ཤིན་ཧྭ་གསར་འགྱུར་ཁང་ཧྲོའར་ནས་ཟླ་3ཚེས་29ཉིན་གློག་འཕྲིན་འབྱོར་གསལ། ཚེས་29ཉིན་ཧན་གོ་དང་ཁྲའོ་ཞན་གྱི་རིགས་གཅིག་མཁས་ཅན་གྱིས་པའེ་ཐོའུ་ཧྲན་རི་བོའི (ཀྲུང་གོས་ཁྲང་པའེ་ཧྲན་ཞེས་བརྗོད་ཀྱི་ཡོད )མེ་རིའི་གནད་དོན་ཐད་གྲོས་མོལ་བྱས་པ་དང་ཕྱོགས་གཉིས་པོས་ཐུན་མོང་ཐོག་པའེ་ཐོའུ་ཧྲན་རི་བོའི་མེ་རིར་ཞིབ་འཇུག་བྱེད་པའི་དགོས་ངེས་རང་བཞིན་ཐད་ངོས་འཛིན་གཅིག་མཐུན་བྱུང་ཡོད།

    ཚོགས་འདུ་དེ་ཧན་གོ་ཅིང་ཅི་ཏའོ་དབུན་ཧྲན་ལྷོ་བྱང་གི་ས་མཚམས་ནས་འགྲོ་འོང་ལས་དོན་སུའོ་རུ་འཚོགས་ཤིང་། ཧན་གོ་ཕྱོགས་ཀྱི་འཐུས་མི་ཚོགས་པའི་ཚོགས་གཙོ་ཆིང་པེ་སློབ་ཆེན་ས་གཤིས་རིག་པ་ཚན་ཁག་གི་དགེ་རྒན་ཆེ་མོ་བ་ལིའུ་ཡིན་ཁྲང་གིས་ཚོགས་འདུ་མཇུག་འགྲིལ་རྗེས་སྤེལ་བའི་གསར་འགྱུར་ཡོངས་བསྒྲགས་ཀྱི་ཚོགས་འདུའི་ཐོག་ཁྲའོ་ཞན་ཕྱོགས་ཀྱིས་ཚོགས་འདུའི་ཐོག་ཐུན་མོང་ཐོག་པའེ་ཐོའུ་ཧྲན་རི་བོའི་མེ་རི་འགུལ་བར་ཞིབ་འཇུག་བྱེད་དགོས་པའི་དགོས་ངེས་རང་བཞིན་ནན་བཤད་བྱས་པ་དང་འབྲེལ་རིག་གཞུང་གྲོས་མོལ་ཚོགས་འདུ་དང་ས་ཆ་དངོས་སུ་རྟོག་ཞིབ་བྱེད་པ་སོགས་མཉམ་དུ་ཞིབ་འཇུག་བྱེད་པའི་ཇུས་གཞི་བཏོན་ཡོད། ཧན་གོ་ཕྱོགས་ཀྱིས་ཐུན་མོང་ཐོག་ཞིབ་འཇུག་མ་བྱས་གོང་དཔྱད་ཡིག་བརྗེ་རེས་བརྒྱུད་དུས་འགོའི་ཞིབ་འཇུག་བྱེད་པའི་དགོས་པ་ཡོད་ཅེས་བཤད་ཡོད། ཁྲའོ་ཞན་ཕྱོགས་ཀྱིས་ད་དུང་ཟླ་བ་བཞི་པའི་ཟླ་སྟོད་དུ་རིགས་གཅིག་མཁས་ཅན་གྱི་ཚོགས་འདུ་སླར་ཡང་འཚོག་རྒྱུའི་གྲོས་གཞི་བཏོན་པས་ཧན་གོ་ཕྱོགས་ཀྱིས་གང་མགྱོགས་ལན་འདེབས་རྒྱུ་ཡིན་ཞེས་བཤད་པ་རེད།

    ཚེས་17ཉིན་ཧན་གོ་གཅིག་གྱུར་པུས་ཁྲའོ་ཞན་གྱིས་དེ་ཉིན་ཧན་གོ་ཕྱོགས་ལ་གྲོས་གཞི་བཏོན་ནས་པའེ་ཐོའུ་ཧྲན་རི་བོའི་མེ་རིར་ཐུན་མོང་ཐོག་ཞིབ་འཇུག་བྱེད་པ་དང་། ས་ཆ་དངོས་སུ་རྟོག་ཞིབ་བྱེད་པ། རིག་གཞུང་གྲོས་མོལ་ཚོགས་འདུ་སོགས་ཀྱི་མཉམ་ལས་ལས་དོན་ཐད་ཧན་གོ་དང་ཁྲའོ་ཞན་དབར་གྲོས་མོལ་བྱ་རྒྱུ་ཡིན་ཞེས་བཤད་པ་དང་། ཚེས་22ཉིན་ཧན་གོ་ཕྱོགས་ཀྱིས་ལན་འདེབས་སྐབས་དང་ཐོག་འདི་ཟླའི་ཚེས་29ཉིན་ཕྱོགས་གཉིས་པོའི་འབྲེལ་ཡོད་རིགས་གཅིག་མཁས་ཅན་གྱིས་གྲོས་མོལ་བྱ་རྒྱུའི་གྲོས་གཞི་བཏོན་པར་ཁྲའོ་ཞན་ཕྱོགས་ཀྱིས་གྲོས་འགོ་དེ་དང་ལེན་བྱས་ཡོད་ཅེས་བཤད།

    ཟིན་ཐོ་བཀོད་པར་གཞིགས་ན། པའེ་ཐོའུ་ཧྲན་རི་བོའི་མེ་རི་དེ་སྤྱི་ལོ་946ལོར་གཞི་ཁྱོན་ཆེ་བའི་གས་འཕྱུར་བྱུང་བ་དང་འབྲེལ་1688ལོ་དང་། 1702ལོ། 1903ལོ་བཅས་སུ་གས་འཕྱུར་བྱུང་བའི་ཟིན་ཐོ་ཡོད་པ་རེད།