མི་དམངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་8 ཚེས་4ཉིན་གློག་འཕྲིན་འབྱོར་གསལ། གསར་འགོད་པར་བོད་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་ཤེས་རྟོགས་བྱུང་བར་འདི་ལོའི་ལོ་སྟོད་དུ་ལྗོངས་ཡོངས་ཀྱི་གྲོང་ཁྱེར་དང་གྲོང་རྡལ་དུ་ལས་ཞུགས་མི་གྲངས་12720 མང་དུ་བཏང་ནས་ལོ་འགོའི་དམིགས་ཚད་ལས་འགན་གྱི་60.6%ལེགས་གྲུབ་ཟིན་ཡོད། ཤེས་རྟོགས་བྱུང་བར་གཞིགས་ན། ལོ་སྟོད་དུ་བོད་དུ་སྤྱི་ཕན་རང་བཞིན་གྱི་ལས་གནས་4300 མང་དུ་བཏང་ནས་ལྗོངས་ཡོངས་ཀྱི་སྤྱི་ཕན་རང་བཞིན་གྱི་ལས་གནས་བསྡོམས་20000 ཟིན་པ་དང་འདི་ལོའི་ཟླ་6 པའི་ཟླ་མཇུག་བར་ལྗོངས་ཡོངས་ཀྱི་སྤྱི་ཕན་རང་བཞིན་གྱི་ལས་གནས་བརྒྱུད་དཀའ་ངལ་ཡོད་པའི་མི་གྲངས་ 15438 ལ་ལས་ཞུགས་བཀོད་སྒྲིག་བྱས་ཡོད་པ་རེད།