ཤིས་ཚིག་བཀྲ་ཤིས་ཉི་ཟླ།
བསོད་ནམས།
ལོ་ཟླ་གསར་པའི་རྟ་ལྗང་གཞོན་ནུ་འཛུམ། །
ལོ་ཟླ་གསར་པའི་གཟའ་སྐར་འབྱུང་འཕྲོད་ལེགས། །
ལོ་ཟླ་གསར་པའི་ལྟས་བཟང་ཡོད་རྒུ་འཛོམས། །
ལོ་ཟླ་གསར་པའི་ལོ་བདག་མེ་རྟ་བརྗིད། །
འགྲོ་ཀུན་མོས་པའི་བཀྲ་ཤིས་སྨོན་ལམ་དོན། །
དོན་ཟབ་ཚིག་སྦྱོར་བདེ་ལེཊ་རྨད་བྱུང་ཉམས། །
ཉམས་འགྱུར་སྟོང་ལྡན་ཕུན་སུམ་ཚོཊ་པའི་རྟགས། །
རྟགས་བརྒྱད་རི་མོར་འགྲོཊ་ཏེ་འདི་སྐད་སྨྲས། །
དུས་གཏན་འཛམ་གླིང་ཞི་བདེར་དགའ་བའི་མཆོག །
བོད་འབངས་འདོད་འདུན་མཚོན་བྱེད་གསེར་གྱི་གདུཊ། །
གྱི་ལིང་རྟ་ཕོས་བཏེགས་པས་ངོ་མཚར་ལྡན། །
དགའ་སྐྱིད་རྟེན་འབྲེལ་འདི་ལས་ལྷག་པ་ཅི། །
ནད་ཡམས་མུ་གེ་དམག་འཁྲུག་སྡུག་བསྔལ་ཀུན། །
རང་དགར་ཞི་བར་སྤྲོ་བདེའི་མགྲིན་གསང་གླུ། །
འཇིག་རྟེན་སྲིད་པའི་རྩེ་མོ་ཁ་བའི་ཡུལ། །
བོད་ནས་ལེན་པའི་རྒྱལ་མཚན་དགུང་དུ་འཕྱར། །
སྲིད་པའི་གངས་རིས་དབུ་འཕང་དགུང་ལ་བསྙེཊ། །
གཙང་ཆབ་དྭངས་མས་ལྷུང་ལྷུང་འབབ་རྒྱུན་ངོམས། །
མཚོ་འམ་མཚེའུས་གཡུ་གཞོང་རང་མདངས་འཛིན། །
ཆུ་ཕྲན་གྱ་གྱུས་དཔལ་བེའུ་མཛེས་རིས་བསྟན། །
དབང་སྔོན་མདངས་དང་གཉིས་སུ་མ་མཆིས་ཁར། །
ཞོ་གསར་སྤུངས་དང་མཚུངས་པའི་སྤྲིན་འཁྲིགས་ཏེ། །
འབྲུག་སྒྲར་བསྟུན་པའི་གར་སྟབས་སྦྱོང་བཞིན་པས། །
ཆུ་སྐྱེས་པད་མས་མཐོ་སྒང་མཛེས་པར་བརྒྱན། །
རི་རབ་ལྷུན་པོ་རྩི་ཤིང་ན་བཟས་བརྒྱན། །
མཐའ་ཡས་རྩྭ་ཐང་དཀར་ནག་ཕྱུགས་ཀྱིས་བརྒྱན། །
རི་སྐྱེས་སྲོག་ཆགས་འཚེ་མེད་ཞི་བདེས་བརྒྱན། །
གསེར་ཉས་འཁྱུག་འགྲོས་རྐྱལ་རྩལ་ངོམས་པར་བྲེལ། །
ནད་མེད་ཚེ་རིང་ལོ་བརྒྱ་མང་བའི་དུས། །
དུས་བཟང་འདི་འདྲར་འཚོ་བའི་བོད་ཀྱི་མི། །
མི་རིཊ་གཉེན་ཚན་ཀུན་དང་འཆམ་མཐུན་དབྱངས། །
དབྱངས་སྙན་དུང་དཀར་ཁོང་ནས་འབུད་པར་ངེས། །
བཤེས་གཉེན་ཐུགས་བཟང་བུམ་པ་གང་བྱོ་ཡིས། །
ན་གཞོན་ལང་ཚོར་ཤེས་རིག་ནོར་བུས་བརྒྱན། །
མ་འོངས་མདུན་ལམ་ཡངས་པ་གོ་ལའི་རྩེར། །
ཤེས་ཡོན་ཅན་གྱི་ཆུ་གཏེར་རྒྱས་པར་ངེས། །
རྒྱལ་དམངས་དཔལ་འབྱོར་འཕེལ་རྒྱས་ཡར་ངོའི་ཟླ། །
ཆབ་སྲིད་བརྟན་ལྷིང་ཀུན་སེམས་ལྷོད་དུ་བབས། །
གངས་ལྗོངས་རྒྱང་ལམ་གསར་པའི་ཕུཊ་འདུན་ཆེ། །
གསེར་གྱི་འཁོར་ལོའི་འཕྲུལ་ལ་བཅིབས་པར་ངེས། །
འབྲེལ་ཡོད་གསར་འགྱུར།