མེས་རྒྱལ་མངའ་ཐང་རྒྱས་པར་ཤོག
—— རྒྱལ་སྟོན་དུས་ཆེན་དགའ་བས་བསུ།
རིང་རིང་བགྲང་བྱ་དོན་བདུན་བརྒྱུད་མྱོང་བའི། །
ཡང་ཡང་ལམ་དེར་ཕྱི་མིག་བལྟས་པའི་ཚེ། །
ཆེ་ཆེ་རླབས་ཆེན་སྐྱེད་མའི་དཀའ་སྡུག་དག །
ཝལ་ཝལ་སེམས་ལ་ག་ལེར་འཆར་ཡོང་ངོ་། །
མང་མང་རྒྱལ་ཁབ་སྐར་ཚོགས་བཀྲ་བའི་དབུས། །
བརྗིད་བརྗིད་མེས་རྒྱལ་རྒྱུ་སྐར་རྒྱལ་པོའི་དཔེ། །
ལྡིར་ལྡིར་གོ་ལའི་ཁྱོན་དུ་གྲགས་པ་ཡི། །
སྙན་སྙན་ཀྲུང་ཧྭ་མེས་པོའི་རྒྱལ་ཁབ་བསྟོད། །
མཐུན་མཐུན་མི་རིགས་ལྔ་བཅུ་ང་དྲུག་དག །
རིལ་རིལ་སེ་འབྲུའི་རྡོག་ལྟར་གཅིག་སྒྲིལ་གྱིས། །
རྩོད་རྩོད་དྲི་ཙམ་དབེན་པའི་དཔེ་ཟླ་རུ། །
མཐུན་མཐུན་སྤུན་བཞིའི་རྣམ་ཐར་ཁོ་ན་འཇོག །
དམ་དམ་ཁྲིམས་ཀྱིས་རྒན་གཞོན་སྐྱེ་བོ་ཀུན། །
ཡང་ཡང་སྐྱོང་བའི་འབྲས་རྟགས་འབའ་ཞིག་ཏུ། །
སྔོན་སྔོན་རྒན་མོ་གསེར་ཁུར་གཏམ་རྒྱུད་དག །
དེ་དེ་ངག་རྒྱུན་མ་ཡིན་དོན་དངོས་ཡིན། །
མཐོ་མཐོ་མཁའ་ལ་འཕུར་བའི་ལྕགས་བྱ་དང་། །
དམའ་དམའ་ས་ལ་རྒྱུ་བའི་མེ་འཁོར་སོགས། །
མྱུར་མྱུར་སེམས་པ་སླེབས་སར་ལུས་པོ་བསླེབས། །
བདེ་བདེ་འགྲིམ་འགྲུལ་དར་བའི་དན་རྟགས་སོ། །
གསར་གསར་AIལག་རྩལ་དར་ཁྱབ་ཀྱིས། །
མང་མང་སྨན་བཅོས་འཕྲོད་བསྟེན་ལ་སོགས་པའི། །
གང་གང་མཁོ་བའི་བྱ་བ་སྒྲུབ་པ་ལ། །
མཚར་མཚར་ཆར་པ་ཆུ་གྲོགས་དཔེ་རུ་སོང་། །
སྐྱིད་སྐྱིད་སློབ་གྲྭའི་སྐྱེད་ཚལ་ཪ་བ་ན། །
མང་མང་སློབ་མ་བུང་བའི་ཁྱུ་ཚོགས་ཀྱིས། །
བརྩོན་བརྩོན་ཤེས་ཪིག་སྦྲང་རྩི་འཐུ་བས་ན།
ཪིག་གནས་སློབ་གསོ་དཪ་བའི་དགེ་མཚན་མཐོང་། །
བགྲེས་བགྲེས་བགྲང་བྱའི་ཁུཪ་གྱིས་དུད་པ་ཡི། །
མང་མང་རྒན་འཁོགས་སོས་དལ་བག་ཕེབས་ཀྱིས། །
སྐྱིད་སྐྱིད་ཚེ་མཇུག་སྐྱེལ་བའི་ཚུལ་མཐོང་དུས། །
ལེགས་ལེགས་རྒན་གསོའི་སྲིད་བཟང་མངོན་པར་བསྟོད། །
གྲོང་དང་གྲོང་ཁྱེཪ་ཁང་བཟང་སྟཪ་ཕྲེང་ཕྲེང་། །
ཚོང་ཟོག་སྣ་ཁ་མི་འདྲ་ཁྲ་ཆིལ་ཆིལ། །
ཚོང་སྐད་འདྲ་མིན་རྒྱག་པས་འུ་ཪུ་ཪུ། །
ཁྲོམ་ཪའི་ཉོ་ཚོང་འདུ་འགོད་སྤྲིན་འཐིབ་འཐིབ། །
ལས་གྲྭའི་ཕྱོགས་མཚམས་ཀུན་ཏུ་བྲེལ་འཚུབ་འཚུབ། །
འཕྲུལ་འཁོར་ཆེ་ཆུང་མང་པོའི་སྒྲ་ལྡིར་ལྡིར། །
འཛུགས་སྐྲུན་བྱ་གཞག་འདུ་འགོད་འུ་རུ་རུ། །
བཟོ་ལས་འཕེལ་རྒྱས་ལྟས་བཟང་མངོན་མཐོ་མཐོ། །
དམངས་རྣམས་ཕྱུག་འགྱུཪ་ལམ་བཟང་སྣེ་མང་མང་། །
དངུལ་ལོར་མང་པོས་སྦ་ཁུག་རྒྱགས་ཪིལ་ཪིལ། །
སྦྱིན་བདག་ཨ་ཇོའི་ཞལ་ཪས་སྣུམ་ཚིལ་ཚིལ། །
བདེ་སྐྱིད་འཚོ་བའི་གླུ་སྒྲ་སྙན་ལྷང་ལྷང་། །
འབྱོར་འབྲིང་ལམ་བཟང་བགྲོད་པའི་འགྲོས་མྱུར་མྱུར། །
སྲིད་འབྱོར་རིག་གསུམ་བྱ་གཞག་ཆུ་རྒྱུག་རྒྱུག །
དམངས་ཕན་སྲིད་ཇུས་བཟང་པོ་ཆར་འབབ་འབབ། །
དམངས་ཀྱི་བདེ་སྐྱིད་སྟོན་གྲངས་ཟླ་འཕེལ་འཕེལ། །
བརྗིད་བརྗིད་གོ་ལའི་ཁྱོན་དུ་མངོན་འཕགས་པའི། །
གསར་གསར་ཀྲུང་གོ་གསར་པའི་མི་དམངས་རྣམས། །
སྐྱིད་སྐྱིད་འཚོ་བ་སུམ་རྩེན་ཡུལ་ལ་ཡང་། །
ཡང་ཡང་སྐྱེངས་པ་སྟེར་བ་འདི་ཀོ་རྨད། །
ཆུང་ཆུང་རྒྱལ་ཁབ་སྨོས་ཅི་གཞན་གྱིས་ཀྱང་། །
བརྙས་བརྙས་གཙེས་གཙེས་ཙམ་ཡང་མི་ནུས་པའི། །
ཆེ་ཆེ་མེས་རྒྱལ་མངའ་ཐང་རྒྱས་པ་ཡི། །
ཡངས་ཡངས་གོ་ལའི་ཤར་དུ་དབུ་འཕང་མཐོ། །
བཀྲ་ཤིས་བགྲང་བྱ་དོན་བདུན་འཁྲུངས་སྐར་ལ། །
བཀྲ་ཤིས་མེས་རྒྱལ་བཀའ་དྲིན་བསམ་བཞིན་དུ། །
བཀྲ་ཤིས་མེས་རྒྱལ་སྟོབས་འབྱོར་རྒྱས་པ་དང་། །
བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག །
འབྲེལ་ཡོད་གསར་འགྱུར།