རྒྱ་གར་གྱི་ཉེན་རྟོག་ཕྱོགས་ཀྱིས་གཟའ་འཁོར་གཅིག་རིང་འཕུར་སྐྱོད་པའི་ལོ་རྒྱུས་རྫུན་བཟོའི་ཉེས་མིང་ཐོག་ནས་གོང་ཁེའི་མཁའ་འགྲུལ་ཀུང་སི་SpiceJetཡི་འཕུར་སྐྱོད་པ་2དང་རྒྱ་གར་མཁའ་འགྲུལ་ཀུང་སིའི་འཕུར་སྐྱོད་པ་1བཟུང་བས་འཕུར་སྐྱོད་པའི་ལོ་རྒྱུས་རྫུན་བཟོ་བྱས་པར་བརྟེན་ནས་བཟུང་བའི་རྒྱ་གར་དམངས་སྤྱོད་མཁའ་འགྲུལ་གྱི་འཕུར་སྐྱོད་པ་13ལོན་པ་རེད།

    འདི་ཟླའི་ཟླ་སྟོད་དུ་རྒྱ་གར་ཉེན་རྟོག་ཕྱོགས་ཀྱིས་ཡིག་ཆ་རྫུས་བཟོའི་ཉེས་མིང་ཐོག་ནས་ཏེན་ལན་མཁའ་འགྲུལ་ཀུང་སིའི་བུད་མེད་འཕུར་སྐྱོད་པ་ཁོར ·ཀུའུ་ལ་ཏི་བཟུང་བ་དང་དེ་རྗེས་སྦྱོང་བརྡར་དང་རྒྱུགས་སྤྲོད་ཁྲོད་མཁའ་འགྲུལ་ཀུང་སི་མང་དག་ཅིག་གིས་རྫུན་བཟོ་བྱས་ཚུལ་རྒྱུན་ཆད་མེད་པར་རྟོགས་པ་རེད། ས་ཆ་དེ་གའི་སྨྱན་སྦྱོར་གྱིས་འཕུར་སྐྱོད་པ་སྔར་བས་མང་པོ་ཞིག་དེ་དང་འབྲེལ་བ་ཡོད་པ་ལས་ལོ་རྒྱུས་རྫུན་བཟོ་བྱེད་པ་དེ་རྒྱ་གར་གྱི་དམངས་སྤྱོད་མཁའ་འགྲུལ་ལས་རིགས་ཀྱི་སྣང་ཚུལ་ཡོངས་ཁྱབ་ཅིག་ཡིན་སྲིད་པ་མཚོན་པ་རེད།

    རྒྱ་གར་གྱི་དམངས་སྤྱོད་མཁའ་འགྲུལ་སྤྱི་ཁྱབ་ཅུས་ཀྱིས་ལོ་རྒྱུས་རྫུན་བཟོའི་གནས་ཚུལ་ཡོད་པའི་འཕུར་སྐྱོད་པ་ཡོངས་ཕྱིར་འབུད་གཏོང་བ་དང་། ལོ་རྒྱུས་རྫུས་མ་མཁོ་འདོན་བྱས་པར་དོགས་པ་ཡོད་པའི་འཕུར་སྐྱོད་སློབ་གྲྭར་བརྟག་དཔྱད་བྱེད་པ། སྤྲད་ཟིན་པའི་འཕུར་སྐྱོད་ལག་ཁྱེར་ཁྲི་1.4ལྷག་ཙམ་ལ་རེ་རེ་བཞིན་ཞིབ་དཔྱད་བཅས་བྱ་རྒྱུ་ཡིན་ཚུལ་བསྟན་པ་རེད།