དྲན་པའི་ངོགས་སུ་རྒྱུ་བའི་འབྲོག་མོ།
ཡིད་འོང་འབྲོག་མོའི་གསུང་སྐད་ལྷང་ལྷང་། །
ནགས་ཀྱི་ལྗོན་ཤིང་གར་སྟབས་ལང་ལིང་ །
དཔྱིད་ཀྱི་སྦྲང་ཆར་ཟམ་ཟིམ་འཐོར་དུས། །
ལན་བུ་གཡུ་ཡིས་བརྒྱན་པའི་འབྲོག་མོ། །
ལུག་ཁྱུ་འཚོ་སའི་ཐང་ནས་དྲན་ཡོང་། །
མེ་ཏོག་སྣ་བརྒྱའི་མགོ་ལྕོག་ལྡེམ་ལྡེམ། །
གཡུ་སྦྲང་གཞོན་ནུའི་གླུ་དབྱངས་དར་དིར། །
དབྱར་གྱི་མཛེས་པ་སྤང་ལ་འདྲེས་དུས། །
མེ་ཏོག་མགོ་རྒྱན་བསླས་པའི་འབྲོག་མོ། །
སྤང་ལྗོངས་བདེ་མོའི་ཐང་ནས་དྲན་ཡོང་། །
མཐོན་མཐིང་མཁའ་ཡི་ཆུ་འཛིན་ལང་ལིང་། །
དྭངས་གསལ་གཙང་པོའི་བཞུར་སྒྲ་འུར་འུར། །
སྟོན་གྱི་སྒེག་ཉམས་རི་ནས་འཆར་དུས། །
མགོ་རས་རླུང་གིས་ཁུར་བའི་འབྲོག་མོ། །
སྟོན་སའི་སྦྲ་གུར་མཐའ་ནས་དྲན་ཡོང་། །
ནོར་འཛིན་ཁ་བའི་འདབ་མའི་དྲིན་གྱིས། །
རི་ཀླུང་ཐང་གསུམ་དཀར་འོད་ཆེམ་ཆེམ། །
དགུན་ཟླའི་གྲང་ལྷགས་གཙག་གིས་གཙེས་དུས། །
ཚར་དཀར་གོང་བ་ངོམས་པའི་འབྲོག་མོ། །
དགུན་གསུམ་ཁ་བའི་ཀློང་ནས་དྲན་ཡོང་། །
རྡོ་རྗེ་ཐར་ལམ།
ཡིད་འོང་འབྲོག་མོའི་གསུང་སྐད་ལྷང་ལྷང་། །
ནགས་ཀྱི་ལྗོན་ཤིང་གར་སྟབས་ལང་ལིང་ །
དཔྱིད་ཀྱི་སྦྲང་ཆར་ཟམ་ཟིམ་འཐོར་དུས། །
ལན་བུ་གཡུ་ཡིས་བརྒྱན་པའི་འབྲོག་མོ། །
ལུག་ཁྱུ་འཚོ་སའི་ཐང་ནས་དྲན་ཡོང་། །
མེ་ཏོག་སྣ་བརྒྱའི་མགོ་ལྕོག་ལྡེམ་ལྡེམ། །
གཡུ་སྦྲང་གཞོན་ནུའི་གླུ་དབྱངས་དར་དིར། །
དབྱར་གྱི་མཛེས་པ་སྤང་ལ་འདྲེས་དུས། །
མེ་ཏོག་མགོ་རྒྱན་བསླས་པའི་འབྲོག་མོ། །
སྤང་ལྗོངས་བདེ་མོའི་ཐང་ནས་དྲན་ཡོང་། །
མཐོན་མཐིང་མཁའ་ཡི་ཆུ་འཛིན་ལང་ལིང་། །
དྭངས་གསལ་གཙང་པོའི་བཞུར་སྒྲ་འུར་འུར། །
སྟོན་གྱི་སྒེག་ཉམས་རི་ནས་འཆར་དུས། །
མགོ་རས་རླུང་གིས་ཁུར་བའི་འབྲོག་མོ། །
སྟོན་སའི་སྦྲ་གུར་མཐའ་ནས་དྲན་ཡོང་། །
ནོར་འཛིན་ཁ་བའི་འདབ་མའི་དྲིན་གྱིས། །
རི་ཀླུང་ཐང་གསུམ་དཀར་འོད་ཆེམ་ཆེམ། །
དགུན་ཟླའི་གྲང་ལྷགས་གཙག་གིས་གཙེས་དུས། །
ཚར་དཀར་གོང་བ་ངོམས་པའི་འབྲོག་མོ། །
དགུན་གསུམ་ཁ་བའི་ཀློང་ནས་དྲན་ཡོང་། །