བཅུ་པའི་ཉེར་གཉིས་ཀྱི་དགོང་མོ།

གཉིད་མ་ཁུག་པའི་ས་གཞིས།

སྦྲ་ཆེན་གྱི་མི་རྣམས་མལ་ལས་དཀྲོགས།

གློ་བུར་དུ།

རྩིག་པ་ཡོ་ཞིང་འགྱེལ།

དཀར་ཡོལ་ཐང་དུ་ལྷུང་།

གྲང་ངར་གྱི་མཚན་མོ་དེར་ཕྲུ་གུས་ངུ་བཞིན་འདུག་ལ།

ནོར་ལུག་ཀྱང་གང་དུ་བྲོས་སའི་ཁ་ཕྱོགས་མ་རྙེད།

བཅུ་དྲུག་གི་ཚེ་སྲོག་བཅོམས་ཤིང་།

དོན་དྲུག་ལ་རྨ་ཁ་གཏད།

ཁང་པ་སུམ་བརྒྱ་ལྷག་ཙམ།

ཁྱིམ་ཚང་ཞིག་ཡིན་པ་ནས།

ད་ལྟ་ས་རྡོ་དང་། ཞིག་རོར་གྱུར།

ཡིན་ནའང་། སྦྲ་ཆེན་དུ་ཐོན་པ་ནི་ཞིག་རོ་ཁོ་ན་མིན།

ཉེན་རྟོག་པས་གློག་སྒྲོན་བསྟན་ཏེ། ཞིག་ཤུལ་ནས་མི་མིང་འབོད་བཞིན་མཆིས།

སྨན་པས་སྤྱི་ལེ་བརྒྱ་ཕྲག་གི་ཕ་རོལ་ནས་ཕེབས་ཏེ། ནམ་མ་ལངས་གོང་རྨ་རས་དཀྲིས།

མེ་གསོད་རུ་ཁག་གིས་རྡོ་ཧྲུག་ཐོག་ཏུ་པུས་མོ་བཙུགས་ཏེ། ལག་ཤུབས་རལ་ཡང་སྔོག་བཞིན་སྣང་།

འབྲོག་པ་རང་ཉིད་ལྷིང་ཆགས་མ་བྱུང་རུང་། སྦྲ་གུར་ནི་རྒན་རྒོན་དང་སྦྲུམ་མར་སྔོན་ལ་ཕུལ།

ས་མཐོའི་གྲང་ངར་གྱི་ཁྲོད་དུ། ལ་ལས་དྲོ་འཇམ་མལ་གོས་སྔོན་ལ་གཞན་གྱི་ལུས་སུ་གཡོགས།

ཁོ་བོས་འཇིགས་སྣང་བསྐུལ་བ་མིན།

ཡོམ་འཕྲོ་ད་དུང་ཡོད་སྲིད།

གྲང་རླུང་ད་དུང་ལྡང་སྲིད།

རྨ་ཁ་ཡང་ཞག་གཅིག་ལ་སོས་པར་ག་ལ་སྲིད།

ཡིན་ནའང་། གསལ་པོར་ཞུས་ཆོག་པ་ནི།

སྦྲ་གུར་དྲོན་མོ་རེ་རེ་བཞིན་འབུབ་ངེས་ཤིང་།

ཟ་མ་ཚ་མོ་རེ་རེ་བཞིན་བསྐྱལ་འོང་ངེས་ལ།

བྱིས་པ་རྣམས་ཀྱང་ཡང་བསྐྱར་ཉི་འོད་འོག་ཏུ་དགོད་འཛུམ་འཆོར་ངེས་ཡིན།

ང་ཚོའི་སེམས་ཁོང་དུ།

རླབས་ཆེན་གྱི་དར་དམར་བསྒྲེངས་ཡོད་པས།

སྦྲ་ཆེན་གྱི་མི་བུས་སྒལ་ཚིགས་སྔར་ལས་འདྲོང་བར་ལངས་ངེས་ཡིན།

ས་གཞི་འདར་ཡང་།

མི་སེམས་ཕམ་མི་རུང་།

ཁང་པ་བརྡིབས་རུང་ཡང་བསྐྱར་བསྐྲུན་ན་འཐུས།

མི་ལ་སྐྱོན་མེད་ན་དཔྱིད་དཔལ་བསུས་ཆོག་ཆོག་ཡིན།

སྦྲ་ཆེན།

གཉའ་མ་ཞུམ།

སེམས་ཤུགས་བསྐྱེད་དང་།

དཀའ་སྡུག་གི་མདུན་དུ་ཁྱེད་ཚོ་ཁེར་རྐྱང་མིན།

གངས་འཁྱགས་ཉི་མས་བཞུར་ནས།

སྦྲ་ཆེན་དུ་དྲོ་སྐྱིད་སླེབས་ངེས་ཡིན།