སྐྱིད་གྲོང་རྒྱལ་གྱུར་ཅིག
དུས་རབས་གསར་པའི་དགའ་བདེའི་འཚོ་བ་ལ། །
གནས་བཟོད་བདེ་པོས་ལོངས་སྤྱོད་བྱེད་པའི་དུས། །
ཆུ་རུད་གནོད་འཚེར་སྙིང་རྗེ་མེད་པས་ན། །
སྐྱིད་གྲོང་ཡུལ་ལ་མི་འདོད་ཆག་སྒོ་བསླངས། །
འཇིག་རྟེན་སྐྱེ་འཆི་ཆོས་ཉིད་ཡིན་ནའང་། །
གློ་བུར་རྐྱེན་གྱིས་མི་ཤི་རྟ་འགྱེལ་ལ། །
སེམས་ནས་གདུང་བ་དྲག་པོ་རབ་སྐྱེས་ནས། །
རྟག་ཏུ་རྐྱེན་ངན་གང་ལས་ཐར་བར་མཛོད། །
འདས་པོ་སོགས་ཀྱི་ཁྱིམ་གྱི་ནང་མི་ལ། །
རོགས་དང་སེམས་གསོའི་སྦྲང་ཆར་འཇོ་བ་དང་། །
མུན་པའི་ཁྲི་ལམ་རིང་མོ་བརྒལ་གྱུར་ནས། །
སྐྱིད་པའི་འོད་སྣང་དྲོན་མོ་འཕྲོ་བར་ཤོག །
སེམས་ཀྱི་ཟབ་སར་གནས་པའི་སྐྱིད་གྲོང་གི །
བཀོད་ལེགས་འཛུགས་སྐྲུན་མྱུར་དུ་བསྐྲུན་པ་དང་། །
རྐྱེན་ངན་སྐད་ཅིག་ཉིད་དུ་བཟློག་གྱུར་ནས། །
བག་ཕེབས་འཚོ་བར་གང་མགྱོགས་ལོག་ཐུབ་ཤོག །
སྐྱིད་གྲོང་ཡུལ་གྱི་སྤུན་ཟླ་ཐམས་ཅད་ཀྱི། །
གེགས་དང་བར་ཆད་ཐམས་ཅད་ཞི་བ་དང་། །
ཕྱི་ནང་དཔལ་ཡོན་གང་ལེགས་འཕེལ་གྱུར་ནས། །
གཡུལ་ས་དེ་ནས་སྤོབས་པས་རྒྱལ་གྱུར་ཅིག །
འབྲེལ་ཡོད་གསར་འགྱུར།