ང་གཉིས་སླར་ཡང་འཕྲད་སྲིད་དམ།
དེ་རིང་འདི་ལྟར་མཇུག་རྫོགས་སོང་ངམ།
ང་ལ་སླར་ཡང་ཞེས་པའི་གོ་སྐབས་ཤིག་ཡོད་དམ།
གལ་ཏེ་ང་ལ་སླར་ཡང་ཞེས་པའི་གོ་སྐབས་ཤིག་ཡོད་ཚེ།
ངས་ནམ་ཡང་ཁྱེད་རང་བློས་གཏོང་མི་སྲིད།
དེ་རིང་འདི་ལྟར་རྒྱང་དུ་བཞུད་སོང་།
ལོ་ཟླ་གང་མང་ཞིག་ལ་རེ་ཞིང་བསྒུགས་པའི་བརྩེ་བ་དང་དྲན་གདུང་།
འདི་ལྟར་ནུབ་ཁའི་མཚམས་སྤྲིན་ལྟར་ཡལ་སོང་།
ང་ལ་འཛུམ་གྱི་མེ་ཏོག་ཕྲན་བུ་གཏོར་རྗེས།
ཐེ་ཚོམ་དང་ཕྱིར་བཤོལ་སྤུ་ཙམ་མེད་པར་རྒྱང་དུ་བཞུད་སོང་།
ང་ལ་བཞག་པ་ནི་ཉིན་དང་མཚན། ལོ་དང་ཟླ་བ་བརྒྱུས་པའི་དྲན་གདུང་གི་བར་ཐག་ལས་ཅི།
དེ་རིང་ནས་བཟུང་། འུ་གཉིས་ཀྱི་གཏམ་རྒྱུད་འདི་ལྟར་མཇུག་རྫོགས་སོང་ངམ།
སླར་ཡང་འགྲིག་ཐབས་ཀྱི་མན་ངག་མེད་དམ། ས་དང་ཆུ། མེ་དང་རླུང་ནང་བཞིན་མཐུན་ཐབས་ཤིག་མེད་དམ།
ང་ལ་མཚོན་ན་ཁྱེད་གང་དུའང་མ་སོང་བར། ལུས་དང་གྲིབ་མ་ཇི་བཞིན་ང་དང་ལྷན་དུ་ཡོད་སྣང་ཤར།
འབྲེལ་ཡོད་གསར་འགྱུར།