དུས་བཞིའི་རང་སྒྲ།
མཐོ་འབྲིང་སློབ་མ། གདུགས་དཀར་སྐྱབས།
དཔྱིད་ཀ
འཛིན་མའི་བཞིན་བཟང་སྣུམ་ཞག་དོད་དུ་གྱུར། །
སྦྲང་ཆར་ཟིལ་མས་ཚེ་སྲོག་གསར་པ་སྦྱིན། །
གངས་འཁྱགས་བཞུར་བའི་འབབ་རྒྱུན་རྣ་བར་སྙན། །
རྩྭ་ལྗང་འབུས་པའི་ས་གཞི་ཉམས་རེ་དགའ། །
དབྱར་ཁ།
དབྱིག་འཛིན་བུ་མོས་སྔོ་ལྗང་གོས་སུ་བཀླུབས། །
སྤང་ལྗོངས་ཡངས་པོར་མེ་ཏོག་སྡུག་གུར་བཞད། །
ཕྱུགས་རིགས་དཀར་ནག་དགའ་བདེའི་དཔལ་ལ་རོལ། །
ཨ་ཁུ་འབྲོག་པའི་ངོ་གདོང་འཛུམ་གྱིས་ཁེངས། །
སྟོན་ཁ།
རབ་མཛེས་ལྟ་སྡུག་འཛིན་མའི་ཞིང་ཁམས་སུ། །
རབ་བཟང་སྟོན་གྱི་འབྲས་བུའི་མགོ་ལྕོག་ལྡེམ། །
རབ་གསལ་གཡང་ཁྱིམ་གྲུ་བཞིའི་བང་མཛོད་ནང་། །
རབ་མཆོག་འབྲུ་སྣ་ལྔ་ཡིས་བཀང་འདི་མཚར། །
དགུན་ཁ།
གསེར་ལྡན་དགའ་མས་རབ་དཀར་གོས་བཟང་གྱོན། །
ཁྲི་གདུགས་ཉི་མའི་འོད་སྣང་རྒྱང་ནས་བཀྱེད། །
ཆུ་ཡི་ལྷ་མོ་ཤེལ་དཀར་ཁྱིམ་དུ་གཟིམ། །
དྲི་བཞོན་བུ་མོས་ཁེར་རྐྱང་ཤུ་གླུ་ལེན། །
འབྲེལ་ཡོད་གསར་འགྱུར།