ཤིན་ཧྭ་གསར་འགྱུར་ཁང་རི་ཡ་ཏེ་ནས་ཟླ་4 ཚེས་2 ཉིན་གློག་འཕྲིན་འབྱོར་གསལ། ཚེས་2 ཉིན་སོ་ཏི་ཨ་རབ་ཀྱི་ནང་སྲིད་པུས་འདས་ཟིན་པའི་ལོ་ཤས་རིང་སོ་ཏི་ཨ་རབ་ཀྱིས་འཇིགས་སྐུལ་གྱི་ཉེས་གསོག་བྱེད་སྒོའི་ནང་ཞུགས་པའི་དོགས་གཞི་ཡོད་པའི་མི་ཁྱོན་5080 འཛིན་བཟུང་བྱས་ཡོད་ཅེས་བཤད་པ་རེད།

    ནང་སྲིད་པུའི་མགྲིན་ཚབ་པ་མན་སུའར་གྱིས་དེ་དག་ཁྲོད་ཀྱི་མི་934 འཇིགས་སྐུལ་བྱེད་སྒོའི་ནང་ཞུགས་པའི་དོགས་གཞི་ཡོད་པས་ཞུ་སྦྱོར་བྱས་པ་དང་། མི་1931 ལ་བརྟག་དཔྱད་བྱེད་བཞིན་ཡོད་པ། མི་1612 ཉེས་པ་བསགས་པའི་ཁྲིམས་ཐག་བཅད་པ། མི་603 གྱིས་ཁྲིམས་རའི་འདྲི་གཅོད་དང་ལེན་བྱེད་བཞིན་ཡོད་ཅེས་གསུངས་པ་རེད།

    2003 ལོ་ནས་2006 ལོ་བར “རྟེན་གཞི ”རྩ་འཛུགས་ཀྱིས་སོ་ཏི་ཨ་རབ་མངའ་ཁོངས་ཀྱི་ཕྱི་རྒྱལ་གྱི་གཞུང་ཚབ་ལས་ཁུངས་དང་། རྡོ་སྣུམ་སྒྲིག་བཀོད། ནུབ་ཕྱོགས་བ་འདུས་སྡོད་བྱ་ཡུལ་སོགས་ལ་འཇིགས་སྐུལ་རང་བཞིན་གྱི་འཇབ་རྒོལ་བྱས་ཡོད་པ་རེད། སོ་ཏི་ཨ་རབ་ཀྱི་བདེ་འཇཌ་དཔུང་སྡེས་རྡུང་རྡེག་ནུས་ལྡན་བཏང་བས “རྟེན་གཞི ”རྩ་འཛུགས་ཀྱི་འཇིགས་སྐུལ་པས་ཁྱིམ་མཚེས་རྒྱལ་ཁབ་ཡེ་མེན་དུ་བྲོས་བྱོལ་སོང་བ་དང་ཆབས་ཅིག་སོ་ཏི་ཨ་རབ་ཀྱི་གོང་མ་ཚང་མགོ་རྟིང་སློག་རྒྱུ་དམིགས་ཡུལ་གཙོ་བོར་བྱས་པའི་འཇིགས་སྐུལ་ངན་ཇུས་བཤམས་ཡོད་པ་རེད།