“དུས་རབས་ཉེར་གཅིག་པར་སླེབས་པ་དང་ལྷག་དོན་དུ་རྒྱལ་སྤྱིའི་དངུལ་རྩའི་ཉམས་ཉེན་ཐོན་པ་ནས་བཟུང་གསར་དར་ཁྲོམ་རའི་རྒྱལ་ཁབ་ཀྱི་གནས་བབ་ཉིན་བཞིན་མངོན་གསལ་དོད་དུ་ཕྱིན་ཏེ་སའི་གོ་ལ་ཧྲིལ་པོར་བཅོས་སྒྲིག་བྱེད་རིང་ཁུར་བའི་འགན་འཁྲི་ཉིན་བཞིན་གལ་ཆེར་འགྲོ་གི་ཡོད ”རྒྱ་གར་གྱི་ཀྲུང་གོའི་གནད་དོན་ཞིབ་འཇུག་སུའོ་ཡི་མཚན་འཛིན་ཀྲུའུ་རེན་དགེ་རྒན་ཆེ་མོ་བ་ཁྲ་ཁེ་ལ་པ་ཏིས་འདི་ག་ཚགས་པར་གྱི་གསར་འགོད་པའི་ཆེད་དོན་བཅར་འདྲི་དང་ལེན་བྱེད་སྐབས “སའི་གོ་ལ་ཧྲིལ་པོ་བཅོས་སྒྲིག་བྱ་རྒྱུ་དེ་ཞི་བ་དང་འཕེལ་རྒྱས་ཀྱི་བརྗོད་བྱ་གཙོ་བོ་ཆེན་པོ་གཉིས་ལ་དམིགས་ནས་བྱེད་དགོས་ཤིང་། གསར་དར་རྒྱལ་ཁབ་ཆེན་པོའི་ཚབ་བྱེད་ཀྲུང་གོ་བས་ཞི་བའི་འཕེལ་རྒྱས་ཀྱི་འགྲོ་ལམ་ཐོག་སྐྱོད་རྒྱུ་རྒྱུན་འཁྱོངས་བྱེད་པ་དང ‘མཐུན་སྦྱོར་འཛམ་གླིང ’གི་རིགས་པའི་གཞུང་ལུགས་སྲོལ་གཏོད་བྱས་ཡོད ”ཅེས་བཤད་པ་རེད།
ཁྲ་ཁེ་ལ་པ་ཏི་ནི་རྒྱ་གར་གྱི་རིགས་གཞུང་ལས་རིགས་ཀྱི་ན་གཞོན་མི་རབས་ཀྱི་ཀྲུང་གོའི་གནད་དོན་རིགས་གཅིག་མཁས་ཅན་ཡིན་པ་དང་དེ་སྔོན་ཨ་རིའི་ཧ་ཕུའུ་སློབ་ཆེན་དང་ཀོ་ལུན་པི་ཡ་སློབ་ཆེན་དུ་སློབ་སྦྱོང་བྱས་མྱོང་ཡོད་པ་མ་ཟད། ཨེ་ཤ་ཡ་ཤར་ལྷོའི་ཞིབ་འཇུག་དང་ཀྲུང་གོའི་གནད་དོན་ཞིབ་འཇུག་ཆེད་ལས་ཀྱི་འབུམ་རམས་པའི་སློབ་གནས་ཀྱང་ཐོབ་ཡོད། རྒྱ་གར་གྱི་ཀྲུང་གོའི་གནད་དོན་ཞིབ་འཇུག་སུའོ་ཡི་འགན་ཁུར་བ་ཡིན་པའི་ཁོང་གིས་ལོ་ལྟར་རིགས་གཞུང་ཞིབ་བསྡུར་ཚོགས་འདུ་བཅུ་ཕྲག་ཁ་ཤས་སྒྲིག་འཛུགས་བྱེད་པ་དང་དེ་དག་ནང་གཙོ་བོ་ཀྲུང་གོའི་ཞི་བའི་འཕེལ་རྒྱས་དང་གསར་དར་རྒྱལ་ཁབ་ཆེན་པོའི་འགན་འཁྲི་སོགས་ཚུད་ཡོད། ཁྲ་ཁེ་ལ་པ་ཏིས་ཀྲུང་གོ་ནི་ཚང་མས་ཁས་བླངས་པའི་གསར་དར་རྒྱལ་ཁབ་ཁྲོད་ཀྱི་འགན་འཁུར་མཁན་གྱི་ཁོངས་མི་ཞིག་ཡིན། “ཀྲུང་གོའི་ཞི་བའི་འཕེལ་རྒྱས་དེ་འཛམ་གླིང་ལ་ཕན་པ་ཡོད། ཀྲུང་གོས་རྒྱལ་ཁབ་གཞན་དག་ལ་རོགས་རམ་བྱས་ཏེ་དཔལ་འབྱོར་གྱི་དཀའ་གནད་ལས་སྒྲོལ་ལ་ས་ཁུལ་དང་སའི་གོ་ལ་ཧྲིལ་པོའི་འཕེལ་རྒྱས་དང་བརྟན་ལྷིང་ལའང་སྐུལ་མ་བཏང་བ་དང་སྲུང་སྐྱོང་བྱས་ཡོད ”ཅེས་བཤད་པ་རེད།
“ཀྲུང་གོའི་ཞི་བའི་འཕེལ་རྒྱས་ལ་ཐོབ་པའི་གྲུབ་འབྲས་དེར་རྒྱལ་སྤྱིའི་སྤྱི་ཚོགས་ཀྱིས་ཚད་མཐོའི་གདེང་འཇོག་བྱས་ཀྱང་སྐབས་འགར་རྩ་བ་ནས་མི་འདྲ་བའི་ཆོད་གཏམ་གཉིས་ཐོན་སྲིད། ཉིན་བཞིན་རྒྱ་ཆེར་འགྲོ་བའི ‘ཀྲུང་གོའི་གོ་སྐབས་སྨྲ་བ ’དང་ཤུགས་རྐྱེན་ཐེབས་པ་ལས་སེམས་ཁྲལ་བྱེད་པའི ‘ཀྲུང་གོའི་འཇིགས་སྣང་སྨྲ་བ ’”ཞེས་པ་དེ་རེད། ཁྲ་ཁེ་ལ་པ་ཏིས་ལོ་མང་རིང་ནུབ་ཕྱོགས་འཛམ་གླིང་དང་ལྷག་དོན་དུ་ནུབ་ཕྱོགས་སྨྱན་སྦྱོར་ཚན་པས “ཀྲུང་གོའི་འཇིགས་སྣང་སྨྲ་བ ”ཟེར་བ་དེ་བརྗོད་རྒྱུར་སྔ་ཕྱི་བར་གསུམ་དུ་དགའ་པོ་བྱེད་ཀྱང་ཞིབ་ཕྲའི་དཔང་རྟགས་གང་ཞིག་བཙལ་ནས་ར་སྤྲོད་བྱེད་ཧ་ཅང་དཀའ་བ་ཞིག་ཏུ་གྱུར་ཡོད། ཀྲུང་གོའི་དཔལ་འབྱོར་རྒྱུན་མཐུད་དང་མྱུར་པོའི་ངང་འཕེལ་རྒྱས་འགྲོ་བ་དང་ཆབས་ཅིག་ཀྲུང་གོ་དང་འཛམ་གླིང་གི་འབྲེལ་བ་ཉིན་བཞིན་དམ་ཟབ་ཏུ་འགྲོ་བ་དང་ཀྲུང་གོས་སྔ་ཕྱི་བར་གསུམ་དུ་ཨ་ཧྥེ་རི་ཁ་དང་ཡ་གླིང་ལྷོ་མ་དང་དེ་བཞིན་ལ་ཏིང་མེ་གླིང་སོགས་ས་ཁུལ་ལ་མ་དངུལ་དང་འཕེལ་རྒྱས་ཐད་རོགས་སྐྱོར་ཧུར་ཐག་བྱེད་ཀྱི་ཡོད་པའི་ངོས་འཛིན་བྱེད་པ་དང་ཁོང་གིས “ད་བར་གོང་གསལ་ས་ཁུལ་དེ་དག་ཏུ་ཀྲུང་གོའི ‘བཙན་དབང་གི་བྱ་སྤྱོད ’ཟེར་བ་ལྷག་པའི་ར་སྤྲོད་བྱེད་པའི་དཔང་རྟགས་སྔར་བཞིན་མེད་ལ་ཀྲུང་གོས་ཀྱང་རྒྱལ་ཁབ་གང་ཞིག་གི་ནང་སྲིད་དང་ཕྱི་འབྲེལ་སྲི་སྔར་བཞིན་ད་ཇུས་ལ་ཐེ་གཏོགས་བྱེད་མྱོང་གཏན་ནས་མེད ”ཅེས་ནན་བཤད་བྱས་པ་རེད།
ཁྲ་ཁེ་ལ་པ་ཏིས་ལྷག་དོན་དུ་ཀྲུང་གོའི་སྒྱུར་བཅོས་སྒོ་དབྱེའི་ལོ་30ལྷག་ཙམ་རིང་གི་གྲུབ་འབྲས་བཤད་ཅིང་། ཁོང་གིས་དུས་ཐུང་ལོ་30ལྷག་ཙམ་རིང་ཀྲུང་གོར་མི་འབོར་དུང་ཕྱུར་གཉིས་ལྷག་ཙམ་གྲུབ་འབྲས་ཐོབ་པའི་ངང་དབུལ་པོའི་གནས་ལས་ཐར་ཐུབ་པ་བྱུང་བ་དེ་ནི་འཛམ་གླིང་ལ་ལེགས་སྐྱེས་ཧ་ཅང་ཆེན་པོ་ཕུལ་བ་ཞིག་རེད། གཞན་ཡང་ཀྲུང་གོ་སྲིད་གཞུང་གི་སློབ་གསོའི་གཏོང་ཆ་ཧ་ཅང་མང་བ་དང་རྨང་གཞིའི་སློབ་གསོ་དང་མཐོ་རིམ་སློབ་གསོའི་ཁྱབ་ཁོངས་སུ་གཟེངས་སུ་ཐོན་པའི་གྲུབ་འབྲས་ཐོབ་ཡོད་པ་དེ་ཐོག་ནས་མཉམ་འབྲེལ་རྒྱལ་ཚོགས་ཀྱིས་བཏོན་པའི་ལོ་སྟོང་གི་འཕེལ་རྒྱས་དམིགས་ཚད་དེ་ཀྲུང་གོར་རྩ་བའི་ཆ་ནས་འགྲུབ་ཐུབ་པ་མཐོང་ཐུབ་ཅེས་བཤད་པ་རེད།
ད་དུང་ཁྲ་ཁེ་ལ་པ་ཏིས་འགྱུར་ལྡོག་ཆེ་བའི་རྒྱལ་སྤྱིའི་དུས་བབ་དེས་ཀྲུང་གོའི་དཔལ་འབྱོར་འཕར་རྒྱུར་ཤུགས་རྐྱེན་ངེས་ཅན་ཞིག་ཐེབས་སྲིད་ཀྱང་ད་ལྟའི་གནས་ཚུལ་ལ་བལྟས་ན་ཀྲུང་གོའི་དཔལ་འབྱོར་མདུན་ཕྱོགས་སུ་སྐྱོད་པའི་འཁོར་ལོ་དེ་འགོག་ཐབས་བྲལ་ཞེས་བསྟན་པ་དང་ཁྲ་ཁེ་པ་ལ་ཏིས་ཀྲུང་གོས་ཞི་བདེ་དང་། འཕེལ་རྒྱས། མཉམ་ལས་བཅས་ཀྱི་དར་ཆ་མཐོན་པོར་བསྒྲེངས་སྟབས་རྒྱལ་སྤྱིའི་སྤྱི་ཚོགས་ཀྱི་ཡིད་ཆེས་རྒྱུན་ཆད་མེད་པར་ཆེ་རུ་འགྲོ་སྲིད་ཀྱང “ཀྲུང་གོའི་འཇིགས་སྣང་སྨྲ་བ ”ཟེར་བ་དེ་མེད་པར་བཟོ་རྒྱུ་ནི་སྔར་བཞིན་དུས་ཡུན་རིང་ལ་དཀའ་ཚེགས་ཆེ་བའི་ལས་འགན་ཞིག་ཡིན་སྟབས་སླད་ཕྱིན་ཀྲུང་གོས་ཨ་ཧྥེ་རི་ཁ་གླིང་སོགས་ས་ཁུལ་གྱི་འཕེལ་རྒྱས་ལ་རོགས་རམ་བྱ་ཤུགས་ཆེ་རུ་གཏོང་བ་དང་འཕེལ་རྒྱས་འགྲོ་བཞིན་པའི་རྒྱལ་ཁབ་ལ་ཐད་ཀར་མ་དངུལ་འཇོག་ཚད་སྔར་ལས་མང་དུ་གཏོང་བ་དང་ཆབས་ཅིག་ཉོ་ཚོང་དོ་མཉམ་མེད་པ་དེ་ཧུར་ཐག་བསལ་ནས་རྒྱ་གར་དང་ཨུ་རུ་སུ་སོགས་གསར་དར་རྒྱལ་ཁབ་ཆེན་པོ་དང་མཉམ་ལས་དམ་ཟབ་བྱ་རྒྱུར་ཤུགས་སྣོན་བརྒྱབ་སྟེ་འཛམ་གླིང་གི་ཞི་བདེ་དང་མིའི་རིགས་ཀྱི་ཤེས་དཔལ་གྱི་སྣ་མང་རང་བཞིན་ལ་ཐུན་མོང་ཐོག་སྲུང་སྐྱོང་བྱེད་པ་དང་རྒྱལ་སྤྱིའི་སྤྱི་ཚོགས་ཕྱོགས་ཡོངས་ནས་ཡར་རྒྱས་འགྲོ་རྒྱུར་སྐུལ་འདེད་གཏོང་དགོས་ཞེས་སྦ་གསང་མེད་པར་བཤད་ཡོད།