ལོ་རྒྱུས་ལ་ཕྱིར་འདང་རེ་རྒྱག་དུས། བོད་ལ་དམངས་གཙོའི་བཅོས་སྒྱུར་མ་བཏང་གོང་གི་བོད་ལྗོངས་ཀྱི་ཆེས་མུན་ནག་དང་། ཆེས་ཀླ་ཀློ། ཆེས་གདུག་རྩུབ་ཆེ་བའི་སྤྱི་ཚོགས་ཀྱི་རྣམ་པ་དག་ལོ་རྒྱུས་ཀྱི་ཤོག་ངོས་ནས་འདྲེན་བྱེད་ཀྱི་ལམ་དུ་འཆར་ཐེངས་རེར། བདག་གི་མིག་ཟུང་མཆི་མས་བརླན་པ་ཉུང་ཉུང་མིན།

སྐབས་དེ་དུས་བོད་ཀྱི་ཞིང་བྲན་རྣམས་མངའ་བདག་ཆེན་པོ་གསུམ་གྱི་མནར་གཅོད་དྲག་པོའི་འོག་རང་ལུས་རང་ལ་མི་དབང་ཞིང་། རང་ཁྱིམ་རང་ལ་མི་བདག་པར་ཁྲལ་དང་འུ་ལག་སྣ་ཚོགས་སྐུལ་བཞིན་ཡོད་པ་དེ་དམངས་གཞས་སུའང་། ཉིན་མོ་དཔོན་པོས་མ་བཞག །ཁྲལ་དང་འུ་ལག་བསྐུལ་བྱུང་། །མཚན་མོ་ཤིག་གིས་མ་བཞག །ལུས་པོའི་ཤ་ཁྲག་འཇིབ་སོང་། །ཞེས་པས་མཚོན་པ་དང་། གངས་རི་མར་ལ་གྱུར་ཡང་། །ཁ་གང་ཟ་དབང་མི་འདུག །ཆུ་བོ་འོ་མར་གྱུར་ཡང་། །

ཧུབ་གང་འཐུང་དབང་མི་འདུག །ཅེས་ཟ་འཐུང་ལོངས་སྤྱོད་ཇི་ལྟར་འཛོམས་ཀྱང་རང་ཉིད་ལ་སྤྱོད་དབང་མེད་པ་མཚོན་པ། དེ་བཞིན། ལུས་པོ་ཕ་མས་གནང་ཡང་། །དཔོན་གྱིས་བདག་པོ་བརྒྱབ་སོང་། ། བདག་ལ་ལུས་སྲོག་ཡོད་ཀྱང་། །བདག་པའི་དབང་ཆ་མི་འདུག །ཅེས་པས་རང་ལུས་རང་ལ་མི་དབང་བར་ཞིང་བྲན་རྣམས་ལ་སྡུག་ལས་སྣ་ཚོགས་བསྐུལ་ཏེ་རྟ་ཟོག་སེམས་ཅན་ལྟ་བུའི་ཡ་ང་བའི་འཚོ་བ་སྐྱེལ་དགོས་བྱུང་བའི་གནས་བབ་མཚོན་ཡོད། མདོར་ན། ཞིང་བྲན་རྣམས་ནི་སྐད་ཆ་བཤད་ཤེས་པའི་དུད་འགྲོ་འབའ་ཞིག་ལ་བརྩིས་ནས་སྡུག་ལས་སྣ་ཚོགས་བསྐུལ་རྐྱང་དང་། ཉེས་རྡུང་ཚད་མེད་གཏོང་བཞིན་ཡོད་པས། རྒྱ་ཆེའི་མང་ཚོགས་དམྱལ་ཁམས་ཀྱི་ཁྲོ་ཆུ་ཁོལ་མའི་ནང་ངམ་སྡུག་བསྔལ་གྱི་མེ་འོབས་ནང་འཚོ་བ་དང་གཉིས་སུ་མ་མཆིས།

དེ་ལྟར་སྡུག་གི་སྨག་རུམ་འཇོམ

ས་པའི་སྐྱ་རེངས་ཀྱི་ཕོ་ཉ་རླབས་ཆེན་གུང་ཁྲན་ཏང་གིས་མངགས་གནང་བའི་བཅིངས་འགྲོལ་དམག་མི་བསིལ་ལྡན་ཁ་བའི་ལྗོངས་སུ་ཞབས་བཅག་ནས། མངའ་བདག་ཆེན་པོ་གསུམ་གྱི་དགྲ་ཚོགས་རྨེག་མེད་དུ་བཅོམ་པས། དུས་དེ་ནས་བཟུང་། ཞིང་བྲན་རྣམས་ལ་སྐྱིད་པའི་ཉི་མ་ཤར་འགོ་ཚུགས་ཤིང་། དེང་གི་ཆར་ཏང་གི་སྲིད་བཟང་ཉི་གཞོན་གྱི་བླ་མེད་ཐུགས་རྗེའི་འོད་ཟེར་ལྷམ་མེར་བོད་རིགས་མི་དམངས་ཀྱི་ལུས་སེམས་ཀུན་ལ་འཕྲོས་པས། གང་སར་བདེ་སྐྱིད་འཚོ་བའི་ཆུ་སྐྱེས་ཅི་དགར་བཞད་བཞིན་མཆིས།

གཟིག

ས་དང་། ཞིང་འབྲོག་མང་ཚོགས་ཀྱི་བྱིས་པ་དག་འགན་ལེན་གསུམ་གྱི་སྲིད་བཟང་སྦྲང་ཆར་གྱིས་རབ་ཏུ་བརླན་པས། ཟས་གོས་སྡོད་གསུམ་ལ་སེམས་ཁྲལ་སྤུ་ཙམ་ཡང་མེད་པར་དྲོ་སྐྱིད་ལྡན་པའི་སློབ་གྲྭའི་སྐྱེད་ཚལ་ཡངས་པོར་བུང་བ་པད་མའི་ཟེའུ་འབྲུར་རོལ་བ་བཞིན་དགེ་བའི་བཤེས་གཉེན་རྣམས་ཀྱིས་བུམ་པ་གང་བྱོའི་ཚུལ་དུ་གནང་བའི་ཤེས་རིག་གི་གནས་སྤྱི་དང་བྱེ་བྲག་ལ་འབུངས་བཞིན་ཡོད་པས། ཤེས་རིག་གི་གོ་ཆ་ལུས་ལ་བསྒོས་པའི་བོད་ལྗོངས་གསར་པའི་ཤེས་ལྡན་པའི་དཔུང་ཁག་ཅིག་ཏུ་གྱུར་དང་འགྱུར་བཞིན་མཆིས།

བོད་ཀྱི་ཞིང་འབྲོག་མང་ཚོགས་རྣམས་ལའང་དམངས་ཕན་སྲིད་ཇུས་རབ་དང་རིམ་པ་ལོངས་སུ་སྤྱོད་སྐལ་བྱུང་བས། མང་ཚོགས་ཀྱི་ཟས་གོས་སྡོད་གསུམ

་ལ་གནམ་ས་བླ་འོག་ཏུ་འགྱུར་བ་ལྟ་བུའི་འཕོ་འགྱུར་བྱུང་བ་མིག་ལྡན་སྐྱེ་བོ་ཀུན་གྱི་མཐོང་ཆོས་སུ་གྱུར་པ་སྟེ། ཤམ་བུས་བརྒྱན་པའི་བ་གམ་ཁང་བཟང་ཚར་དུ་དངར་ཞིང་། ནང་དུ་གཙང་སྦྲ་ལྡན་ལ་འཛིན་ཆས་སྣ་ཚོགས་གང་དགོས་ཅི་དགོས་འཛོམས་པ་དང་། སྔོ་ཚལ་སོས་པ་དང་ཚགས་ཤ་ལུག་ཤ་སོགས་ཀྱི་ཞིམ་མངར་བཅུད་ལྡན་གྱི་ཟས་རིགས་སྣ་ཚོགས་རྒྱུན་ཟས་སུ་གྱུར། རྟ་བོང་འགན་ཡོལ་ཞུས་ཏེ་འཕྲུལ་ཆས་སྣ་ཚོགས་ཀྱིས་འཚོ་བ་དང་ཐོན་སྐྱེད་ལ་སྟབས་བདེ་གང་ལེགས་སྐྲུན་བཞིན་མཆིས།

རེད་ལགས། དེ་དག་ཐམས་ཅད་ཀྱི་ཐམས་ཅད་ནི་ཀྲུང་གོ་གུང་ཁྲན་ཏང་གི་བཀའ་དྲིན་ཉ

ག་གཅིག་ཡིན་པས། རླབས་ཆེན་གྱི་ཀྲུང་གོ་གུང་ཁྲན་ཏང་མེད་ན། བདེ་སྐྱིད་ལྡན་པའི་བོད་ལྗོངས་གསར་པ་འདི་ཉིད་ནམ་ཡང་ཡོད་མི་སྲིད་དོ།