གལ་ཏེ་ཁྱོད་རང་ང་ལ་དགའ་ན།
བདེ་སྐྱིད་སྒྲོལ་མ།
གལ་ཏེ་ཁྱོད་རང་ང་ལ་དགའ་ན།
རི་རབ་དང་རྒྱ་མཚོ་དཔང་རྟགས་སུ་མི་དགོས་ཏེ།
ཡབ་ཡུམ་གྱི་ཟུངས་ཁྲག་མནའ་ཚིག་ལ་མི་དགོས།
བྲང་ཁོག་གི་དོན་སྙིང་ཡར་བཏེགས་ཏེ།
འགྱུར་མེད་ཀྱི་སྙིང་དེ་བསྟན་པས་ཆོག
གལ་ཏེ་ཁྱོད་རང་ང་ལ་དགའ་ན།
གཡུ་བྱུར་གྱི་རྒྱན་ཆའི་ངོ་སོ་མི་དགོས་ཏེ།
གསེར་དངུལ་གྱི་རིན་ཐང་དེ་བས་ཀྱང་མི་དགོས།
མ་ཡུམ་གྱི་ནུ་ཞོའི་དྲི་ངད་མ་ཡལ་བའི།
སྦྲང་ཆང་གི་འོ་ཞིག་གནང་བས་ཆོག
གལ་ཏེ་ཁྱོད་རང་ང་ལ་དགའ་ན།
བཅོས་མའི་འཛུམ་གྱིས་བསུ་མི་དགོས་ཏེ།
ཁ་མཁས་ཚིག་སྙན་གྱི་ཨ་གསར་མི་དགོས།
སྐྱིད་སྡུག་འཚོ་བའི་ལམ་རིང་ལ་སྐྱོད་དུས།
གཅིག་སེམས་གཅིག་ལ་གཏད་པས་ཆོག
འབྲེལ་ཡོད་གསར་འགྱུར།