རྩེད་ཐང་གི་ཁ་བས་མཛེས་སྡུག་གི་དཔྱིད་དཔལ་བསུ།
དེ་རིང་རྩེད་ཐང་དུ་ཁ་བ་བབ་ཀྱིན་འདུག
ཁ་བ་ལྷོད་ཀྱིས་བབ་ཀྱིན་འདུག
ཡུན་རིང་སྒུག་པའི་ཁ་བའི་ལྷ་མོས།
མཛེས་སྡུག་གི་དཔྱིད་དཔལ་ཕྱག་ལ་བསྣམས་ནས།
ས་གཞི་ཆེན་པོའི་མགྲོན་དུ་ཕེབས་བྱུང་།
དེ་རིང་རྩེད་ཐང་དུ་ཁ་བ་བབ་ཀྱིན་འདུག
ཁ་བ་ལྷོད་ཀྱིས་བབ་ཀྱིན་འདུག
ཡུན་རིང་སྒུག་པའི་ཁ་བའི་འདབ་མས།
རྩེད་ཐང་གི་སྐུ་ལུས་ལ་མཛེས་སྡུག་གི་ན་བཟའ་བསྒྲོན།
དེ་རིང་རྩེད་ཐང་དུ་ཁ་བ་བབ་ཀྱིན་འདུག
ཁ་བ་ལྷོད་ཀྱིས་བབ་ཀྱིན་འདུག
ཡུན་རིང་སྒུག་པའི་ཁ་བའི་བུ་མོས།
རྩེད་ཐང་གི་མགུལ་ལ་དཀར་གཙང་གི་མཇལ་དར་བསྒྲོན།
དེ་རིང་རྩེད་ཐང་དུ་ཁ་བ་བབ་ཀྱིན་འདུག
ཁ་བ་ལྷོད་ཀྱིས་བབ་ཀྱིན་འདུག
ཁ་བ་ཕེབས་པས་ཡག་བྱུང་།
ཁ་བ་ཕེབས་པས་དགའ་བྱུང་།
དེ་རིང་གི་ཁ་བས།
རྩེད་ཐང་གི་ར་རི་མ་ལུས་དག་སོང་།
རྩེད་ཐང་གི་བྱེ་རྡུལ་འཇགས་སོང་།
རྩེད་ཐང་གི་མི་སེམས་དྲོས་སོང་།
དེ་རིང་རྩེད་ཐང་དུ་ཁ་བ་བབ་ཀྱིན་འདུག
ཁ་བ་ལྷོད་ཀྱིས་བབ་ཀྱིན་འདུག
ཁ་བ་ཕེབས་པས་སྐྱིད་བྱུང་།
ཁ་བ་ཕེབས་པས་དགའ་བྱུང་།
དེ་རིང་གི་ཁ་བས།
རྩེད་ཐང་ལ་མཛེས་སྡུག་གསར་པ་ཞིག་བསྣན།
རྩེད་ཐང་ལ་གསོན་ཤུགས་གསར་པ་ཞིག་སྤྲད།
རྩེད་ཐང་ལ་རེ་བ་གསར་པ་ཞིག་བསྩལ།