ཤིན་ཧྭ་གསར་འགྱུར་ཁང་པེ་ཅིང་ནས་་གློག་འཕྲིན་འབྱོར་པ་གཞིར་བཟུང་། ས་ཡོམ་ཆེ་མོ་དང་ཉིང་རྡུལ་ཤོར་བའི་ལས་འཛོལ་གྱི་ཤུགས་རྐྱེན་ཐེབས་ནས་ཟླ་3ཚེས་31ཉིན་རི་པིན་གྱི་བློན་ཆེན་ཅན་ཀྲི་རེན་གྱིས་རི་པིན་གྱི་ཉིང་རྡུལ་ནུས་རྒྱུ་འཕེལ་རྒྱས་ཀྱི་འཆར་གཞིར་སླར་ཡང་ལྟ་ཞིབ་བྱེད་རྒྱུ་ཡིན་ཞེས་གསུངས་པ་རེད།

    རི་པིན་སྲིད་གཞུང་གི་ནུས་རྒྱུ་འཕེལ་རྒྱས་ཀྱི་འཆར་གཞིའི་ནང་2030ལོའི་གོང་དུ་ཉིང་རྡུལ་གས་འགྱུར་སྒྲིག་ཆས་14ཡན་མང་དུ་གཏོང་རྒྱུ་ཡིན་ཞེས་བཏོན་ཡོད་མོད། འོན་ཀྱང་ཧྥུ་ཏའོ་ཡི་ཉིང་རྡུལ་གྱི་གློག་ཁང་དང་པོ་དེ་ས་ཡོམ་དང་མཚོ་ཡོམ་ལས་ཉིང་རྡུལ་ཤོར་བའི་ལས་འཛོལ་ཐོན་པས “འཆར་གཞི་དེའི་སྔོན་འགྲོན་ཆ་རྐྱེན་ལ་འགྱུར་ལྡོག ”བྱུང་ཡོད་པ་རེད། ཚེས་31ཉིན་ཅན་ཀྲི་རེན་གྱིས་རི་པིན་གུང་ཁྲན་ཏང་གི་ཨུ་ཡོན་ཀྲང་ཀྲེ་ཝུའེ་ཧོ་ཕུའུ་དང་གྲོས་མོལ་གནང་སྐབས་འཆར་གཞི་དེར་སླར་ཡང་ཞིབ་འཇུག་བྱེད་རྒྱུ་ཡིན་ཞེས་གསུངས་པ་རེད། རི་པིན་ཧྥུ་ཏའོ་ཡི་ཉིང་རྡུལ་གློག་ཁང་དང་པོའི་འཕྲུལ་ཙུའུ་དང་པོ་ནས་དྲུག་པའི་སྐོར་ཅན་ཀྲེ་རིན་གྱིས “ངེས་པར་དུ་བེད་མེད་འཇོག་དགོས ”ཞེས་གསུངས་པ་རེད།

    དཔལ་འབྱོར་ཐོན་ལས་ཐིང་གི་གཞི་གྲངས་ལ་གཞིགས་ན། ད་ཆ་རི་པིན་རྒྱལ་ཡོངས་སུ་ཉིང་རུལ་གློག་ཁང་གི་གས་འགྱུར་སྒྲིག་ཆས་ཁྱོན་54ཡོད་ཅིང་། རི་པིན་སྲིད་གཞུང་གིས་ན་ནིང་གི་ཟླ་བ་དྲུག་པར་ནང་བློན་ཚོགས་འདུའི་ཐོག་གྲོས་འཆམ་བྱུང་བའི་ནུས་རྒྱུ་འཕེལ་རྒྱས་ཀྱི་འཆར་གཞིའི་ནང་དྲོད་ཁང་རླུང་གཟུགས་འབུད་གྲངས་ཉུང་དུ་གཏོང་རོགས་བྱ་ཆེད་2030ལོའི་གོང་ཉིང་རྡུལ་གྱི་གས་འགྱུར་སྒྲིག་ཆས་14ཡན་བསྐྲུན་རྒྱུ་ཡིན་ཞེས་བཏོན་པ་རེད།