མི་དམངས་ཉིན་རེའི་ཚགས་པར་ཁང་དུ་ཕོང་དབྱང་ནས་ཟླ་4ཚེས་14ཉིན་གློག་འཕྲིན་འབྱོར་གསལ། ཁྲའོ་ཞན་ཀྲུང་དབྱང་གསར་འགྱུར་ཁང་ནས་ཚེས་14ཉིན་གནས་ཚུལ་སྤེལ་བར་གཞིགས་ན། ཨ་རིའི་སྤྱི་དམངས་ཆོན་ཡུང་ཀྲུའུ་ན་ནིང་ཟླ་11པར་ཁྲའོ་ཞན་དུ་བསྐྱོད་དེ་ཁྲའོ་ཞན་ལ་ངོ་རྒོལ་བྱེད་པའི་ཉེས་གསོག་བྱེད་སྤྱོད་སྤེལ་བའི་དབང་གིས་ཁྲའོ་ཞན་ཕྱོགས་ཀྱིས་བཀག་ཉར་བྱས་པ་དང་སྦྲགས་འབྲེལ་ཡོད་སྡེ་ཚན་གྱི་བརྟག་དཔྱད་དང་ལེན་བྱས་ཡོད་པ་རེད།

    གནས་ཚུལ་སྤེལ་བའི་ནང་ཆོན་ཡུང་ཀྲུའུ་ཡིས་བརྟག་དཔྱད་དང་ལེན་བྱེད་སྐབས་རང་ཉིད་ཀྱི་ཉེས་གསོག་བྱེད་སྤྱོད་ངོས་ལེན་ཞུས་ཡོད་པ་རེད། ཁྲའོ་ཞན་ཕྱོགས་ཀྱིས་འབྲེལ་ཡོད་ཐབས་ལམ་བརྒྱུད་གནས་ཚུལ་དེ་ཨ་རི་ཕྱོགས་ལ་བརྡ་ཁྱབ་བཏང་ཡོད་པ་དང་འབྲེལ་ཨ་རིའི་ཁེ་དབང་གི་ཚབ་བྱེད་པའི་ཁྲའོ་ཞན་དུ་བཅའ་སྡོད་སུའེ་ཏེན་གཞུང་ཚབ་ཆེ་མོ་ཁང་དང་འབྲེལ་གཏུག་བྱས་ཏེ་གཞུང་ཚབ་འབྲེལ་གཏུག་སོགས་སུ་མཁོ་བའི་མི་ཆོས་རིང་ལུགས་ཀྱི་འགན་ལེན་བྱེད་རྒྱུ་ཚུད་ཡོད་ཅེས་འཁོད་ཡོད་པ་རེད།

    གནས་ཚུལ་སྤེལ་བའི་ནང་ཁྲའོ་ཞན་སྲིད་ཁྲིམས་ལས་ཁུངས་ཀྱིས་ཆོན་ཡུང་ཀྲུའུ་ལ་ཞུ་གཏུག་བྱེད་རྒྱུའི་གྲ་སྒྲིག་བྱེད་བཞིན་ཡོད་ཅེས་འཁོད་ཡོད་པ་དང་གནས་ཚུལ་སྤེལ་བའི་ནང་ཆོན་ཡུང་ཀྲུའུ་ཡིས་བསགས་པའི་ཞིབ་ཕྲའི་ཉེས་པ་དང་དེ་བཞིན་ཐོབ་ཐང་གི་ཞིབ་ཕྲའི་ཆ་འཕྲིན་གསལ་བཤད་བྱས་མེད་པ་རེད།