ཉེ་ཆར། ལྷ་ས་འགག་སྒོའི་ལས་ཁུངས་ཁོངས་གཏོགས་ཀྱི་སྤུ་ཧྲེང་འགག་སྒོའི་ལས་ཁུངས་ཀྱིས་རྒྱལ་ཁོངས་ཕྱིར་གྱར་བའི་རྒྱལ་ཁབ་ཀྱི་རིམ་པ་དང་པོའི་རིག་དངོས《ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་བ》རྒྱལ་ཁོངས་སུ་འབྱོར་བར་ལྟ་འདོམས་བྱེད་པའི་ལས་དོན་བདེ་བླག་ངང་ལེགས་གྲུབ་ཟིན་པ་རེད།

སྤུ་ཧྲེང་འགག་སྒོའི་ལས་ཁུངས་ཀྱིས་བོད་རང་སྐྱོང་ལྗོངས་དང་སྤུ་ཧྲེང་རྫོང་སོགས་ས་གནས་སྡེ་ཚན་དང“ཆ་འཕྲིན་བརྗེ་རེས་དང་། ཁྲིམས་སྒྱུར་རོགས་རེས། ཐོན་ཁུངས་མཉམ་སྤྱོད”བཅས་ཀྱི་མཐུན་སྦྱོར་གཞོགས་འདེགས་ལམ་སྲོལ་ཕྱོགས་མང་པོ་བཙུགས་ཏེ། བསྟན་བཅོས་ལ་ཞིབ་དཔྱད་དང་རིགས་གཅིག་མཁས་ཅན་གྱིས་དཔྱད་འདོམས་བྱེད་པའི་ལས་དོན་གོ་རིམ་ལྡན་པའི་ངང་སྤེལ་བ་རེད།

ཤེས་རྟོགས་བྱུང་བར་གཞིགས་ན། རིག་དངོས་དེ་ནི་བོད་དུ་དར་ཆེ་བའི《ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་བ》ཡི་ཆ་ཚང་བའི་པར་གཞི་ཡིན་པ་དང་དེར་ཁྱོན་བསྡོམས་པོད་12ཡོད་ཅིང་། དཔྱད་འདོམས་བྱས་པ་བརྒྱུད། དེ་ནི་དུས་རབས་11པ་ནས་12པའི་བར་གྱི་བྲིས་མ་རྩ་ཆེན་ཞིག་རེད་ལ། དེའི་ཁྱད་དུ་འཕགས་པའི་རི་མོའི་སྒྱུ་རྩལ་སོགས་ལ་རིག་དངོས་ཀྱི་རིན་ཐང་ཆེན་པོ་ལྡན་ཞིང་། ཀྲུང་ཧྭའི་ཤེས་དཔལ་གྱི་གཅེས་ནོར་ཞིག་རེད།