མི་ཆུང་འགྱིང་གླུ།
ང་རང་། རི་བོ་པང་དུ་འདེགས་ནུས་པའི་ཕོ་རྒོད་ཅིག་མིན།
རྒྱ་མཚོ་ཧུབ་ཀྱིས་འདྲེན་ཐུབ་པའི་འཇོན་ཐང་ཅན་ཞིག་ཀྱང་མིན།
ང་རང་། འཇིག་རྟེན་མི་ཚོགས་ཀྱི་རྒྱ་མཚོའི་ཁྲོད་ན།
མངོན་ཆུང་གི་ཆུ་ཐིགས་དང་འདྲ་བའི་ཉམ་ཆུང་མི་ཞིག་ལགས།
དེ་འདྲ་ཡིན་ནའང་།
ང་ལ་ང་རང་གི་ཕུགས་བསམ་ལྡན།
ང་ལ་ང་རང་གི་བརྩེ་དུང་མཆིས།
ང་རང་ཆུ་ཐིགས་ཇི་ལྟར་ཆུང་ནའང་།
ངས་འཚོ་བའི་ཕ་བོང་ལ་ཁུང་བུ་འབིགས་ཐུབ་ལ།
ངས་མི་ཚེའི་ཀྱག་ཀྱོག་གི་ལམ་བུ་རྐང་འོག་ཏུ་མནན་ཐུབ།
འབྲེལ་ཡོད་གསར་འགྱུར།