང་སིས་ཚེས་21ཉིན་བསྟན་དོན། ཟླ་འདིའི་ཟླ་འགོར་ཕུའུ་ཏའོ་ཡི་ཉིང་རྡུལ་གློག་ཁང་དང་པོའི་འཕྲུལ་ཙུའུ་2པ་ནས་རྒྱ་མཚོའི་ནང་ཤོར་བའི་འགྱེད་འཕྲོའི་རང་བཞིན་མཐོ་བའི་བཙོག་ཆུ་སྔོན་དཔག་བྱས་ན་ཏུན་520ཟིན་ཡོད་ཅིང་། ཉིང་རྡུལ་གློག་ཁང་དེ་གའི་བདེ་འཇགས་གཏན་འབེབས་ལ་གཞིགས་ན། ལོ་ལྟར་འབུད་ཆོག་པའི་ཚད་གཞིའི་ལྡབ་ཁྲི་2ལྷག་ཙམ་དང་ཧ་ལམ་མཚུངས་ཀྱི་ཡོད་ཅེས་བཤད་པ་རེད།

    ཏུང་ཅིང་གློག་ཤུགས་ཀུང་སིས་བསྟན་དོན། ཏུང་ཅིང་གློག་ཤུགས་ཀུང་སིས་ཕྱིར་ཤོར་བ་ཤེས་པའི་ཟླ་འདིའི་ཚེས་2གོང་གི་ཉིན་དེ་ནས་ཕྱིར་ཤོར་རྒྱུ་འགོག་ཐུབ་པ་བྱུང་བའི་ཚེས་6བར་ཆུ་ཚོད་རེར་བཙོག་ཆུ་ཏུན་4.3ཕྱིར་ཤོར་བའི་ཚོད་དཔག་བྱས་ཡོད། ཏུང་ཅིང་གློག་ཤུགས་ཀུང་སིས་ཚེས་6ཉིན་གྱི་རྗེས་ས་འོག་གི་རྡོ་ཧྲུག་རིམ་པའི་ནང་མུ་མཐུད “གཤེར་གཟུགས་ཤེལ་སྒོ ”བླུགས་ནས་ཚེས་21ཉིན་ཕྱིར་ཤོར་རྒྱུ་འགོག་པའི་ཕན་འབྲས་སྲ་བརྟན་དུ་བཏང་བ་རེད། ཏུང་ཅིང་གློག་ཤུགས་ཀུང་སིས་འགྱེད་འཕྲོའི་རང་བཞིན་གྱི་བཙོག་ཆུ་རྒྱ་མཚོའི་ནང་ཤོར་བ་དེས “མིའི་ལུས་ལ་འཕྲལ་དུ་གནོད་སྐྱོན་བཟོ་མི་སྲིད ”ཅེས་བཏོན་པ་དང་ད་དུང་ཉ་རིགས་དང་འགྲོན་བུའི་རིགས་སོགས་ལ་དཔེ་འཐེན་དབྱེ་ཞིབ་བྱེད་པའི་ལས་དོན་ལ་སྐུལ་འདེད་གཏོང་གི་ཡིན་ཞེས་བཤད་པ་རེད།

    རི་པིན་སྲིད་གཞུང་གི་དཔོན་རིགས་ཀྲི་ཡེ་ཤིང་ནན་གྱིས་ཚེས་21ཉིན་རི་པིན་སྲིད་གཞུང་གིས་ཚེས་22ཉིན་ཕུའུ་ཏའོ་ཡི་ཉིང་རྡུལ་གློག་ཁང་དང་པོའི་ཚངས་ཕྱེད་ཀྱི་སྤྱི་ལེ་20ཡི་ཁྱབ་ཁོངས་ནང་གི་ས་ཁོངས་དེ “ཉེན་ཟོན་ས་ཁོངས་”སུ་གཏན་འཁེལ་བྱ་རྒྱུ་ཡིན་ཞེས་ཁྱབ་བསྒྲགས་བྱས་པ་རེད།

    རི་པིན་ཉེན་རྟོག་ཐིང་གིས་ས་གནས་དེ་གའི་དུས་ཚོད་ཚེས་21ཉིན་གྱི་ཆུ་ཚོད་18བར་ཟླ་3ཚེས་11ཉིན་ཐོན་པའི་རི་པིན་གྱི་ས་ཡོམ་ཆེན་པོ་དང་དེ་བཞིན་ས་ཡོམ་ལས་ཐོན་པའི་མཚོ་ཡོམ་ནང་མི་14133ཤི་བ་དང་མི་13346གར་སོང་ཆ་མེད་དུ་གྱུར་པ་གཏན་འཁེལ་བྱས་ཡོད་ཅེས་བཤད་པ་རེད།