གངས་ལྗོངས་ཀྱི་ལོ་ངོ་དྲུག་ཅུའི་འཕོ་འགྱུར།
ལོ་ངོ་དྲུག་ཅུའི་དུས་ཚོད་ནང་། །
དམངས་ཀྱི་འཚོ་བའི་འཕེལ་རྒྱས་ནི། །
དབྱར་གྱི་ཆུ་གཏེར་རྒྱས་པ་བཞིན། །
འཕེལ་རྒྱས་གོམ་འགྲོས་ཧ་ཅང་མྱུར། །
སྔོན་ཆད་སྡོད་ཁང་ཆ་རྐྱེན་ནི། །
རྒྱ་ཁྱོན་ཧ་ཅང་ཆུང་བའི་ཁར། །
མུན་པ་ཧ་ཅང་སྟུག་པས་ན། །
ཕྱུགས་ཀྱི་ར་བ་ལྟར་དུ་སྣང་། །
ད་ལྟའི་སྡོད་ཁང་ཆ་རྐྱེན་ནི། །
རྒྱ་ཁྱོན་ཧ་ཅང་ཆེ་བའི་ཁར། །
ཁང་པའི་བཟོ་བཀོད་མཛེས་པས་ན། །
རྒྱལ་པོའི་ཕོ་བྲང་ལྟ་བུར་སྣང་། །
སྔོན་ཆད་ལོ་ཟླའི་འཕེལ་འགྲིབ་ནང་། །
འཚོ་བའི་རྨང་གཞི་ཞན་པའི་ཁར། །
ཟས་གོས་ཧ་ཅང་དབུལ་བས་ན། །
ངན་ངོན་འཚོ་བར་ཡི་རེ་མུག །
ད་ལྟའི་དུས་བཟང་འདི་ལ་ནི། །
འཚོ་བའི་ཆ་རྐྱེན་བཟང་བར་བརྟེན། །
ལོངས་སྤྱོད་ཀླུ་དང་མཉམ་བཞིན་དུ། །
ཟས་གོས་ལ་སོགས་འབེལ་ལྷུག་ལྷུག །
སྔོན་ཆད་དུས་ཚོད་ནང་ལ་ནི། །
ཕྱོགས་བཞིའི་ཡུལ་ལུང་བསྐོར་བ་སོཊ། །
རྣ་བས་ཐོས་པ་ཙམ་ཞིག་ལས། །
འགྲོ་རྒྱུ་ཉིན་མོའི་རྨི་ལམ་རེད། །
ད་ཆའི་དུས་བཟང་འདི་ལ་ནི། །
དཔལ་འབྱོར་ཆ་རྐྱེན་བཟང་བར་བརྟེན། །
ཡུལ་ལུང་མང་པོར་ལྟད་མོར་ཕྱིན། །
བདེ་སྐྱིད་དཔལ་ལ་ཅི་དགར་རོལ། །
སྔོན་ཆད་ལམ་བུའི་སྟེང་ལ་ནི། །
ལམ་སྒྲོན་ཟེར་བའི་མིང་ཡང་མེད། །
མཚན་མོ་ཕྱི་ལ་འགྲོ་བའི་དུས། །
སྦར་ཉུལ་རྒྱག་དགོས་འཁེལ་ནས་བྱུང་། །
ད་ལྟའི་དུས་བཟང་འདི་ལ་ནི། །
གཞུང་ལམ་ལ་སོགས་གང་ས་རུ། །
གློག་སྒྲོན་འོད་མདངས་བཀྲ་བས་ན། །
ཉིན་མཚན་དབྱེ་བ་འབྱེད་པར་དཀའ། །
སྔོན་ཆད་དུས་སྐབས་ནང་ལ་ནི། །
སྐོམ་སེལ་འཐུང་ཆུ་ལེན་པར་ཡང་། །
ཆུ་ཟོམ་སྒལ་པར་ཁུར་ནས་ནི། །
ཐག་རིང་ཡུལ་དུ་འགྲོ་དགོས་ཡོད། །
ད་ལྟའི་དུས་བཟང་འདི་ལ་ནི། །
རང་འབབ་ཀ་ལ་ཡོད་པར་བརྟེན། །
འཐུང་ཆུ་སྒོ་རྩར་ཡོད་པས་ན། །
ཆུ་ཟོམ་ཡིན་ཡང་རྒན་ཡོལ་ཞུས། །
སྔོན་ཆད་དུས་སྐབས་ནང་ལ་ནི། །
རླངས་འཁོར་ཧ་ཅང་ཉུང་བས་ན། །
སྒེར་གྱིས་རླངས་འཁོར་སྤྱོད་རྒྱུ་ནི། །
སྟོང་བསམ་ཙམ་ལས་མངོན་འགྱུར་དཀའ། །
ད་ལྟའི་དུས་བཟང་འདི་ལ་ནི། །
སྒེར་གྱི་རླངས་འཁོར་ཆེ་མ་ཆུང་། །
ནམ་མཁའི་སྐར་མའི་ཚོགས་བཞིན་དུ།
ཧ་ཅང་མང་བས་མིག་ཟུང་འཁྲུལ། །
ལོ་ངོ་དྲུག་ཅུའི་སྔོན་དུ་ནི། །
ང་ཅག་སྐྱེ་བོ་མང་དག་ཅིག །
མེ་འཁོར་རྣ་བས་ཐོས་ཙམ་ལས། །
དངོས་སུ་མཐོང་བ་རྨི་ལམ་ཙམ། །
ད་ལྟ་ཏང་གི་སྲིད་བཟང་འོག །
མཚོ་བོད་ས་མཐོར་ལྕགས་ལམ་བསྐྲུན། །
མེ་འཁོར་ཤར་གཏོང་ཐུབ་པ་ཡིས། །
འགྲུལ་བཞུད་ལམ་བུར་དཀའ་བ་མེད། །
སྔོན་ཆད་དུས་སྐབས་ནང་ལ་ནི། །
འཕྲུལ་འཁོར་འགྲོ་ལམ་ལ་སོགས་ནི། །
གུ་དོག་ས་ཁོད་མ་སྙོམས་ཁར། །
འགྲིམ་འགྲུལ་དེ་བས་སྟབས་བདེ་མེད། །
ད་ལྟའི་དུས་སྐབས་འདི་ལ་ནི། །
མཁའ་ལམ་ལྕཊ་ལམ་གཞུང་ལམ་དང་། །
མཚོ་ལམ་ལ་སོགས་གང་དགོས་འཛོམས། །
འགྲིམ་འགྲུལ་འཕེལ་རྒྱས་ཨེ་མ་མཚར། །
འབྲེལ་ཡོད་གསར་འགྱུར།