ད་ཕན་ལོ་ཤས་རིང་། རང་སྐྱོང་ལྗོངས་ཀྱིས་ལས་ཞུགས་སྐུལ་ཁྲིད་དང་འབབ་འཕར་ཕྱུག་འགྱུར་ཁྲོད་ཀྱི་མི་རིགས་ལག་ཤེས་བཟོ་ལས་ཀྱི་ནུས་པ་གལ་ཆེན་ལ་ཚད་མཐོའི་མཐོང་ཆེན་བྱས་ཏེ་བོད་རུམ་དང་། སྤོས། ཐང་ག སྣམ་བུ། བོད་གྲི་སོགས་ཁྱད་ལྡན་མི་རིགས་ལག་ཤེས་བཟོ་ལས་འཕེལ་རྒྱས་མགྱོགས་སུ་འགྲོ་རྒྱུར་སྐུལ་འདེད་ཧུར་ཐག་བཏང་བར་བརྟེན་རང་ལྗོངས་ཀྱི་མི་རིགས་ལག་ཤེས་བཟོ་ལས་ལ་འཕེལ་རྒྱས་ཀྱི་གོ་སྐབས་གསར་པ་འཕྲད་ཡོད། འདི་ནི་ཆུ་ཤུར་རྫོང་འཇུན་པ་གྲོང་ཚོའི་གྲོང་མི་ཉི་མས་ཉ་གྲོང་གི་ཁྱད་ཆོས་ལྡན་པའི་ཀོ་ཆས་སྣ་ཚོགས་འཚོང་བའི་གནས་ཚུལ་ཡིན་ཞིང་། ན་ནིང་ཁོང་ཁྱིམ་ལ་རྣམ་གྲངས་དེ་ཁོ་ན་ནས་ཡོང་འབབ་སྒོར་ཁྲི་８ལྷག་ཙམ་བྱུང་བ།