དབུས་གཙང་ཁུལ་གྱི་དམངས་གཞས།
ཆུ་ལ་ཤེལ་སྒོ་བཙུགས་ནས། །
ཉ་མོ་འཛིན་རྒྱུ་ཡོད་ན། །
གནམ་ལ་སྐས་ཐེམ་བཙུཊ་ནས། །
འོད་ཟེར་ཕྱག་ལ་ཕུལ་ཆོག །
ཆུང་འདྲིས་བྱམས་པའི་ཞལ་ནས། །
ཟླ་གཅིག་ཞག་མ་བཅོ་ལྔ། །
ཟླ་བ་ཕར་ལ་བཞག་ནས། །
བཅོ་ལྔ་ལོ་ལས་རིང་བ། །
ལྕང་མ་རི་ལ་བཏབ་པས། །
ལྕང་རྩ་ནུབ་ལ་བརྒྱུགས་སོང་། །
ལྕང་མ་རང་གི་ལས་དེ། །
ནུབ་ལ་ཡོད་པ་མིན་འགྲོ །
རྒྱ་མཚོའི་མཐའ་ནས་འཁྲུངས་པའི། །
རྩ་བ་ཀུ་ཤུའི་སྡོང་པོ། །
ཁྱེད་ལ་འབྲས་བུ་མེད་ཀྱང་། །
ལོ་མས་སྐྱོར་རོགས་ཞུས་ཆོག །
སྤང་དེ་སྤང་རྒྱས་ཆེ་བ། །
གཡག་གུ་འགྲོ་རྒྱས་རྒོད་པ། །
སྐེད་པའི་འུར་རྡོ་ཁྲ་ཆུང་། །
ཐུགས་ལ་བཞག་རོཊ་གནང་དང་། །
ཉི་མ་ནུབ་ཕྱོགས་ལ་མོའི། །
ལྷུང་ལྷུང་ཡར་ལ་བྱོན་སོང་། །
བདག་རང་ནུབ་ཕྱོགས་ལ་མོའི། །
ལ་རྩེ་ཡིན་ན་བསམས་བྱུང་། །
འབྲེལ་ཡོད་གསར་འགྱུར།