2015ལོའི་ཟླ་4ཚེས་25ཉིན་ཡོམ་ཚོར་ཆེན་པོ་ཞིག་གིས་ཧི་མ་ལ་ཡའི་ངོག་གཉིས་ལ་གཡོ་འགུལ་ཐེབས། བོད་ཀྱི་གཞིས་རྩེ་གྲོང་ཁྱེར་གྱི་རྫོང་ཁ་ཤས་ལ་གནོད་འཚེ་ཚབས་ཆེན་བྱུང་ནས་མི་སྣ་ཤི་རྨས་བྱུང་ཡོད། ཤེས་རྟོགས་བྱུང་བར་གཞིགས་ན། འདི་ནི་དུས་རབས་འདིའི་ནང་སྐམ་སའི་སྟེང་ཐོན་པའི་ས་ཡོམ་རིམ་པ་བརྒྱད་བརྒྱབ་པ་ཐེངས་ལྔ་པ་དེ་ཡིན།  ནེ་པ་ལ་ནི་ས་ཡོམ་ཁྲོད་གནོད་འཚེ་ཚབས་ཆེ་ཤོས་ཕོག་པའི་རྒྱལ་ཁབ་ཞིག་ཡིན་པས།  མངའ་ཁོངས་སུ་མི་4000ལྷག་ཙམ་རྐྱེན་ལམ་དུ་ཤོར་བ་མ་ཟད་གྲངས་གཞི་དེ་མུ་མཐུད་འཕར་བཞིན་ཡོད།

གནོད་འཚེ་ཆེན་པོ་འཕྲད་སྐབས།ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་གནོད་འཚེ་ཁུལ་གྱི་གནས་ཚུལ་ལ་གཞིགས་ནས་བཀོད་སྒྲིག་དང་། ཁྲལ་སྡོམ་རོགས་སྐྱོབ་བྱས་ཏེ་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐུགས་ཁུར་གནོད་འཚེ་ཕོག་ཁུལ་མང་ཚོགས་ཁྲོད་བརྒྱུད་སྤྲོད་བྱས་ཡོད་པ་རེད།

གནོད་འཚེ་ཕོག་རྗེས་མི་རྣམས་ཀྱི་ཚེ་སྲོག་དང་རྒྱུ་ནོར་སོགས་ལ་གྱོང་གུན་ཆེན་པོ་ཕོག་པའི་སྐབས་དང་ཐོག་འཐབ་ས་མདུན་མར་བསྐྱོད་མཁན་དང་།རོགས་སྐྱོབ་བྱེད་པར་བསྐྱོད་མཁན།རྒུད་སྐྱོབ་ཁུལ་དང་ཉེན་ཁའི་ཁུལ་དུ་བསྐྱོད་མཁན་ནི་དམག་ཆས་གྱོན་པའི་མི་དམངས་བཅིངས་འགྲོལ་དམག་རེད། ཁོ་ཚོས་ཡོམ་འཕྲོ་ཟམ་མི་ཆད་པའི་གནས་ཚུལ་འོག་དཀའ་ངལ་ལ་མི་འཛེམས་པ་དང་ཤི་རྒྱུར་མི་སྐྲག་པའི་སྙིང་སྟོབས་འདོན་སྤེལ་བྱས་ཏེ་    བློ་སྟོབས་གཅིག་སྒྲིལ་དང་།དཀའ་ངལ་ལ་མི་འཛེམས་པ།ཉིན་མཚན་མེད་པར་འབད་ཐབས་བྱས་སྟེ་རྒུད་སྐྱོབ་ལས་ལ་སྐར་ཆ་རྩོད་ལེན་བྱས་ནས་གང་ཐུབ་ཅི་ཐུབ་ཀྱིས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་གྱོང་གུན་དམའ་རུ་བཏང་ཡོད། ཁོ་ཚོས་ལག་གཉིས་ལ་བརྟེན་ཏེ་གྱང་རོའི་ཁྲོད་ནས་ཚེ་སྲོག་སྐྱོབ་བཞིན་ཡོད།དེས་དེང་རབས་མི་དམངས་བཅིངས་འགྲོལ་དམག་གི་“སླེབས་ཐུབ་པ་དང་།དམག་རྒྱག་ཐུབ་པ།དམག་ལས་རྒྱལ་ཐུབ་པ་”བཅས་ཞུམ་མེད་ཀྱི་སྙིང་སྟོབས་དེ་མངོན་ཡོད།

གནོད་འཚེ་ཕོག་རྗེས་ཆུ་ཚོད་གཅིག་ཙམ་ཡང་མ་སོང་པར་དྲ་བའི་ཐོག་མི་དམངས་བཅིངས་འགྲོལ་དམག་ལས་ཡུལ་དངོས་སུ་ཡོམ་འགོག་གེགས་སེལ་བྱེད་པ།རྨས་སྐྱོན་ཕོག་པའི་མ་རྒན་སྐྱོབ་པ།གཉེན་ཉེ་དོར་བའི་ཕྲུ་གུར་སེམས་གསོ་བྱེད་པ།རྨས་སྐྱོན་ཕོག་པའི་ཕྱུག་ཟོག་སྐྱོབ་པ་སོགས་ཀྱི་པར་དྲ་ཐོག་ཏུ་ཐོན་མ་ཐག་དྲ་མི་རྣམས་ཀྱི་མོས་གུས་དང་བརྒྱུད་གཏོང་བྱེད་བཞིན་ཡོད།

མི་རྣམས་ཀྱིས་ཡོམ་འགོག་གེགས་སེལ་གྱི་ལས་ཡུལ་དངོས་ལ་བལྟ་སྐབས།རང་བྱུང་གནོད་འཚེར་སྙིང་རྗེ་མེད་ཀྱང་མི་ཡུལ་དུ་བརྩེ་བས་ཁེངས་པ་མཚོན་པ་མ་ཟད།ཀྲུང་ཧྭ་མི་རིགས་མཐུན་སྒྲིལ་མཛའ་བརྩེའི་ལེགས་སྐྱེས་ཀྱི་སྙིང་སྟོབས་དང་།ཕྱོགས་གང་ཞིག་ཏུ་གནོད་འཚེ་ཕོག་ཀྱང་དེ་གར་བཅིངས་འགྲོལ་དམག་ཡོད་པ་དེ་མཚོན་ཡོད།སྲོག་སྐྱོབ་དྲིན་ཆེན་ལ་དུས་ནམ་ཡང་སློབ་སྦྱོང་བྱེད་དགོས།

རྒྱལ་ཡོངས་མི་དམངས་ཀྱི་རོགས་སྐྱོར་དང་ཡོམ་འགོག་གེགས་སེལ་ཁྲོད་ཞུགས་མཁན་མི་སྣ་ཡོངས་ཀྱི་འབད་ཐབས་དང་གེགས་ཁུལ་མི་དམངས་ཀྱི་ཐུན་མོང་འབད་བརྩོན་འོག་ད་ཐེངས་ཀྱི་ཡོམ་འགོག་གེགས་སེལ་དང་ཁྱིམ་གཞིས་བསྐྱར་སྐྲུན་ཐད་གྲུབ་འབྲས་ངེས་ཅན་ཞིག་ཐོབ་ངེས་ཡིན།