ཤིན་ཧྭ་གསར་འགྱུར་ཁང་ཧྭ་ཧྲེང་ཏུན་ནས་གློག་འཕྲིན་འབྱོར་པ་གཞིར་བཟུང་། ཨ་རིའི་ནང་སྲིད་པུས་ཚེས་21ཉིན་དབྱིན་ཧོ་ཁེ་ཕེ་རྡོ་སྣུམ་ཀུང་སིས་མོ་ཞི་ཁོ་མཚོ་ཁུག་གི་རྒྱ་མཚོའི་གཏིང་དུ་རྡོ་སྣུམ་རྩད་ཞིབ་བྱེད་རྒྱུའི་འཆར་གཞིར་ཆོག་མཆན་ཐོབ་ཡོད་ཅེས་ཡོངས་བསྒྲགས་བྱས་པ་རེད།
ཁེ་ཕེ་རྡོ་སྣུམ་ཀུང་སི་ནི་ན་ནིང་མོ་ཞི་ཁོ་མཚོ་ཁུག་ཏུ་སྣུམ་འཛག་པའི་དོན་རྐྱེན་ཐོན་རྗེས་ཨ་རིའི་ཆོག་མཆན་ཐོབ་ནས་རྒྱ་མཚོའི་གཏིང་དུ་རྩད་ཞིབ་འཆར་འགོད་གསར་པ་ལག་བསྟར་བྱེད་མཁན་ཀུང་སི་ཨང་དང་པོར་གྱུར་པ་དང་ཀུང་སི་དེས་སྣུམ་རླངས་ཁྲོན་པ་གསུམ་གསོར་འབིགས་རྩད་ཞིབ་བྱ་རྒྱུ་ཡིན་ཞིང་། དེའི་གོང་དུ་ཨ་རིའི་ལྟ་སྐུལ་དོ་དམ་སྡེ་ཚན་གྱིས་ནུའོ་པེའར་ནུས་རྒྱུ་ཀུང་སི་དང་པི་ཧོ་པི་ཐོ་ཀུང་སི་དང་དེ་བཞིན་ATPསྣུམ་རླངས་ཀུང་སིར་སྣུམ་འཛག་པའི་དོན་རྐྱེན་ཐོན་རྗེས་གནས་སྐབས་མཚམས་འཇོག་བྱས་པའི་སྣུམ་རླངས་ཁྲོན་པ་བསྐྱར་དུ་སྤྱོད་རྒྱུའི་ཆོག་མཆན་སྤྲད་ཡོད་པ་རེད།