※ ལྷུན་པོ་ཆུ་ཡིས་སྣུབ་དོགས་མེད།

ལུང་པ་རླུང་གིས་ཁྱེར་དོགས་མེད།

※ ལག་པ་ཡ་གཅིག་གི་ཐལ་མོ་དང་།

རྐང་པ་ཡ་གཅིག་གི་ཞབས་བྲོ།

※ རྐང་ལག་ཕྲ་མོར། ཁུར་པོ་ལྕི་མོ།

※ ཁྱུང་མཁའ་ལྡིང་རྙི་ལ་འཛིན་ཐབས་མེད།

སྟག་དམར་ཡག་ཐག་པས་འདོཊ་ཐབས་མེད།

※ མིག་མེད་པའི་ལོང་བ་ཐང་གང་རེད།

གཏམ་མི་ཤེས་ལྐུགས་པ་ཁྱུ་གཅིག་རེད།

※ ཐིགས་པ་བསགས་ན་རྒྱ་མཚོ།

ས་རྡུལ་བསགས་ན་རི་རབ།

※ འཆར་ཅན་གྱི་ལོ་གསར་ལ།

དམིགས་བསལ་གྱི་བརྡ་ཐོ་གཏོང་དགོས་མེད།

※ རྒྱུ་འགྲོ་ས་རྒྱལ་པོའི་བང་མཛོད།

ཆུ་འབབ་ས་ལུང་པའི་སུམ་མདོ།

※ རྩུབ་པོ་ཤིང་ལ་མི་འགྲོ།

འཇམ་པོ་བལ་ལ་མི་འགྲོ།

※ ལོང་བ་མཐོང་རྒྱ་ཆེ། འོན་པ་ཐོས་རྒྱ་ཆེ།

※ རིང་ཐུང་འཇལ་བས་ཤེས།

ཡག་ཉེས་དཔྱད་པས་ཤེས།

※ མེ་སྟག་ཆུང་དུས་མ་བསད་ན།

ནགས་རི་མེ་ལ་ཤོར་ཉེན་ཡོད།

※ བྱེའུ་ཆུང་གསུང་སྐད་སྙན་ཡང་།

སྐུ་ཤ་རྒྱ་སྲང་དོ་རེད།

※ རྟོགས་ལྡན་མི་གཅིག་ལག་གཅིག

ཇག་པ་མི་མང་ལག་མང་།

※ གྲོགས་བཟང་པོ་སྨན་གྱི་ལྗོན་ཤིང་རེད།

གྲོགས་ངན་པ་དུག་གི་སྡོང་པོ་རེད།

※ རྣོ་མེད་རལ་གྲི་དབྱུག་པ་འདྲ།

འགྲོས་མེད་འདོ་བ་གླང་རྒན་འདྲ།

※ དབང་ཆེན་རི་ལ་མ་ཤོར་བ་དང་།

ཉམ་ཆུང་སྒོ་རྒྱབ་ཏུ་མ་ལུས་པ།

※ སྐྱིད་ན་ནམ་མཁའི་བྱ་ཡང་འཁོར།

སྡུག་ན་མཆན་གྱི་བུ་ཡང་བྲོས།