2015ལོའི“བོད་ཀྱི་དཔལ་འབྱོར་མྱུར་ཚད”མི་ཆག་པར་དཔལ་འབྱོར་འཕར་ཚད་ཀྱི་དམིགས་ཚད་12％ཀྱི་མཐོ་ཚད་མུ་མཐུད་རྒྱུན་འཁྱོངས་ཐུབ་རྒྱུ་ཡིན་པ་རེད།

ཞིང་ཆེན（རང་སྐྱོང་ལྗོངས་དང་གྲོང་ཁྱེར）31གིས་ལོ་སྟོད་ཀྱི་དཔལ་འབྱོར་འཕེལ་རྒྱས་གྲངས་གཞི་ཁྱབ་བསྒྲགས་བྱས་པ་ལྟར་ན།　གངས་ལྗོངས་ས་མཐོར་གནས་པའི་བོད་རང་སྐྱོང་ལྗོངས་ཀྱིས་རྒྱལ་ནང་གི་སྒྱུར་བཅོས་ལས་བྱུང་བའི་ཁེ་སྤོགས་ཀྱི་ཕན་པ་ཐོབ་པའི་འོག་ལོ་ཧྲིལ་པོར་ལྗོངས་ཡོངས་ཀྱི་ཐོན་སྐྱེད་རིན་ཐང་བསྡོམས་འབོར་འཕར་ཚད་12％ཟིན་ནས་སྒོར་དུང་ཕྱུར་925ཟིན་པ་དེ་ལོ་21བསྟུད་མར་འཕར་ཚད་གྲངས་གནས་གཉིས་རྒྱུན་འཁྱོངས་ཐུབ་ཡོད།

2015ལོའི་བོད་རང་སྐྱོང་ལྗོངས་ཀྱི་སྲིད་གཞུང་ལས་དོན་སྙན་སྒྲོན་ལས།　2014ལོར་རྒྱལ་ཡོངས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་925ཟིན་ནས་འཕར་ཚད་12％དང་།　སྤྱི་ཚོགས་ཀྱི་འཛད་སྤྱོད་སིལ་རྫས་བསྡོམས་འབོར་འཕར་ཚད་12.9％དང་།　སྤྱི་པའི་ནོར་སྲིད་སྔོན་རྩིས་ཡོང་སྒོ་འཕར་ཚད་30.8％　གྲོང་གསེབ་ཀྱི་གྲོང་མི་མི་རེར་ཆ་སྙོམས་བཀོལ་སྤྱོད་ཆོག་པའི་ཡོང་འབབ་འཕར་ཚད་14％ཟིན་པ་བཅས་དཔལ་འབྱོར་གྱི་དམིགས་ཚད་དེ་དག་འཕར་ཚད་ཆ་སྙོམས་རྒྱལ་ཡོངས་ཀྱི་མདུན་གྲས་སུ་སླེབས་པ་མངོན།

“བོད་ཀྱི་དཔལ་འབྱོར་འཕེལ་རྒྱས་མྱུར་ཚད”རྒྱུན་འཁྱོངས་ཐུབ་ཚུལ་ཅི་ཡིན་ཞེ་ན།　དེའི་སྐོར་ལ་ཀྲུང་གོ་བོད་ཤེས་རིག་ཞིབ་འཇུག་ལྟེ་གནས་ཀྱི་ཞིབ་འཇུག་པ་ལེན་ཤང་མིང་གིས་དབྱེ་ཞིབ་དེ་ལྟར་བྱས་པ་སྟེ།　རྒྱུ་རྐྱེན་གཙོ་བོ་ནི་བོད་ཀྱི་དཔལ་འབྱོར་གྱི་དམིགས་བསལ་རང་བཞིན་ལ་རག་ལུས་པས་ཡིན།　བོད་ཀྱི་དཔལ་འབྱོར་འཕར་ཚད་ལོ་21བསྟུད་མར་གྲངས་གནས་གཉིས་རྒྱུན་འཁྱོངས་ཐུབ་ནའང་།　དེའི་དཔལ་འབྱོར་བསྡོམས་འབོར་ཧ་ཅང་དམའ་བས་ＧＤＰརིན་ཐང་བསྡོམས་འབོར་གྱིས་རྒྱལ་ཡོངས་ཀྱི་1.45‰ལས་ཟིན་མེད་པས་རྒྱལ་ནང་དུ་སྒོར་དུང་ཕྱུར་ཆིག་སྟོང་ནང་ལུས་པའི་ཞིང་ཆེན་གཅིག་པུ་དེ་ཡིན་སྟབས་འཕར་ཚད་ཀྱི་གཏིང་ཤུགས་ཆེན་པོ་ལྡན་ཡོད།

ལེན་ཤང་མིང་གིས་བོད་ཀྱི་དཔལ་འབྱོར་ཉིད་མ་འཇོག་སྐུལ་ཁྲིད་ལ་གཙོ་བོར་བརྟེན་པའི་ཁར་ཀྲུང་དབྱང་དང་ཞིང་ཆེན་དང་གྲོང་ཁྱེར་ཁག་གིས་བོད་ལ་རོགས་སྐྱོར་བྱས་ནས་བོད་ཀྱི་ＧＤＰཡི་འཕར་ཚད་མཐོ་པོ་ཡོང་བར་རྨང་གཞི་བཏིང་ཡོད།　2015ལོ་ནི“ལོ་ལྔ་ཚན་བཅུ་གཉིས་པའི”འཆར་འགོད་མཇུག་འགྲིལ་བའི་ལོ་ཡིན་པར་བརྟེན་རྣམ་གྲངས་གཙོ་བོར་མ་འཇོག་གིས་མགྱོགས་མྱུར་བསྐྲུན་པ་དང་འགོ་མ་ཚུགས་པའི་རྣམ་གྲངས་ཡང་ཁྱོན་ཡོངས་ནས་འགོ་འཛུགས་འགོ་ཚུགས་པ་ཕུད།　བོད་སྐྱོར་ལམ་སྲོལ་རིམ་པས་འཐུས་སྒོ་ཇེ་ཚང་དུ་གཏོང་བའི་ཆ་རྐྱེན་འོག་བོད་སྐྱོར་མ་འཇོག་བྱ་རྒྱུ་སྔར་བས་ལུགས་མཐུན་དང་བརྟན་པོ་ཡོང་བས“བོད་ཀྱི་དཔལ་འབྱོར་མྱུར་ཚད་ད་དུང་ཅུང་མགྱོགས་སུ་བཏང་ཆོག　དེ་ལྟར་བྱུང་ཚེ་གཞི་ནས་རྒྱལ་ཡོངས་གོམ་སྟབས་ཀྱི་རྗེས་སྙེག་ཐུབ་ངེས”ཞེས་བཤད།

བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་དཔལ་འབྱོར་འཐབ་ཇུས་ཞིབ་འཇུག་ཁང་གི་འགན་འཛིན་གཞོན་པ་ཧོ་ཀང་གིས་ད་ཆ་བོད་ཡོངས་ལ་ཞིང་འབྲོག་པ་ཁྲི་2.7དབུལ་པོའི་གནས་ནས་སྒྲོལ་ཐུབ་མེད་པས་སྔར་བཞིན་ཀྲུང་གོའི་གཅིག་སྡུད་ཡུག་འབྲེལ་གྱི་དབུལ་པོའི་ས་ཁུལ་ཞིག་ཡིན་ཞེས་བཤད།

གྲངས་གཞི་ལས་མངོན་པ་ལྟར་ན།　2014ལོ་ནི་བོད་ཀྱི་གྲོང་ཁྱེར་དང་གྲོང་རྡལ་གྱི་གྲོང་མི་མི་རེར་ཆ་སྙོམས་ཡོང་འབབ་སྒོར་22026ཟིན་ནས་རྒྱལ་ཡོངས་ཀྱི་ཆ་སྙོམས་ཆུ་ཚད་ཀྱི་76％ལས་ཟིན་མེད་པ་དང་།　མི་འབོར་དབུལ་པོས་ཞིང་འབྲོག་མི་འབོར་བསྡོམས་འབོར་གྱི་18.73％ཟིན་པས་བོད་ཀྱིས་རྒྱལ་ཡོངས་དང་མཉམ་དུ་འབྱོར་འབྲིང་སྤྱི་ཚོགས་སྒོ་ཀུན་ནས་བསྐྲུན་པར་ངེས་པར་དུ་ལས་དོན་ཁག་ལ་སྐུལ་མ་གཏོང་བའི་ནང་དཔལ་འབྱོར་གྱི་འཕར་ཚད་མཐོ་རུ་གཏོང་རྒྱུ་འགག་རྩ་ཡིན་པ་རེད།

2015ལོར་བོད་ཀྱིས་མ་འཇོག་སྐུལ་ཁྲིད་དང་།　ཐོན་ལས་ལ་འདེགས་སྐྱོར།　དབུལ་སྒྲོལ་འགག་སྒྲོལ་བཅས་ལ་ཤུགས་སྣོན་ཆེས་ཆེར་བརྒྱབ་ནས་དཔལ་འབྱོར་རྒྱུན་སྲིང་ངང་མགྱོགས་མྱུར་སྐྱོན་བྲལ་འཕེལ་རྒྱས་ཡོང་བར་སྐུལ་མ་བཏང་ནས་འདི་ལོ་སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ལ་མ་འཇོག་སྒོར་དུང་ཕྱུར་1300ལས་ཚད་བརྒལ་ཡོང་བ་བྱས་ནས་ན་ནིང་གི་དུས་མཚུངས་ལས་20％ཡན་འཕར་བ་བྱ་རྒྱུ་ཡིན་པ་རེད།

གཞན་ཡང་།　མཚོ་བོད་ལྕགས་ལམ་སྣུར་སྲིང་ལམ་ཐིག་གི་ལྷ་ས་ནས་གཞིས་རྩེ་དབར་གྱི་ལྕགས་ལམ་ཤར་བགྲོད་འཁོར་སྐྱོད་དང་།　དེ་སྔའི་ནེ་པ་ལའི་ཉོ་ཚོང་འགག་སྒོ་ཆེ་ཤོས་སྐྱིད་གྲོང་འགག་སྒོ་རྒྱ་ཆེར་བཏང་ནས་སྒོ་ཕྱེ་བ།　བོད་སྐྱོད་ལྕགས་ལམ་གཉིས་པ་ཡིན་པའི་ཁྲོན་བོད་ལྕགས་ལམ་དངོས་སུ་སྐྲུན་འགོ་ཚུགས་པ།　བོད་ཀྱིས་འདི་ལོ་ཇོ་རིའི་དཔལ་འབྱོར་ཁུལ་བསྐྲུན་རྒྱུ་སོགས་ཕན་ཡོད་རྒྱུ་རྐྱེན་སྣ་ཚོགས་དབང་གིས་བོད་ཀྱི་དཔལ་འབྱོར་གྱི་ནང་གནས་འཕར་གཞིར་སྒུལ་ཤུགས་གསར་པ་སྦྱིན་རྒྱུ་རེད།

བོད་ཀྱི་དཔལ་འབྱོར་འཕེལ་རྒྱས་ལ་དོ་ཁུར་བྱེད་མཁན་རིགས་གཅིག་མཁས་པ་ཁག་གཅིག་གིས་ཀྲུང་དབྱང་གི་མ་འཇོག་དང་རྒྱལ་ཡོངས་ཀྱི་རྒྱབ་སྐྱོར་ཐོག་བོད་རང་གི་རང་ངོས་འཕེལ་རྒྱས་ཀྱི་ནུས་པ་རྒྱུན་མི་ཆད་པར་ཆེ་རུ་སོང་བའི་དབང་གིས་འཕར་ཚད་ཀྱི་མྱུར་ཚད་12％བསྒྲུབ་རྒྱུ་སྤྱིར་ན་དཀའ་གནད་མེད་པའི་ངོས་འཛིན་བྱས།

བོད་ལྗོངས་སློབ་ཆེན་དཔལ་འབྱོར་དོ་དམ་སློབ་གླིང་གི་འགན་འཛིན་ཐུབ་བསྟན་མཁས་གྲུབ་ཀྱིས་བོད་ཉིད་མ་འཇོག་ལ་བརྟེན་པའི་མངོན་གསལ་དོད་པའི་དཔལ་འབྱོར་གནས་སྟངས་ཤིག་ཏུ་གྱུར་པས་འབྱུང་འགྱུར་འཕེལ་རྒྱས་ཁྲོད་ངེས་པར་དུ“རྐང་པ་གཉིས་འཛུགས”མཁས་དགོས་པས།　ནས་དང་།　ལྷད་མེད་ཆུ།　བོད་སྨན།　ཞིང་འབྲོག་ཐོན་ཟོག་སོགས་ཁྱད་ལྡན་ཐོན་ལས་སྐྱེད་སྲིང་བྱེད་མགྱོགས་སུ་དང་ཡུལ་སྐོར་ལས་རིགས་སོགས་ཐོན་ལས་གསུམ་པ་འཕེལ་རྒྱས་རྒྱུན་མི་ཆད་པར་བཏང་ནས་བོད་ཀྱི་ཐོན་ཁུངས་ལེགས་ཆ་དེ་དཔལ་འབྱོར་འཕར་བའི་སྒུལ་ཤུགས་སུ་འགྱུར་བ་བྱེད་དགོས་ཞེས་བཤད།