ལྗོངས་ཏང་ཨུད་སྐབས་བདུན་པའི་ཨུ་ལྷན་ཚང་འཛོམས ( རྒྱ་ཆེ )ཚོགས་འདུ་ཐེངས་བརྒྱད་པའི་ཐོག་ཡུན་རིང་བདེ་འཁོད་ཀྱི་རྩ་དོན་གལ་ཆེན་གནད་ལ་འཁེལ་བའི་སྒོ་ནས་སྟངས་འཛིན་དང་སྤྱི་ཚོགས་མཐུན་སྦྱོར་བརྟན་ལྷིང་སྲུང་སྐྱོང་ལ་ཤུགས་སྣོན་བརྒྱབ་ནས་སྤྱི་ཚོགས་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཀྱི་ཕྱོགས་སུ་སྐུལ་འདེད་ཧུར་ཐག་གཏོང་དགོས་ཞེས་ནན་བཤད་བྱས་ཡོད།

    རང་ལྗོངས་ཡུན་རིང་བདེ་འཁོད་ཡོང་བ་བྱེད་པའི་སྲོག་ཤིང་ནི་བརྟན་ལྷིང་མཐུན་སྒྲིལ་ཡོང་བ་བྱ་རྒྱུ་དང་འགག་རྩ་ནི་ཡུན་རིང་ཡོང་བ་བྱ་རྒྱུ་དེ་ཡིན། ད་ཕན་ལོ་ཤས་རིང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་བོད་ཀྱི་སྤྱི་ཚོགས་དུས་བབ་ཁྱོན་ཡོངས་ནས་མུ་མཐུད་བརྟན་ལྷིང་གི་དུས་མཚམས་གསར་པར་བསྐྱོད་ཡོད་མོད། འོན་ཀྱང་ཪྙོག་འཛིང་ཆེ་བའི་དུས་བབ་དང་འགྲན་སློང་དྲག་པོ་སྔར་བཞིན་འཕྲད་ཡོད། ཀྲུང་གོར་ངོ་རྒོལ་བྱེད་མཁན་ནུབ་ཕྱོགས་ཕྱོགས་གཏོགས་ཀྱིས་ཏཱ་ལའི་རུ་ཚོགས་སྤྱད་དེ་ཀྲུང་གོ་ཟང་ཟིང་བཟོ་བའི་འཐབ་ཇུས་ལྐོག་གཡོར་འགྱུར་ལྡོག་བཏང་མེད་པ་དང་། “བོད་རང་བཙན ”གྱི་རེ་ངན་བཅངས་མཁན་ཏཱ་ལའི་རུ་ཚོགས་ཀྱི་ཁ་ཕྲལ་རིང་ལུགས་ཀྱི་ངོ་བོར་འགྱུར་ལྡོག་བཏང་མེད་པ། བོད་ཀྱི་ཁ་ཕྲལ་དང་ཁ་ཕྲལ་ལ་ངོ་རྒོལ་བྱེད་པའི་ཛ་དྲག་གི་འཐབ་རྩོད་ཡུན་རིང་དང་། རྣོ་ངར། ཪྙོག་འཛིང་བཅས་ཡོད་ལ་སྐབས་འགར་ཐ་ན་དེ་བས་ཛ་དྲག་ཏུ་འགྲོ་གི་ཡོད། དེ་དང་ཆབས་ཅིག་རང་རྒྱལ་འདི་ཉིད་འཕེལ་རྒྱས་ཀྱི་འཐབ་ཇུས་གོ་སྐབས་གལ་ཆེན་དུ་གནས་ཡོད་པས་སྤྱི་ཚོགས་ཀྱི་འགལ་བ་མངོན་གསལ་དོད་པའི་དུས་ཡིན། སྣ་མང་དཔལ་འབྱོར་གྱི་གྲུབ་ཆ་དང་ཁྲོམ་རའི་དཔལ་འབྱོར་གྱི་འཕེལ་རྒྱས་དེ་བཞིན་ཁེ་ཕན་གཙོ་གཟུགས་སྣ་མང་ཅན་བཅས་དབང་གིས་བོད་མི་དམངས་ཀྱི་ནང་ཁུལ་གྱི་འགལ་བའི་ཐད་ལའང་ཁྱད་ཆོས་གསར་པ་ཐོན་ཡོད། དེ་ལྟར་དབང་གིས་ང་ཚོས་ངེས་པར་དུ་བསམ་བློ་དང་ངོས་འཛིན་དེ་ལྗོངས་ཏང་ཨུད་སྐབས་བདུན་པའི་ཨུ་ལྷན་ཚང་འཛོམས (རྒྱ་ཆེ )ཚོགས་འདུ་ཐེངས་བརྒྱད་པའི་དགོངས་དོན་ཐོག་གཅིག་གྱུར་ཡོང་བ་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་བླང་བྱ་གཞིར་བཟུང་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་ཡུན་རིང་རང་བཞིན་དང་། དཀའ་ཚེགས་རང་བཞིན། ཪྙོག་འཛིང་རང་བཞིན་བཅས་ལ་ངོས་འཛིན་གཏིང་ཟབ་དང་། ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་རྩ་བ་དེ་དམ་པོར་བཟུང་བ། བསམ་བློར་གཡོ་འགུལ་མི་གཏོང་བ། འཐབ་སེམས་མི་ཉམས་པ། སྟོབས་ཤུགས་མི་ཉམས་པ། བྱེད་ཐབས་ནུས་ལྡན་བཅས་མཐའ་གཅིག་ཏུ་བྱེད་ཐུབ་པ་བཅས་བྱས་ཏེ་སྤྱི་ཚོགས་ཀྱི་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཀྱི་ཕྱོགས་སུ་སྐུལ་འདེད་ཧུར་ཐག་གཏོང་དགོས།

    ཡུན་རིང་བདེ་འཁོད་ཡོང་བའི་རྩ་དོན་གལ་ཆེན་གནད་ལ་འཁེལ་བའི་སྒོ་ནས་སྟངས་འཛིན་བྱས་ཏེ་སྤྱི་ཚོགས་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཀྱི་ཕྱོགས་སུ་སྐུལ་འདེད་ཧུར་ཐག་གཏོང་བར་ཏཱ་ལ་དང་ཏཱ་ལའི་རུ་ཚོགས་ཀྱི་ལོག་སྤྱོད་ངོ་བོར་སྔར་བས་ངོས་འཛིན་གཏིང་ཟབ་བྱེད་དགོས། ཏཱ་ལའི་རུ་ཚོགས་ནི་བོད་ཪྙིང་པའི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་བདག་པོའི་གྲལ་རིམ་གྱི་སྟོབས་ཤུགས་ལྷག་འཕྲོའི་ཚབ་བྱེད་དང་། རྒྱལ་སྤྱིའི་དགྲ་ཡའི་ཕྱོགས་གཏོགས་ཀྱི་རྒྱབ་སྐྱོར་ཐོབ་པ་དང་སྤྱོད་པ། བོད་ཀྱི་འཕེལ་རྒྱས་བརྟན་ལྷིང་ལ་གཏོར་བཤིག་གཏོང་མཁན། “བོད་རང་བཙན ”གྱི་ལྐོག་གཡོ་བཤམས་མཁན་བཅས་ཀྱི་ཁ་ཕྲལ་རིང་ལུགས་ཀྱི་ཆབ་སྲིད་རུ་ཚོགས་ཤིག་ཡིན། ཏཱ་ལ་སྐྱེ་ཕྲེང་བཅུ་བཞི་པ་ནི་ཆབ་སྲིད་ཤོག་ཁའི་འགོ་གཙོ་དང་། ཀྲུང་གོར་ངོ་རྒོལ་བྱེད་མཁན་རྒྱལ་སྤྱིའི་སྟོབས་ཤུགས་ཀྱི་ལག་ཆ་འཁྲུལ་མེད། མིག་སྔར་བོད་དུ་སྤྱི་ཚོགས་ཟང་ཟིང་བཟོ་མཁན་གྱི་སྤྱིའི་འབྱུང་རྩ། བོད་བརྒྱུད་ནང་བསྟན་ཆོས་ལུགས་ཀྱི་རྒྱུན་གཏན་སྒྲིལ་སྲོལ་འཛུགས་རྒྱུར་བཀག་འགོག་བྱེད་མཁན་གྱི་འགོག་རྐྱེན་ཆེ་ཤོས་བཅས་ཡིན། ལྗོངས་ཡོངས་ཀྱི་རྒྱ་ཆེའི་ལས་བྱེད་པ་དང་མང་ཚོགས་ཚོས་ངེས་པར་དུ་བསམ་བློ་དང་ངོས་འཛིན་དེ་ཀྲུང་དབྱང་གི་དགོངས་དོན་དང་ལྗོངས་ཏང་ཨུད་སྐབས་བདུན་པའི་ཨུ་ལྷན་ཚང་འཛོམས (རྒྱ་ཆེ )ཚོགས་འདུ་ཐེངས་བརྒྱད་པའི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བ་བྱས་ཏེ་ཏཱ་ལ་དང་ཏཱ་ལའི་རུ་ཚོགས་ཀྱི་ལོག་སྤྱོད་ངོ་བོར་ངོས་འཛིན་གཏིང་ཟབ་དང་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་བསམ་བློའི་སློབ་གསོ་གཏིང་ཟབ་སྤེལ་དགོས་པ་ལས་ཏཱ་ལའི་རུ་ཚོགས་དང་ཏཱ་ལ་སྐྱེ་ཕྲེང་བཅུ་བཞི་པར་རེ་སྟོང་བཅངས་མི་རུང་། “དར་ཆ་གསལ་སྟོན་དང་། མདུང་རྩེ་ཁ་སྤྲོད། རང་འགུལ་སྟངས་འཛིན། མི་སེམས་བརྩོན་ལེན། རྩ་སྲ་རྨང་བརྟན ”བཅས་ཀྱི་བྱེད་ཕྱོགས་སྒོ་ཀུན་ནས་ལག་བསྟར་བྱེད་པ་དང་ཕུགས་འཕེར་གྱི་ཇུས་གཞི་འདིང་བ་དང་རྩ་བ་བརྟན་ཚུགས་ཀྱི་བྱ་ཐབས་སྤྱོད་རྒྱུའི་ཐོག་གཞོལ་ནས་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་བྱེད་ཐབས་ཁག་དོན་འཁྱོལ་བྱ་རྒྱུར་དམ་འཛིན་ཡག་པོ་བྱེད་དགོས། ལྗོངས་ཡོངས་སུ་ཏཱ་ལའི་རུ་ཚོགས་ཀྱི་ལོག་སྤྱོད་ངོ་བོར་ཐེར་འདོན་དགག་རྒྱག་གཏིང་ཟབ་བྱས་ཏེ་ཏཱ་ལའི་ཆབ་སྲིད་ཐོག་གི་ལོག་སྤྱོད་རང་བཞིན་དང་། ཆོས་ལུགས་ཐོག་གི་གཡོ་རྫུས་རང་བཞིན། བྱ་ཐབས་ཐོག་གི་མགོ་སྐོར་རང་བཞིན་བཅས་ཐེར་འདོན་བྱེད་པ་དང་། རང་འགུལ་གྱི་དབང་ཆ་སྟངས་འཛིན་ནན་པོ་བྱེད་པ། མཐའ་མཚམས་དོ་དམ་དང་ཚོད་འཛིན་ལ་ཤུགས་སྣོན་རྒྱག་པ་བཅས་བྱས་ཐོག་ཁ་ཕྲལ་ཕྱོགས་གཏོགས་ཀྱི་སིམ་འཛུལ་གཏོར་བཤིག་བྱེད་སྤྱོད་ལ་དོགས་ཟོན་ནན་པོ་དང་རྡུང་རྡེག་མཐའ་གཅིག་ཏུ་གཏོང་དགོས།

    ཡུན་རིང་བདེ་འཁོད་ཡོང་བའི་རྩ་དོན་གལ་ཆེན་གནད་ལ་འཁེལ་བའི་སྒོ་ནས་སྟངས་འཛིན་བྱས་ཏེ་སྤྱི་ཚོགས་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཀྱི་ཕྱོགས་སུ་སྐུལ་འདེད་ཧུར་ཐག་གཏོང་བར་བོད་འདི་ཉིད་མི་རིགས་མཐུན་སྒྲིལ་ལ་སྐུལ་འདེད་གཏོང་བའི་དཔེ་མཚོན་དུ་འགྱུར་རྒྱུའི་ལག་བསྟར་ཇུས་གཞིར་ཞིབ་འཇུག་ནན་ཏན་བྱེད་པ་དང་དེ་ཉིད་དམ་འཛིན་གྱིས “ཁ་འབྲལ་ཐབས་མེད་པ་གསུམ ”གྱི་བསམ་བློའི་སློབ་གསོ་གཏིང་ཟབ་སྤེལ་བ་དང་། མི་རིགས་མཐུན་སྒྲིལ་ཡར་ཐོན་གྱི་གསར་གཏོད་བྱེད་སྒོ་ཟབ་ཏུ་གཏོང་བ། རྒྱལ་གཅེས་འཐབ་ཕྱོགས་གཅིག་གྱུར་སྔར་བས་འཕེལ་རྒྱས་དང་སྟོབས་ཆེར་གཏོང་བ། “མཐའ་དར་དམངས་ཕྱུག ”གི་བྱ་སྤྱོད་ལག་བསྟར་ཡག་པོ་བྱེད་པ། འདྲ་མཉམ་དང་། མཐུན་སྒྲིལ། རོགས་རེས། མཐུན་སྦྱོར་བཅས་ཀྱི་སྤྱི་ཚོགས་རིང་ལུགས་ཀྱི་མི་རིགས་འབྲེལ་བ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་གཏོང་བ་བཅས་བྱས་ཏེ་མི་རིགས་ཁག་འཆམ་མཐུན་མཉམ་གནས་དང་། ཕྱར་བ་གྲུ་འདེགས། མཐུན་སྦྱོར་འཕེལ་རྒྱས་བཅས་ཡོང་རྒྱུར་སྐུལ་འདེད་གཏོང་དགོས།

    ཡུན་རིང་བདེ་འཁོད་ཡོང་བའི་རྩ་དོན་གལ་ཆེན་གནད་ལ་འཁེལ་བའི་སྒོ་ནས་སྟངས་འཛིན་བྱས་ཏེ་སྤྱི་ཚོགས་ཀྱི་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཀྱི་ཕྱོགས་སུ་སྐུལ་འདེད་ཧུར་ཐག་གཏོང་བར་དགོན་པའི་རྒྱུན་གཏན་གྱི་སྒྲིག་ལམ་འཛུགས་པ་དང་སྲུང་སྐྱོང་བྱེད་པ་དང་། དགོན་པའི་དོ་དམ་དེ་སྤྱི་ཚོགས་དོ་དམ་གྱི་ཁྱབ་ཁོངས་སུ་འཇོག་པ། དགོན་པའི་ཁྲིམས་ལུགས་དྲིལ་བསྒྲགས་སློབ་གསོ་གཏིང་ཟབ་ཏུ་གཏོང་བ། གྲྭ་བཙུན་གྱི་ཀྲུང་ཧྭ་མི་རིགས་ཀྱི་འདུ་ཤེས་དང་། རྒྱལ་ཁབ་ཀྱི་འདུ་ཤེས། ཁྲིམས་ལུགས་ཀྱི་འདུ་ཤེས། སྤྱི་དམངས་ཀྱི་འདུ་ཤེས་བཅས་ཆེ་རུ་གཏོང་བ། རང་རྟོགས་ངང་མེས་རྒྱལ་ཁ་ཕྲལ་གཏོང་བའི་བྱེད་སྤྱོད་དང་སྤྱི་ཚོགས་སྒྲིག་ལམ་ཟང་ཟིང་བཟོ་བའི་ནང་མི་ཞུགས་པར་དགོན་པ་རྒྱུན་མཐུད་ངང་བརྟན་ལྷིང་ཡོང་བའི་འགན་ལེན་བྱེད་པ་དང་བོད་བརྒྱུད་ནང་བསྟན་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པ་བྱ་རྒྱུར་ཁྲིད་སྟོན་ཧུར་ཐག་བྱེད་དགོས།

    ཡུན་རིང་བདེ་འཁོད་ཡོང་བའི་རྩ་དོན་གལ་ཆེན་གནད་ལ་འཁེལ་བའི་སྒོ་ནས་སྟངས་འཛིན་བྱས་ཏེ་སྤྱི་ཚོགས་ཀྱི་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཀྱི་ཕྱོགས་སུ་སྐུལ་འདེད་ཧུར་ཐག་གཏོང་བར་སྤྱི་ཚོགས་དོ་དམ་སྒྲིག་གཞི་འཐུས་སྒོ་ཚང་དུ་གཏོང་བ་དང་སྤྱི་ཚོགས་དོ་དམ་བྱེད་ཐབས་གསར་གཏོད་བྱེད་དགོས། མི་དམངས་ནང་ཁུལ་གྱི་འགལ་བ་ཐག་གཅོད་ཡང་དག་བྱེད་པ་དང་། སྤྱི་ཚོགས་ཀྱི་འགལ་བ་དང་རྩོད་གཞི་ནན་ཏན་ངང་གྲལ་བཤེར་བྱེད་པ་དང་སེལ་བ། སྤྱི་ཚོགས་ཀྱི་གནས་ཚུལ་དང་དམངས་ཀྱི་འདོད་བློ་དུས་ཐོག་ཏུ་ཁོང་དུ་ཆུད་པ་བྱེད་པ། སྤྱི་ཚོགས་ཀྱི་གླེང་ཕྱོགས་ལ་ཁྲིད་སྟོན་ཡང་དག་བྱེད་པ། བརྟན་ལྷིང་མེད་པའི་མྱུ་གུ་དང་མངོན་མེད་རྐྱེན་ངན་ནུས་ཤུགས་ཡོད་རྒུས་སེལ་བ། འབྱུང་རྩ་ནས་སྤྱི་ཚོགས་མཐུན་སྦྱོར་མེད་པའི་སྣང་ཚུལ་སྔོན་འགོག་བྱེད་པ་དང་ཉུང་དུ་གཏོང་བ་བཅས་བྱེད་དགོས། ཉེས་དོན་ཉེས་གསོག་གི་བྱེད་སྤྱོད་སྣ་ཚོགས་ལ་ཁྲིམས་ལྟར་རྡུང་རྡེག་ནན་པོ་གཏོང་བ་དང་། བརྟན་ལྷིང་སྲུང་སྐྱོང་གི་ཆེད་དོན་སྟོབས་ཤུགས་འཛུགས་སྐྲུན་ལ་སྒོ་ཀུན་ནས་ཤུགས་སྣོན་རྒྱག་པ། ཐོལ་བྱུང་སྤྱི་པའི་བདེ་འཇགས་ཀྱི་དོན་རྐྱེན་ལ་མགྱོགས་མྱུར་ཁ་གཏད་གཅོག་པ་དང་ནུས་ལྡན་ངང་ཐག་གཅོད་བྱེད་པའི་ནུས་པ་ཆེ་རུ་གཏོང་བ་བཅས་བྱེད་དགོས།

    མཐུན་སྒྲིལ་བརྟན་ལྷིང་ནི་བདེ་སྐྱིད་དང་ཁ་ཕྲལ་ཟང་ཟིང་ནི་ཆག་སྒོ་ཡིན། རང་ལྗོངས་སུ་ཡུན་རིང་བདེ་འཁོད་ཡོང་བ་བྱེད་པའི་ལས་འགན་ནི་ཧ་ཅང་དཀའ་ཚེགས་ཆེ་བ་ཞིག་ཡོད་པས་ལྗོངས་ཡོངས་ཀྱི་གོང་འོག་ཚང་མས་ཀྲུང་དབྱང་གི་འཐབ་ཇུས་བཀོད་སྒྲིག་ལ་གཞིགས་ཏེ་ལྗོངས་ཏང་ཨུད་སྐབས་བདུན་པའི་ཨུ་ལྷན་ཚང་འཛོམས ( རྒྱ་ཆེ )ཚོགས་འདུ་ཐེངས་བརྒྱད་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་བློ་བརྟན་འགྱུར་མེད་ངང་སྤྱི་ཚོགས་བརྟན་ལྷིང་ལ་སྲུང་སྐྱོང་བྱེད་པའི་ལས་དོན་ཁག་དམ་འཛིན་ཡག་པོ་བྱས་ཚེ་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་མཐའ་མའི་རྒྱལ་ཁ་ལེན་ཐུབ་ངེས་ཡིན་ལ་སྤྱི་ཚོགས་ཀྱི་དུས་བབ་མུ་མཐུད་བརྟན་ལྷིང་ནས་ཡུན་རིང་བདེ་འཁོད་ཡོང་ངེས་ཡིན།