གཞས་ཚིག་ཁག་གཉིས།
ཆུ་དང་ཉ་མོ།
ཆུ་མོས་འགྲོ་རྒྱུ་མ་གསུངས། །
ཉ་མོར་བཞུགས་ཤིག་མ་ཟེར། །
ཆུ་མོ་ཉ་ལ་བྱམས་བྱམས། །
ཉ་མོ་ཆུ་ལ་ཆགས་ཡོད། །
འཁྱུག་རྩལ་ལྡན་པའི་ཉ་མོ། །
རྒྱ་མཚོའི་མཐིལ་ལ་བསྐྱོད་ནས། །
དཀར་ཆུང་མུ་ཏིག་ཕྲེང་བ། །
ཆུ་འགོ་ཡར་ལ་ཕུལ་ཆོག །
ཆུ་མོ་རྙོག་རུང་དྭངས་རུང་། །
འཁྱུག་འགྲོས་ཉ་མོའི་ལས་རེད། །
དབྱར་དགུན་སྟོན་དཔྱིད་མེད་པར། །
ཉ་མོ་འཁྱུག་རོགས་གནང་དང་། །
སྒྲ་སྙན་འབྲུག་མགོ་མ།
འབྲལ་མེད་ང་དང་འགྲོགས་པའི། །
སྒྲ་སྙན་ཚུར་ལ་གསོན་དང་། །
དགའ་སྐྱོ་གང་ལ་ཕྲད་ཀྱང་། །
སྤྲོ་བའི་དབྱངས་སྙན་སྒྲོགས་དང་། །
འགྲོ་དུས་རྒྱབ་ལ་ཁུར་ཆོག །
སྡོད་དུས་པང་ལ་བཟུང་ཆོག །
སྐྱིད་སྡུག་མཉམ་དུ་མྱོང་ཆོག །
གསན་པ་ཨེ་བྱུང་སྙིང་གྲོགས། །
འབྲེལ་ཡོད་གསར་འགྱུར།