སྲོད་ཀའི་མེ་ལོང་ནང་དུ། །

མཚམས་སྤྲིན་མེ་ཏོག་ཤར་དུས། །

རྒྱུ་སྐར་ཁྲོད་ཀྱི་འོད་དཀར། །

ཤར་རིའི་རྩེ་ནས་འཛུམ་ཡོང་། །

མིག་གིས་མཐོང་བ་ཡོད་ཀྱང་། །

ལུས་ཀྱིས་རེག་པ་མེད་པའི། །

མགུར་ཆུང་ནང་གི་ཟླ་གཞོན། །

དྲན་པ་མཚོ་རུ་ལྷུངས་འདྲ། །

མིག་ཟུང་སྐར་ཕྲན་ཆ་གཅིག །

མིག་བརྡ་སྙིང་ལ་ཕོག་བྱུང་། །

ཞལ་རས་སྒོར་སྒོར་དེ་ཡང་། །

ང་རང་ཁོ་ནར་ཕྱོགས་འདྲ། །

སྒེའུ་ཁུང་འགྲམ་གྱི་སྡོང་རྒན། །

ལོ་མ་རླུང་གིས་འདེད་དུས། །

འུ་གཉིས་འཕྲད་པའི་སྟོན་ཟླ། །

དོ་ནུབ་སླར་ཡང་དྲན་བྱུང་། །

མི་ཚེའི་གྲུ་ཟུར་རེ་ནས། །

རེ་བ་རླུང་ལ་མ་བཅོལ། །

ལས་ལ་བསྐོས་པའི་རི་མོ། །

ཡིད་ཀྱི་འཕར་ལྡིང་ཡིན་སོང་། །

སྟོང་གསུམ་རི་ཆུའི་ཚོགས་ཀྱིས། །

དྲན་གདུང་ནགས་མར་གླེང་སོང་། །

རྨི་ལམ་བརྒྱ་ཕྲག་རུམ་སྟེ། །

སེམས་དང་སེམས་པ་འདྲེས་ཡོད། །

འཁོར་བའི་ཉིན་སྲིབ་བར་ནས། །

མི་ཚེའི་བདེ་སྡུག་གླེང་ཞོར། །

སེམས་ཀྱི་ཟབ་སར་ལྷག་པའི། །

སྙན་ངག་མེ་ཏོག་ཁྱོད་ཡིན། །

མི་ཁའི་ཚེར་ལམ་བརྒྱུད་དུས། །

གོམ་ཆུང་ངལ་བ་ལྕི་ཡང་། །

ཁྱོད་ཀྱི་ཞལ་རས་བསམས་ན། །

ཞེན་ཆགས་གྲོལ་བ་མི་འདུག །

ན་ནིང་བཏབ་པའི་སྨོན་ལམ། །

ད་ལོ་བྲིས་པའི་ཡིག་ཆུང་། །

བསུབ་ཀྱང་ཟུབ་རྒྱུ་མེད་པ། །

འདང་བརྩེའི་རི་མོ་ཡིན་སོང་། །

བརྗེད་མེད་ལོ་ཟླའི་དྲན་ཤིང་། །

འགྱུར་མེད་གཡུང་དྲུང་གཡས་འཁྱིལ། །

སྟོན་མཚན་ཟླ་བའི་འཛུམ་དཀར། །

སུ་དང་འགྲན་ཐབས་མ་བྱུང་། །