ཟླ་4ཚེས་8ཉིན་ཨ་རིའི་རྒྱལ་དོན་ཁང་གིས 《2010ལོའི་རྒྱལ་ཁབ་གཅིག་གི་འགྲོ་བ་མིའི་ཐོབ་ཐང་སྙན་ཞུ 》འགྲེམས་སྤེལ་བྱས་ཤིང་། སྙན་ཞུ་དེར་བལྟས་ཚེ་མི་རྣམས་ཀྱི་སྣར་འཐུལ་བ་དེ་དྲི་ངད་ཚ་བའི་རུལ་སུངས་ཀྱི་འཇམ་འཐབ་དྲི་ངན་དང་མཐོང་བ་དེ་བཙན་དབང་དང་གཡོ་རྒྱུའི་གདོང་རིས་དེ་རེད།
ཨ་རིའི་རྒྱལ་ཁབ་གཅིག་གི་འགྲོ་བ་མིའི་ཐོབ་ཐང་གི་སྙན་ཞུ་དེ་འཇམ་འཐབ་སྐབས་སུ་ཐོན་པའི་ཐོན་དངོས་ཤིག་ཡིན་པར་བརྟེན་ཐོག་མ་ཉིད་ནས་འགྲོ་བ་མིའི་ཐོབ་ཐང་གི་དར་རྟགས་འཕྱར་ནས་རྒྱལ་ཁབ་གཞན་གྱི་ནང་སྲིད་ལ་ཐེ་ཇུས་བྱེད་པའི་ཆབ་སྲིད་ཀྱི་བསམ་ངན་བཅངས་ཡོད། ཨ་རིའི་རྒྱལ་དོན་ཁང་གིས་རྒྱལ་ཚོགས་ལ་རྒྱལ་ཁབ་གཅིག་གི་འགྲོ་བ་མིའི་ཐོབ་ཐང་གི་སྙན་ཞུ་འབུལ་རྒྱུ་དེ་དུས་རབས་གོང་མའི་ལོ་རབས་བདུན་ཅུ་པའི་དུས་དཀྱིལ་དུ་ཐོན་ཞིང་། དེའི་ཐོག་མའི་དམིགས་ཡུལ་ནི་རྒྱལ་ཚོགས་ཀྱིས་རོགས་སྐྱོར་བྱ་རྒྱུའི་རྒྱལ་ཁབ་ཀྱི་འགྲོ་བ་མིའི་ཐོབ་ཐང་གི་གནས་ཚུལ་ཞིབ་དཔྱད་དང་ལེན་བྱས་ཏེ་འབྲེལ་ཡོད་རྒྱལ་ཁབ་ལ་མུ་མཐུད་རོགས་སྐྱོར་བྱེད་དགོས་མིན་གཏན་འབེབས་བྱ་རྒྱུ་དེ་ཡིན། ཕྱིས་སུ་སྙན་ཞུ་དེའི་ནང་མཉམ་འབྲེལ་རྒྱལ་ཚོགས་ཀྱི་ཁོངས་ཞུགས་རྒྱལ་ཁབ་ཡོད་དོ་ཅོག་བསྡུས་ཡོད།
དེ་ནི་ཨ་རིས་འགྲེམས་སྤེལ་བྱས་པའི་ལོ་འཁོར་གྱི་འགྲོ་བ་མིའི་ཐོབ་ཐང་གི་སྙན་ཞུ་ཨང་སོ་ལྔ་པ་དེ་རེད། ད་ཆ་འཛམ་གླིང་གིས་སྔ་ས་ནས་རྒྱལ་ཁབ་ཆེན་པོ་གང་རུང་གིས་བཤད་པ་ཁོ་ནར་མི་བརྩི་མོད། འོན་ཀྱང་ཨ་རི་སྲིད་གཞུང་གིས་སྔར་བཞིན་འཛམ་གླིང་ཐོག་གི་རྒྱལ་ཁབ་གཞན་དག་གཅུན་ཀྱང་བྱེད་པའི་བྱེད་ཐབས་སྤྱོད་པ་སྟེ། འཛམ་གླིང་ཐོག་གི་རྒྱལ་ཁབ་194ཡི་འགྲོ་བ་མིའི་ཐོབ་ཐང་ལ་སྐྱོན་འཛུགས་བྱས་ཏེ་གཞན་གྱི་ཟ་རུ་གང་དེ་འཕྱར་འཕྱར་དང་རང་ཉིད་ཀྱི་ཁོག་མ་གང་དེ་སྦས་ཀྱང་བྱེད་པའི་ཐོག་ཨ་རིའི་འགྲོ་བ་མིའི་ཐོབ་ཐང་ཁྱབ་ཁོངས་ཀྱི་ཁྲོ་ཉམས་ཆེ་བའི་བཙན་དབང་དང་བཙན་ཧམ་ཐོག་ནས “འགྲོ་བ་མིའི་ཐོབ་ཐང་གི་བསླབ་པ་རྒན་གྲས ”ཀྱི་རྫིགས་ཉམས་བཏོན་གྱི་ཡོད།
ཨ་རི་རང་ཉིད་ཀྱི་འགྲོ་བ་མིའི་ཐོབ་ཐང་གི་གནས་ཚུལ་ཇི་འདྲ་ཡོད་དམ། དོན་དངོས་ཐོག་ཨ་རི་སྲིད་གཞུང་གིས་ཀྱང་རང་ཉིད་ཀྱི་འགྲོ་བ་མིའི་ཐོབ་ཐང་གནས་ཚུལ་དེ་ཙམ་ཡག་པོ་མེད་པ་ཁས་ལེན་བྱེད་མོད། འོན་ཀྱང་དོན་དེའི་ཐད་བརྐྱང་ཙམ་བསྐུམ་ཙམ་བྱས་ཏེ་འགེབས་གང་ཐུབ་བྱེད་ཀྱི་ཡོད། བཏོན་མ་ཐག་པའི་2010ལོའི་ཨ་རིའི་རྒྱལ་ཡོངས་མི་འབོར་ཡོངས་ཁྱབ་ཞིབ་བཤེར་ནང་སྐྱེ་ཁུངས་ལ་ཏིང་མེ་གླིང་གི་མི་འབོར་ཁྲི་5050ཟིན་ཡོད། མགྱོགས་མྱུར་འཕར་འགྲོ་བའི་རིགས་རྒྱུད་ཚོགས་པའི་ནང་གི་ཕལ་ཆེ་བ་ནི “ལག་ཁྱེར་མེད་པའི་བཟོ་པ ”ཞེས་བརྗོད་པའི་ཁྲིམས་འགལ་གྱི་གནས་སྤོས་ཡུལ་མི་ཡིན་ཁར་ཁོང་ཚོའི་ཁྲོད་ཀྱི་མི་ཕལ་ཆེ་བས་ཤེད་ཤུགས་ལ་བརྟེན་ནས་འཚོ་ཐབས་བྱེད་པས་འགྲོ་བ་མིའི་ཐོབ་ཐང་ཐད་སེམས་ཁྲལ་བྱེད་དགོས་པ་ཞིག་ཡོད། ཨ་རི་སྲིད་གཞུང་གིས་དེ་སྔ་གནས་སྤོས་ཡུལ་མིའི་སྲིད་ཇུས་ཐད་སྒྱུར་བཅོས་བྱ་རྒྱུ་ནར་འགྱངས་སོང་ནས་ད་དུང་བཏོན་མེད་པར་བརྟེན་གནས་ཚུལ་དེ་ལེགས་སུ་འགྲོ་ཐབས་བྲལ་ཡོད།
རྒྱལ་སྤྱིའི་འགྲོ་བ་མིའི་ཐོབ་ཐང་ཁྲོད་ཨ་རིས་འཁྲབ་བྱའི་མི་སྣ་གང་ཞིག་བྱས་ཡོད་དམ། ཨ་རིའི་ད་ལྟའི་སྲིད་གཞུང་གིས་སྲིད་འཛིན་པ་ནས་བཟུང་འགྲོ་བ་མིའི་ཐོབ་ཐང་ཏིལ་འབྲུ་ཙམ་ཡང་མེད་པའི་ཀོན་ཐ་ན་མོ་བཙོན་ཁང་སྒོ་རྒྱག་རྒྱུའི་ཁས་བླངས་རུང་། ལོ་གཉིས་ལྷག་ཙམ་སོང་ཡང་ཀོན་ཐ་ན་མོ་བཙོན་ཁང་སྒོ་རྒྱག་རྒྱུའི་དོན་དེ་ཁ་ཐོག་ལག་བཞག་བྱུང་མེད། དེ་ལྟར་ཡིན་པའི་ཐོག་ཨ་རིའི་སྨྱན་སྦྱོར་གྱིས་ཉེ་དུས་ཨ་རིའི་ས་ཆའི་ཐོག་ཀོན་ཐ་ན་མོ་བཙོན་ཁང་དང་འདྲ་བའི་བཙོན་ཁང་ད་དུང་མང་པོ་ཡོད་ཅེས་བསྟན་ཡོད། འདི་ལོའི་འགྲོ་བ་མིའི་ཐོབ་ཐང་གི་སྙན་ཞུའི་ནང་ད་དུང་ཨ་ཧྥུ་ཧན་དང་ཕ་ཁི་སི་ཐོན་ཆེད་མངགས་མིང་འདོན་བྱས་ཏེ་སྐྱོན་བརྗོད་བྱས་ནས་2010ལོའི་དྲག་ཆས་གདོང་ཐུག་ནང་ཨ་ཧྥུ་ཧན་གྱི་མི་སེར་ཤི་བའི་གྲངས་འབོར་དེ་ལོ་གོང་མ་ལས་15%འཕར་ཡོད་ཅེས་བཤད་ཡོད། སྙན་ཞུའི་ནང་གནས་ཚུལ་ཁ་ཤས་གསལ་ལ་མི་གསལ་བྲིས་པ་དེའི་རྒྱུ་རྐྱེན་ནི་ཨ་རིས་གཙོས་པའི་བྱང་ཆིངས་དཔུང་སྡེས་ཨ་ཧྥུ་ཧན་དང་ཕ་ཁི་སི་ཐན་གྱི་ཉེས་མེད་མི་སེར་མང་པོ་བསད་པའི་དབང་གིས་ཡིན། ཉེ་དུས་ཨ་ཧྥུ་ཧན་རུ་བཅའ་སྡོད་ཨ་རིའི་རྐང་དམག་ཧྲི་གཉིས་པའི་དམག་རྒྱག་ལུའེ་ལྔ་པའི “མི་གསོད་ཚོགས་ཆུང ”གིས་ཨ་ཧྥུ་ཧན་དུ་མི་སེར་གང་བྱུང་བསད་པའི་དོན་དངོས་དམར་རྗེན་བསྟན་པ་དེ་མི་རྣམས་ཧང་སངས་དགོས་པ་ཞིག་ཡོད།
ཨ་རིས་འགྲོ་བ་མིའི་ཐོབ་ཐང་གི་ཤན་འབྱེད་བྱེད་པའི་ཕྱི་ནང་གི་ཚད་གཞི་གཅིག་པ་ཡིན་ནམ། འདི་ལོའི་འགྲོ་བ་མིའི་ཐོབ་ཐང་གི་སྙན་ཞུའི་ནང་ཨ་རིས་སླར་ཡང་མཉམ་འབྲེལ་དྲ་བའི་རང་དབང་གི་གནད་དོན་ཐད་ཐེ་ཇུས་བྱས་ཤིང་། ན་ནིང་ཟླ་6ཚེས་24ཉིན་ཨ་རིའི་རྒྱལ་ཚོགས་ཀྱིས་བཟོ་བཅོས་འཆར་ཟིན་ཞིག་ལ་གྲོས་འཆམ་བྱས་ཏེ་རྒྱལ་ཕྲན་མཉམ་འབྲེལ་སྲིད་གཞུང་གིས་ཛ་དྲག་གི་གནས་ཚུལ་འོག་དབང་ཆ་སྤྱད་དེ་མཉམ་འབྲེལ་དྲ་སྦྲེལ་སྒོ་རྒྱག་དབང་ཡོད་པའི་གཏན་འབེབས་དེ་བརྗེད་མི་སྲིད། གཞན་ཡང་གཉེར་མཁན་དྲ་ཚིགས་ཀྱིས་ངེས་པར་དུ་སྲིད་གཞུང་གི་ཆོག་མཆན་ཐོབ་པ་དང་དེ་བཞིན་མི་སྒེར་གྱི་ཐོབ་ཐང་ཆ་འཕྲིན་ལ་ཚོད་ལྟ་ར་སྤྲོད་བྱེད་དུ་བཅུག་ཡོད། ཝུའེ་ཅི་གསང་དཀྲོལ་དྲ་ཚིགས་སུ་གསང་བ་ཕྱིར་གྱར་བའི་དོན་རྐྱེན་ཐོན་རྗེས་ཨ་རིའི་རྒྱལ་ནང་གི་དེ་བས་ནན་པའི་དོ་དམ་ཚོད་འཛིན་བྱེད་ཐབས་དེ་སྔ་ས་ནས་མངོན་གསལ་གྱི་གསང་བ་ཞིག་ཏུ་གྱུར་ཡོད། འོན་ཀྱང་ཨ་རིས་ཕྱིར “མཉམ་འབྲེལ་དྲ་སྦྲེལ་རང་དབང་ཡིན་ལུགས ”ཁྱབ་བསྒྲགས་བྱས་ཏེ་སྤྱི་ཚོགས་འབྲེལ་བའི་དྲ་སྦྲེལ་སྨྱན་སྦྱོར་གསར་པར་སྐུལ་འདེད་གཏོང་རྒྱུ་དེ་ཁོ་པས་ཕྱི་འབྲེལ་ཐོག་ནས་གཉའ་གནོན་དང་། “སྲིད་དབང་བརྗེ་བ ”དང་བཙན་དབང་དོན་གཉེར་བྱེད་པའི་ལག་ཆ་གལ་ཆེན་དུ་གྱུར་ཡོད།
ཀུན་གྱིས་ཤེས་གསལ་ལྟར། དེང་གི་ཀྲུང་གོ་འདི་ཉིད་དཔལ་འབྱོར་རྒྱུན་མཐུད་འཕེལ་རྒྱས་དང་། དམངས་གཙོ་ཁྲིམས་ལུགས་འཛུགས་སྐྱོང་ཉིན་བཞིན་འཐུས་ཚང་། མི་རིགས་ཁག་གི་མི་དམངས་ཀྱིས་དེ་བས་རྒྱ་ཁབ་ཀྱི་རང་དབང་དང་དབང་ཆ་ལོངས་སུ་སྤྱོད་བཞིན་ཡོད། ཀྲུང་གོའི་འགྲོ་བ་མིའི་ཐོབ་ཐང་གི་འཕེལ་རྒྱས་ཡར་ཐོན་གྱིས་འཛམ་གླིང་གི་འགྲོ་བ་མིའི་ཐོབ་ཐང་བྱ་གཞག་ལ་ལེགས་སྐྱེས་གལ་ཆེན་ཕུལ་ཡོད། འོན་ཀྱང་ཀུན་གྱིས་ཁས་ལེན་པའི་ཀྲུང་གོའི་འགྲོ་བ་མིའི་ཐོབ་ཐང་གི་ལོ་རྒྱུས་རང་བཞིན་གྱི་ཡར་རྒྱས་ཐད་སྙན་ཞུས་དེའི་ནང་འཁྱོག་བཤད་དང་སྣང་མེད་དུ་བཏང་བའི་ཐོག་ཁེངས་དྲེགས་དང་ཧམ་པ་ཆེན་པོས་ཀྲུང་གོའི་འགྲོ་བ་མིའི་ཐོབ་ཐང་ལ་གང་བྱུང་མང་བྱུང་བཤད་ཡོད། སྙན་ཞུ་དེ་བཟོ་མཁན་གྱིས་ནུས་ཤུགས་གང་ཡོད་བཏོན་ཡོད་ཅེས་བཤད་པ་དེ་ཐོག་ནས་མིའི་རིགས་ཀྱི་འགྲོ་བ་མིའི་ཐོབ་ཐང་བྱ་གཞག་ཡར་རྒྱས་དང་འཕེལ་རྒྱས་ཕྱིན་པ་གསལ་བཤད་བྱས་ཡོད། ཐོས་ཀྱང་མ་ཐོས་ཁུལ་བྱེད་མཁན་ནི་ཤེས་བྱ་དམན་ལ་གང་ཡང་མི་ཤེས་མཁན་ཞིག་མིན་ན་མ་རུངས་ཁོག་བཅུག་བྱེད་མཁན་ཞིག་ཡིན། རྒྱལ་སྤྱིའི་སྤྱི་ཚོགས་ཀྱིས་ཕན་ཚུན་བརྩི་འཇོག་དང་། བསམ་ཤེས། མཉམ་ལས་བཅས་བྱས་ནས་མ་རུངས་ཁོག་བཅུག་བྱེད་མཁན་ཕྱོགས་རྐྱང་པའི་སྐྱོན་འཛུགས་དོར་ན་འགྲོ་བ་མིའི་ཐོབ་ཐང་གི་བྱ་གཞག་ཡོངས་ཁྱབ་ངང་ཡར་རྒྱས་འགྲོ་རྒྱུར་དེ་བས་ཕན་པ་ཡོང་སྲིད། “འགྲོ་བ་མིའི་ཐོབ་ཐང་གི་བསླབ་པ་རྒན་གྲས ”ངལ་གསོས་ན་དགའ།