དུས་བཞིའི་མཚར་སྡུག
སྙན་རྐང་གླིང་།
དབྱར།
མཚར་སྡུག་ཡིད་འོང་རྩྭ་ཐང་ཡངས་མོ་རུ། །
དཀར་དམར་མེ་ཏོག་མགོ་ལྕོག་རླུང་གིས་ལྡེམ། །
གཡུ་སྦྲང་གེ་སར་འཐུ་བཞིན་སྟངས་སྟབས་སྒྱུར། །
སྐྱིད་པའི་དབྱར་གྱི་དཔལ་མོ་གང་ལས་མཛེས། །
དགུན།
འདབ་ལྡན་ཁ་བ་གངས་རིའི་ལྗོངས་སུ་འཐོར། །
མཛེས་པའི་ནོར་འཛིན་ལྭ་བ་དཀར་པོས་བཀླུབས། །
དྭངས་གཙང་མཚོ་མོ་གཡང་ཊིས་མཛེས་པར་བརྒྱན། །
མཐོ་སྒང་དགུན་ལྗོངས་སྐྱེ་འགྲོའི་མིག་གི་གསོས། །
སྟོན།
ལུས་ཟུངས་སྟོབས་ཀྱིས་རྒྱས་པའི་རྔ་ཡབ་ཅན། །
ལེགས་འབྲས་ཞིང་བཟང་སྨིན་ནས་བླ་བྲེ་འཕྱང་། །
བྱ་བྱེའུ་གཤོག་སྒྲོ་སྦྲེལ་བཞིན་སྐད་སྙན་འདོན། །
འབྲས་ལྡན་སྟོན་དུས་ལོ་ལེགས་དུས་བཟང་སྐྱིད། །
དཔྱིད།
སྐྱེ་དངོས་ཕུན་ཚོགས་མགོ་བོ་དལ་གྱིས་འབུས། །
ཡུལ་ཁམས་ཉི་གཞོན་གསར་པའི་འཛུམ་བག་གྲོལ། །
རབ་མཛེས་དཔྱིད་དཔལ་ལང་ཚོ་གསོན་ཤུཊ་ཆེ། །
དཔྱིད་དཔལ་སྒེག་མོ་རེ་བའི་འབྱུང་ཁུངས་ཉིད། །
འབྲེལ་ཡོད་གསར་འགྱུར།