གསར་འགོད་པས་ཉེ་དུས་ཀྲུང་གོ་མི་དམངས་དངུལ་ཁང་མངའ་རིས་ས་ཁུལ་ལྟེ་བའི་ཉིང་ལག་དངུལ་ཁང་ནས་ཤེས་རྟོགས་བྱས་པར། མངའ་རིས་ས་ཁུལ་ཞིང་འབྲོག་ཁུལ་གྱི་དངུལ་རྩའི་རྨང་གཞིའི་ཞབས་ཞུའི་སྒྲིག་ཆས་ཚད་བརྒལ་རང་བཞིན་གྱིས་ལེགས་སུ་སོང་ཞིང་། ཟླ་གསུམ་པའི་ཟླ་མཇུག་བར་ས་ཁུལ་ཡོངས་སུ་ཞིང་ཕན་དངུལ་ལེན་ཞབས་ཞུའི་ས་ཚིགས་２１６འཕེལ་རྒྱས་བཏང་བ་དེ་ཤང་གྲོང་３７དང་སྲིད་འཛིན་གྲོང་ཚོ་１４３ལ་ཁྱབ་པ་དང་། ཤང་གྲོང་ལ་ཁྱབ་ཚད་１００％ཟིན་ཡོད་པ་རེད།
ཉེ་བའི་ལོ་ཤས་རིང་མི་དམངས་དངུལ་ཁང་མངའ་རིས་ལྟེ་བའི་ཉིང་ལག་དངུལ་ཁང་གིས་མངའ་རིས་ས་ཁུལ་དང་བོད་ཀྱི་ས་ཁུལ་གཞན་དག་དབར་གྱི་གཏོང་སྤྲོད་ཞབས་ཞུའི་ཆུ་ཚད་ཀྱི་ཧེ་བག་ཆུང་དུ་བཏང་ཞིང་། དུས་འགོའི་བརྟག་དཔྱད་དང་ཞིང་འབྲེལ་དངུལ་ཁང་སྒྲིག་གཞིའི་དབར་མཐུན་སྦྱོར་གང་ལེགས་བྱས་རྗེས《མངའ་རིས་ཀྱི་ཞིང་འབྲོག་ཁུལ་དུ་གཏོང་སྤྲོད་ཁོར་ཡུག་འཛུགས་སྐྱོང་གི་ལག་བསྟར་བསམ་འཆར》བཟོས་ནས“ཤང་ཚང་མར་དངུལ་ཁང་དྲ་ཚུགས་ཡོད་པ་དང་། གྲོང་ཚོ་ཚང་མར་དངུལ་རྩའི་ཞབས་ཞུ་ཡོད་པ། དུད་ཚང་ཚང་མར་དངུལ་ཁང་གཱ་ཡོད་པ”བཅས་ཀྱི་ལས་ཀའི་དམིགས་ཚད་ཁ་གསལ་ཡོང་བ་དང་འཕྲིན་གཏོང་དང་གློག་ཤུགས་སོགས་སྡེ་ཚན་དང་འབྲེལ་བ་དང་མཐུན་སྦྱོར་ཧུར་ཐག་བྱས་ཏེ་གྲོང་གསེབ་ཁག་ཏུ་ཞིང་ཕན་དངུལ་ལེན་ཞབས་ཞུ་འཕེལ་རྒྱས་གཏོང་བར་ཚོད་འཛིན་བཟོ་བའི་རྒྱུ་རྐྱེན་རིམ་བཞིན་ཐག་གཅོད་བྱས་པས་ཞིང་ཕན་དངུལ་ལེན་ཞབས་ཞུ་དེ་ཤང་གྲོང་ཚང་མར་ཁྱབ་ཡོད་པ་རེད།