ཤིན་ཧྭ་གསར་འགྱུར་ཁང་ཨན་ཁ་ར་ནས་གནས་ཚུལ་འབྱོར་གསལ། ཚེས་5ཉིན་ཐུར་ཁེའི་ཙུང་ལི་ཨེའར་ཏོ་ཨན་གྱིས་བྱང་ཆིངས་ཀྱིས་དམག་དོན་ཐོག་ནས་ལི་པི་ཡའི་དུས་བབ་ལ་ཐེ་ཇུས་བྱེད་པའི་གནད་དོན་ཐད་དེ་སྔའི་ཨ་ཧྥུ་ཧན་དང་དབྱི་རག་གི་དམག་དོན་བྱ་སྤྱོད་ཀྱི་ལམ་ཪྙིང་ཐོག་སླར་ཡང་སྐྱོད་མི་རུང་བའི་བླང་བྱ་བཏོན་པ་རེད།
དེ་ཉིན་ཨེའར་ཏོ་ཨན་གྱིས་དབྱི་ཧུའེ་གྲོས་ཚོགས་ཐོག་གཏམ་བཤད་བྱེད་སྐབས་ཁོང་གིས་བྱང་ཆིངས་ཀྱི་དྲུང་ཆེ་ལ་སི་མུའུ་སན་ལ་བྱང་ཆིངས་ཀྱིས་གྲུབ་འབྲས་ཐོབ་པའི་སྒོ་ནས་ལི་པི་ཡའི་དམག་དོན་བྱ་སྤྱོད་ཀྱི་ཚོད་བགམ་བརྒྱུད་ཨ་ཧྥུ་ཧན་དང་དབྱི་རག་ཏུ་འཕྲད་པ་ཇི་བཞིན་གྱི་གནས་ཚུལ་མི་ཐོན་པ་བྱ་རྒྱུའི་བླང་བྱ་བཏོན་པ་རེད།
ཨེའར་ཏོ་ཨན་གྱིས་བྱང་ཆིངས་ཀྱིས་ཨ་ཧྥུ་ཧན་དུ་དམག་དོན་གྱི་བྱ་སྤྱོད་ལོ་བརྒྱད་ལྷག་ཙམ་སྤེལ་ཡང་ད་དུང་ཨ་ཧྥུ་ཧན་རྒྱལ་ནང་གི་དུས་བབ་ཐད་མི་རྣམས་བློ་ཡིད་ཚིམས་པ་ཞིག་བྱུང་མེད། གཞན་ཡང་དབྱི་རག་གི་དམག་དོན་བྱ་སྤྱོད་ཐད་བྱང་ཆིངས་ལ་གྲུབ་འབྲས་དེ་ཙམ་ཐོབ་མེད་ཅེས་བཤད་པ་རེད།
ཚེས་4ཉིན་བྱང་ཆིངས་ཀྱི་དྲུང་ཆེ་ལ་སི་མུའུ་སན་གྱིས་ཐུར་ཁེར་འཚམས་འདྲི་བྱེད་སྐབས་ཨེའར་ཏོ་ཨན་དང་གླེང་མོལ་བྱས་ཡོད། ཐུར་ཁེའི་ཙུང་ལིའི་ལས་ཤག་གིས་གསལ་བསྒྲགས་སྤེལ་ནས་ཕྱོགས་གཉིས་པོས་ལི་པི་ཡའི་གནད་དོན་ཐད་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་འབྲེལ་ཡོད་གྲོས་ཆོད་གཞིར་བཟུང་དམག་མཚམས་འཇོག་རྒྱུའི་ཐད་བསམ་འཆར་བརྗེ་རེས་བྱས་པ་དང་འབྲེལ་ལི་པི་ཡའི་མི་དམངས་ཀྱི་འདོད་བློར་བརྩི་འཇོག་བྱ་རྒྱུའི་ལངས་ཕྱོགས་ལ་མོས་མཐུན་བྱས་པ་རེད།