གསར་འགོད་པར་ཉེ་དུས་འཚོགས་པའི་ལྗོངས་ཡོངས་ཀྱི་ཞིང་འབྲེལ་མ་དངུལ་གྱི་ཆེད་དམིགས་བཅོས་སྒྲིག་བྱ་སྤྱོད་ཀྱི་བརྙན་འཕྲིན་ཁ་པར་ཚོགས་འདུའི་ཐོག་ནས་ཤེས་རྟོགས་བྱུང་བར་གཞིགས་ན། “ལོ་ལྔ་ཚན་བཅུ་གཉིས་པ”ཚུན་དུ་རང་ལྗོངས་ཀྱི་ནོར་སྲིད་ཀྱིས“ཞིང་གསུམ”ལ་མ་འཇོག་བྱེད་ཚད་མངོན་གསལ་དོད་པོས་མང་དུ་ཕྱིན་ནས་མིག་སྔར་སྒོར་དུང་ཕྱུར་６２６．６７ཙམ་ཟིན་ཏེ་ལོ་རེར་ཆ་སྙོམས་１０．６％འཕར་ཡོད་པ་རེད།
ཀྲུང་དབྱང་གི་ཐུགས་ཁུར་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚད་མཐོའི་མཐོང་ཆེན་འོག་ཉེ་བའི་ལོ་ཤས་རིང་རང་ལྗོངས་ཀྱིས་ཞིང་དར་ཞིང་ཕན་དང་ཞིང་ཕྱུག་སྲིད་ཇུས་ལག་ལེན་བསྟར་ཤུགས་ཟམ་མི་ཆད་པར་ཆེ་རུ་བཏང་ཡོད། སྲིད་གཞུང་གིས་འགན་ནུས་ཕྱོགས་ཡོངས་ནས་ལག་ལེན་བསྟར་བའི་དངོས་པོའི་རྨང་གཞི་གལ་ཆེན་དང“ཞིང་གསུམ”ལས་ཀའི་མ་དངུལ་འགན་ལེན་གྱི་མ་འཇོག་བྱེད་མཁན་གཙོ་བོ་ཡིན་པའི་ནོར་སྲིད་ཀྱིས“ཞིང་གསུམ”ལ་མ་འཇོག་བྱེད་ཚད་མངོན་གསལ་དོད་པོས་མང་དུ་བཏང་བས་རང་ལྗོངས་ཀྱི“ཞིང་གསུམ”ལས་དོན་གོང་འཕེལ་ཡོང་བར་སྐུལ་མ་ནུས་ལྡན་ཐེབས་ཡོད།