རླབས་ཆེན་ཏང་གི་སྲིད་བཟང་ཉིན་བྱེད་ཀྱི། །

མཛད་འཕྲིན་འོད་ཀྱི་ཟེར་བརྒྱ་ས་མཐོར་འཕྲོས། །

ལུགས་རྙིང་སྨག་རུམ་བཅོམ་སྟེ་གངས་ལྗོངས་སུ། །

སྤྱི་ཚོགས་རིང་ལུགས་ལམ་བཟང་གསར་དུ་བཏོད། །

རང་ལུས་རང་དབང་ཐོབ་པས་ཀུན་སེམས་མྱོས། །

ཏང་གི་བཀའ་དྲིན་མི་དྲན་སུ་ཞིག་མཆིས། །

གླུ་དང་གར་སོགས་བསྟོད་པ་སྣ་ཚོགས་པས། །

མེས་རྒྱལ་དར་ཞིང་རྒྱས་པའི་སྨོན་འདུན་ཞུ། །

རང་ལྗོངས་དབུ་བརྙེས་དྲུག་ཅུའི་དུས་སྟོན་ལ། །

གཟབ་མཆོར་ལེགས་པར་སྤྲས་ནས་རྟེན་འབྲེལ་ཞུ། །

སྣང་བ་སྐྱིད་པོས་གླུ་དབྱངས་སྙན་མོ་ལེན། །

སྟངས་སྟབས་འཁྲུག་པོས་བྲོ་ཡི་སྟོན་མོ་བཤམས། །

ཡིད་ལ་འཁོར་ཚད་ཏང་གི་བཀའ་འདྲིན་དང་། །

ངག་ནས་བརྗོད་ཚད་བདེ་སྐྱིད་འཚོ་བ་ཡིན། །

རང་ལུས་རང་དབང་འདི་ལ་དགའ་བ་སྒོམས། །

མ་འོངས་འདུན་པ་བསམ་ནས་སྙིང་སྟོབས་བསྐྱེད། །

མཐུན་སྒྲིལ་བརྟན་ལྷིང་བདེ་སྐྱིད་འབྱུང་བའི་གཞི། །

ཁ་ཕྲལ་ཟིང་སློང་བྱས་ན་ཆག་སྒོའི་རྒྱུ། །

ཡིན་པར་ངེས་ནས་གངས་ལྗོངས་འབྱུང་འགྱུར་སླད། །

འབད་འབུངས་ཡར་བརྩོན་དུས་རབས་གསར་པ་སྐྱོད། །