ཟླ་4ཚེས་2ཉིན་རི་པིན་ཡན་ཧྲོའུ་རྫོང་ལུའུ་ཆན་ཀོ་ཐན་གྲོང་ཁྱེར་གྱི་ཉེན་གཡོལ་ཁང་ཞིག་གི་མདུན་དུ་ཞའོ་ཀུའེ་ཧྭ (མདུན )ཡིས་གནོད་འཚེ་ཕོག་པའི་མང་ཚོགས་དང་མཉམ་དུ་དང་བླངས་པའི་གཞོགས་འདེགས་འོག་རྒྱང་བསྒྲགས་ལུས་རྩལ་རྩེ་བ་དང་གནོད་འཚེ་ཕོག་པའི་མང་ཚོགས་ཚོས་ཉིན་ལྟར་རྒྱང་བསྒྲགས་ལུས་རྩལ་རྩེ་རྒྱུ་རྒྱུན་འཁྱོངས་བྱས་ནས་དགེ་མཚན་ཡོད་ལ་བདེ་ཐང་གི་སེམས་ཁམས་ཤིག་སླར་གསོ་བྱེད་བཞིན་ཡོད་ཅིང་། ཞའོ་ཀུའེ་ཧྭས་བདེ་འཁྱུག་གི་འགྱུར་སྟབས་ཀྱིས་མི་མང་པོར་དགོད་སློང་གི་ཡོད།

    རི་པིན་བྱང་ཤར་ས་ཁུལ་དུ་ས་ཡོམ་ཆེན་པོ་དང་མཚོ་ཡོམ་གྱི་གནོད་འཚེ་ཚབས་ཆེན་ཕོག་ཁུལ་ཡན་ཧྲོའུ་རྫོང་ལུའུ་ཆན་ཀོ་ཐན་གྲོང་ཁྱེར་གྱི་ཉེན་གཡོལ་ཁང་ཞིག་ནས་གསར་འགོད་པར་ལོ་4ལ་སླེབས་པའི་མིང་ལ་ཀུའེ་ཧྭ་ཞེས་པའི་བུ་མོ་ཆུང་ཆུང་ཞིག་འཕྲད་བྱུང་། ཉེན་གཡོལ་ཁང་དུ་ཞའོ་ཀུའེ་ཧྭ་ཡི་གྲུང་ཤ་དོད་པའི་གཟུགས་བཪྙན་ནམ་རྒྱུན་མཐོང་རྒྱུ་འདུག་ལ་བཅོས་མིན་གྱི་འཛུམ་མདངས་དང་གྲུང་ཤ་དོད་པའི་གཤིས་ཀས་ཉེན་གཡོལ་ཁང་ནང་གི་གནོད་འཚེ་ཕོག་པའི་མང་ཚོགས་ཚོར་སྤྲོ་སྣང་སྟེར་གྱི་ཡོད་པ་དང་ཁ་ཁུ་སིམ་པའི་ཉེན་གཡོལ་ཁང་གི་འཚོ་བར་སྤྲོ་སྣང་མི་ཉུང་བ་སྦྱིན་པས་ཉེན་གཡོལ་ཁང་ནང་གི “སྣང་བ་སྐྱིད་པའི་བུ་མོ ”ཞིག་ཏུ་གྱུར་ཡོད།