ལོ་གསར་པར་ཕུལ་བའི་སྨོན་འདུན།
གནམ་ལོ་གསར་ཚེས་དུས་ལ། །
རྟེན་འབྲེལ་ཁ་གཡང་ཞུས་ཡོད། །
ཚིག་གི་མེ་ཏོག་སྟེང་ལ། །
དོན་གྱི་ཟེའུ་འབྲུ་སྨིན་དགོས། །
རྟགས་བརྒྱད་རི་མོས་སྤུད་པའི། །
དཀར་ཡོལ་གཡང་ཊིའི་ནང་ལ། །
ནས་ཆང་བདུད་རྩི་སིལ་མ། །
རྟེན་འབྲེལ་དོད་དུ་བཏེགས་ཡོད། །
གྲལ་མགོའི་ཕ་ཁུར་དྲངས་ནས། །
བཀྲ་ཤིས་སྨོན་ལམ་བཏབ་ཡོད། །
སྐུ་ཚེ་བརྟན་པའི་དོད་དུ། །
གཙང་བཞེས་གནང་རོཊ་གནང་དང་། །
གྲལ་དཀྱིལ་གཞོན་པར་དྲངས་ཡོད། །
བཀྲ་ཤིས་སྨོན་ལམ་བཏབ་ཡོད། །
རླུང་རྟ་དར་བའི་དོད་དུ། །
མཆོད་ཆང་གཙང་བཞེས་གནང་དང་། །
གྲལ་མཐའི་མ་སྲུར་དྲངས་ཡོད། །
བཀྲ་ཤིས་སྨོན་ལམ་བཏབ་ཡོད། །
ལང་ཚོ་དར་བའི་དོད་དུ། །
གཙང་བཞེས་གནང་རོཊ་གནང་དང་། །
མི་ལ་ཚེ་རིང་ནད་མེད། །
ཕྱུགས་ལ་འཕེལ་ཁ་དར་བ། །
འབྱོར་ཕྱུག་ཀླུ་ལ་འགྲན་པའི། །
བཀྲ་ཤིས་སྨོན་ལམ་བཏབ་ཡོད། །
འཛམ་གླིང་གོ་ལའི་ཁྱོན་ལ། །
ཞི་བདེ་ཡོང་བའི་སྨོན་ལམ། །
སྨོན་འདུན་ཚིག་གི་ཕྲེང་བ། །
དབྱངས་གསལ་ལམ་ནས་ཕུལ་ཡོད། །
བཀྲ་ཤིས་སྨོན་འདུན་ཚིག་གསུམ། །
བདེ་ལེགས་ངང་ནས་དྲངས་ཏེ། །
ཕུན་ཚོགས་དཔལ་ལ་རོལ་བའི། །
བཀྲ་ཤིས་སྨོན་ལམ་བཏབ་ཡོད། །
འབྲེལ་ཡོད་གསར་འགྱུར།