གཞི་རིམ་འཛུགས་སྐྱོང་ལོའི་བྱེད་སྒོ་སྤེལ་ཚུན་ལྷོ་བྲག་རྫོང་གིས་བསམ་བློའི་སྐུལ་སློང་དང་། ཏང་གི་སྲིད་ཇུས་དྲིལ་བསྒྲགས། མང་ཚོགས་དང་འབྲེལ་གཏུག མང་ཚོགས་ཀྱི་གནས་ཚུལ་ཤེས་རྟོགས་སོགས་གྲོང་ཚོར་བཅའ་སྡོད་ལས་དོན་ཚོགས་ཆུང་གི་ལས་ཀའི་འཆར་གཞི་ཞིབ་ཕྲ་བཟོས་པ་དང་ལས་དོན་ཁག་གི་དམིགས་ཚད་དོན་ཐོག་ཏུ་འཁྱོལ་བ་བྱས་ནས་ལས་དོན་ཚོགས་ཆུང་ཁག་དང་མཉམ་དུ་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པའི་ལོའི་བྱེད་སྒོ་ཏན་ཏིག་ངང་སྤེལ་བ་རེད།

    སྲིད་ཇུས་དྲིལ་བསྒྲགས་ལ་དམ་འཛིན་དང་མང་ཚོགས་དབར་འབྲེལ་བ་ཟབ་ཏུ་གཏོང་བ།

    བཅའ་སྡོད་བྱ་ཡུལ་གྲོང་ཚོ་ཁག་ཏུ་རང་སྐྱོང་ལྗོངས་དང་། ས་ཁུལ། རྫོང་བཅས་ཀྱི་གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་15ཡིས་རང་འགུལ་ངང་དཀའ་ངལ་ཡོད་པའི་དུད་ཚང་དང་། འགན་ལེན་ལྔ། ཞིང་འབྲོག་མང་ཚོགས་བཅས་ཀྱི་འགྲམ་དུ་བསྐྱོད་དེ་ཁོང་ཚོའི་མིག་སྔའི་དཀའ་ངལ་དང་ད་རེས་ཀྱི་བྱེད་སྒོའི་དམིགས་ཚད་དང་ལས་འགན་སོགས་གསལ་འགྲེལ་བྱས་ཏེ་ཏང་གི་སྲིད་ཇུས་དྲིལ་བསྒྲགས་དང་མང་ཚོགས་ལ་བསམ་ཚུལ་གང་ཡོད་སོགས་ཀྱི་བརྟག་དཔྱད་ཞིབ་བཤེར་ཧུར་ཐག་བྱས་པ་རེད། དུས་མཚུངས་རྣམ་པ་འདྲ་མིན་སྣ་ཚོགས་སྤྱད་དེ་བོད་གསར་ཪྙིང་བསྡུར་བའི་དྲིལ་བསྒྲགས་པར་རིས་འགྲེམས་སྟོན་བྱས་པ་དང་། གྲོང་ཚོ་ཁག་གི་ལས་བྱེད་པ་དང་མང་ཚོགས་སྒྲིག་འཛུགས་བྱས་ནས་དྲན་གསོའི་བྱེད་སྒོ་ཐེངས་15སྤེལ་བ། དོན་སྙིང་ལྡན་པའི་མང་ཚོགས་རང་བཞིན་གྱི་བྱེད་སྒོ་ཐེངས་20སྤེལ་བར་རྫོང་དེ་ཡོངས་ཀྱི་མི་གྲངས་3000ཙམ་ཞུགས་ཡོད་པ་རེད།

    མིག་སྔའི་བར་དྲིལ་བསྒྲགས་དང་། བརྟག་དཔྱད་ཞིབ་འཇུག དམངས་དོན་སྒྲུབ་པའི་ལས་དོན་སྒྲུབ་རིང་ཆེད་དོན་སྲིད་ཇུས་དྲིལ་བསྒྲགས་ཐེངས་85དང་། ཏང་གི་སྲིད་ཇུས་དྲིལ་བསྒྲགས་ཀྱི་ཤེས་བྱའི་འགྲན་བསྡུར་ཐེངས་15སྤེལ་བ། དྲིལ་བསྒྲགས་ཤོག་ལྷེ་དང་ལག་དེབ་སྤྲོད་པ། གྲོང་ཚོ་ཁག་ལ་བསམ་ཕྱོགས་75སེལ་རོགས་བྱས་པ། ངལ་ལས་མི་ཐེངས་2201ཕྱིར་གཏོང་བྱེད་རོགས་བཅས་བྱས་ཡོད།

    བརྟག་དཔྱད་ཞིབ་ཚགས་བྱས་ནས་གྲོང་ཚོའི་གནས་ཚུལ་ཡག་པོ་རྟོགས་པར་བྱས་པ།

    གྲོང་ཚོར་བཅའ་སྡོད་ལས་དོན་ཚོགས་ཆུང་གིས་རང་སྐྱོང་ལྗོངས་དང་། ས་ཁུལ། རྫོང་བཅས་ཀྱི་བླང་བྱ་ལྟར་གྲོང་ཚོར་ཟབ་འཇུག་གིས་བརྟག་ཞིབ་དང་། དཔྱད་ཞིབ། དུད་ཚང་སོ་སོར་སྐྱོད་དེ་གནས་ཚུལ་ངོ་མ་རྟོགས་པར་བྱེད་པ་སོགས་ཀྱི་བྱ་ཐབས་སྤྱད་ཅིང་། དེ་ཡང་ཞིང་དུད་2595ཡི་མི་རེའི་ཡོང་འབབ་དང་། གཞི་རིམ་རྨང་གཞིའི་འཛུགས་སྐྲུན། ཏང་རྩ་འཛུགས་དང་ཏང་ཡོན་གྱི་ནུས་པ་འདོན་སྤེལ། ཏང་གི་ཞིང་ཕན་སྲིད་ཇུས་དོན་འཁྱོལ་སོགས་ལ་བརྟག་དཔྱད་བྱས་ཏེ་གྲོང་ཚོ་སོ་སོའི་དོན་དངོས་དང་འཚམས་པའི་འཕེལ་རྒྱས་བསམ་ཕྱོགས་འདོན་རོགས་བྱས་པ་དང་འབྲེལ་གྲོང་ཚོར་བཅའ་སྡོད་ལས་ཀའི་འཆར་འགོད་ཀྱང་སྔར་བས་འཐུས་སྒོ་ཚང་དུ་བཏང་བ་རེད།

    མངོན་གསལ་དོད་པའི་གནད་དོན་ཐག་གཅོད་བྱས་ཏེ་དམངས་ལ་དོན་དངོས་བསྒྲུབས་པ།

    གྲོང་ཚོར་བཅའ་སྡོད་ལས་དོན་ཚོགས་ཆུང་ཁག་གིས་གཞི་རིམ་མང་ཚོགས་ཀྱིས་བཏོན་པའི་མངོན་གསལ་དོད་པའི་གནད་དོན་དང་རང་ངོས་ནས་བརྟག་དཔྱད་ཞིབ་འཇུག་བྱས་ནས་ཤེས་རྟོགས་བྱུང་བའི་གནས་ཚུལ་དང་ཟུང་འབྲེལ་གྱིས་མ་དངུལ་བརྩོན་ལེན་དང་རྣམ་གྲངས་བརྩོན་ལེན་བྱས་ཏེ་མང་ཚོགས་ཀྱིས་སྒྲུབ་མི་ཐུབ་པ་དང་གཞི་རིམ་དུ་ཤུགས་རྐྱེན་ངེས་ཅན་ཡོད་པའི་གནད་དོན་ཁག་གཅིག་ཐག་གཅོད་བྱས་པ་རེད། དེ་ཡང་ཁོང་ཚོས་ཐབས་ཤེས་སྣ་ཚོགས་བཏོན་ནས་མི་སྒེར་དང་ཚན་པ་ཁག་ནས་བྱུང་བའི་དངུལ་སྒོར་ཁྲི་513.659དམིགས་སར་དོན་འཁྱོལ་བྱས་ནས་མང་ཚོགས་དང་ཐད་ཀར་འབྲེལ་བ་ཡོད་པའི་གནད་དོན་ཁག་202ཐག་གཅོད་བྱས་པ་དང་དེ་བཞིན་རྣམ་གྲངས་སམ་མང་ཚོགས་ཀྱི་ཐོན་སྐྱེད་དང་འཚོ་བ་དང་འབྲེལ་བ་ཡོད་པའི་གནད་དོན་ཁག་64སྒྲུབ་བཞིན་ཡོད་པ་རེད།