འཁྲེང་སེམས་ཟབ་མོ།
བདེ་དགའི་དཔལ་ཡོན་རྫོགས་པའི་སྐྱིད་པའི་གནས། །
ལོངས་སྤྱོད་གང་དགོས་འཛོམས་པ་ལྷ་ཡི་ཞིང་། །
ཀུན་ནས་མཚུངས་པའི་མང་ཡུལ་སྐྱིད་གྲོང་དུ། །
མི་འདོད་གློ་བུར་ཆུ་རུད་གནོད་འཚེས་གཙེས། །
བརྟན་བརྗིད་གངས་རིའི་དབུ་རྩེ་ཉི་མས་བཞུར། །
ལྷིང་འཇགས་མཚོ་མོའི་ཁ་རྟིང་རླབས་ཀྱིས་སྐྱོམས། །
སྲ་མཁྲེགས་བྲག་གི་མཁར་རྫོང་ཆུ་ཡིས་བརྟོལ། །
གཙང་པོའི་རྦ་རླབས་འཕྱུར་བས་རི་སྡེ་བསྣུབས། །
བསགས་པའི་རྒྱུ་ཟས་འབྱུང་བ་ཆུ་ཡིས་ཁྱེར། །
བཞེངས་པའི་ཁང་ཁྱིམ་འབྱུང་བ་ཆུ་ཡིས་ཁུར། །
སྐྱེས་པའི་ཚེ་སྲོག་འབྱུང་བ་ཆུ་ཡིས་བསྣུབས། །
མ་བསམས་རྐྱེན་ངན་ལས་ཀྱི་བར་ཆད་ཨང་། །
བརྩེ་བའི་ཨ་ལོང་དམ་པའི་རིགས་མཐུན་དང་། །
དུང་བ་དམངས་ལ་ཟབ་པའི་རྒྱལ་ཁབ་ཀྱིས། །
ཤི་གསོན་སྐྱོ་བས་མནར་བའི་སྐྱིད་གྲོང་བའི། །
རྒྱབ་སྐྱོར་དཔུང་གཉེན་མཛད་ཡོང་སྤུན་ཟླ་ཚོ། །
སྐད་ཅིག་ན་ཟུག་དྲག་པོས་རབ་གཙེས་ཀྱང་། །
སྐྱིད་གྲོང་ཡུལ་མི་སེམས་པ་མ་འཁྱགས་ཨང་། །
ཐུགས་ཁུར་རྒྱབ་སྐྱོར་སེམས་གསོའི་དྲོད་ཁོལ་ཞིག །
བྲལ་མེད་ཁྱེད་ཚོ་མཉམ་དུ་འཁྱིལ་ནས་ཡོད། །
འབྲེལ་ཡོད་གསར་འགྱུར།